Ferizaj

Nis viti i ri akademik në Universitetin e Ferizajt

Published

7 years ago

01 October, 2019

Me një pritje të organizuar për studentët e rinj, sot ka filluar viti i ri akademik në Universitetin e Shkencave të Aplikuara në Ferizaj. Me këtë rast, rektori i këtij Universiteti Agron Bajraktari, duke iu uruar mirëseardhje në këtë Universitet studentëve të rinj, tha se shpreson që kjo gjeneratë, përpos programit bachelor dhe master të kenë fatin të përfundojnë edhe programin e doktoraturës në këtë institucion. Kurse, sa i përket programeve të akredituara, rektori Bajraktari, tha se Universiteti i Shkencave të Aplikuara në Ferizaj nga të gjitha Universitetet tjera publike ka dalë më i suksesshmi për këtë vit

“Areditimi i programeve tona nuk është një dhuratë, është një çmim i merituar të cilin e kemi marrë bazuar në përgatitjen e planprogrameve, në punën e cila është bërë bashkë me biznesin, me ndërmarrjet pa të cilat Univesiteti jonë nuk do të kishte këtë zhvillim, pa e ditur kërkesën ë tregut, pa i ditur nevojat e tyre nuk kishim pas mundësi me pas kaq programe të mira“, tha ai.

Duke folur për të arriturat e këtij Universiteti, ai e krahasoi USHAF-in me Universitetin e Salzburgut në Austri.

“Ne jemi një kopje shumë e mirë, një kopje shumë origjinale e një nga universiteteve më të mira në Austri, të shkencave të aplikuara që është Universiteti i Shkencave të Aplikuara ne Salzburg, jemi pionerë dhe model i shkencave të aplikuara në ballkan, studimi pranë institucionit tonë dhe para dhjetë viteve, para dymbëdhjetë viteve kur kemi fillu bashkëpunimin me Austrinë dhe sot ndryshon shumë, kemi zgjedhur këtë formë të studimit, përkatësisht shkencat e aplikuara me këto drejtime që pothuajse janë unike në Kosovë pas një konsulte, pas një diskutimi, pas vizitave të shumta në Austri, pas vizitave të shumta të shtetit austriak dhe përfaqësuesve austriak këtu, të profesorëve nga Austria të cilët ju do t’i keni dhe do t’iu ligjërojnë, kanë ligjëruar dhe do të ligjërojnë këtu, kjo ka bërë që ne të jemi një kopje shumë e përafërt me ta. Stafi, përgatitja e stafit e cila ndodhet pranë institucionit tonë nuk ndryshon absolut, nuk ndryshon hiç nga përgatitja e stafit e cila është në Salzburg“, tha Bajraktari.

E, studentët të cilët filluan studimet për herë të parë në këtë Universitet, u shprehën të privilegjuar për mundësitë që do t’i kenë gjatë studimeve.

“Për mua është privilegj dhe nder kur shoh se në qytetin tim është një fakultet i cili përmbushë të gjitha standardet evropiane dhe iu mundëson ktë rinjve të qytetit tonë, por edhe më gjerë që të jenë pjesë e këtij universiteti dhe të marrin dituri rreth studimeve bachelor dhe master në kushte më të mira dhe me standarde evropiane”, theksoi Leona Jahiri, studente.

“E kam zgjedhë këtë fakultet sepse ka perspektivë dhe ka drejtime të mira të cilat mua më kanë konvenu për me u regjistru këtu dhe për me pas një qëllim sa më të mirë në jetë“, u shpreh Dardan Nuhaj, student.

Në Universitetin e Shkencave të Aplikuara të Ferizajt, këtë vit janë regjistruar rreth 600 studentë në nivelin bachelor dhe rreth 150 në nivelin master.

Ferizaj

Siguria juaj fillon me zgjedhjen e duhur të sigurimit

Published

1 hour ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 hour ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.