Ferizaj

Video sensibilizuese për personat me sindromën down

Published

7 years ago

01 October, 2019

Në këtë ekran që është i vendosur në murin e hotelit ”Lybeten” në qendër të qytetit të Ferizajt, çdo ditë shfaqen video të ndryshme, por sot ky ekran është zbukuruar me një video e cila është ndryshe nga të tjerat.

Në këtë ekran, qytetarët do të shohin Elën e cila punon në një ordinancë stomatologjike, Besnikun punonjës në një kafiteri dhe Leartin pjesë e një barnatoreje, që të tre të prekur me sindromën down, por që dëshmojnë se edhe ata mund të punojnë si gjithë personat e tjerë.

Kjo video me qëllim sensibilizimin e shoqërisë, është ide e nënës së Elës, Indira Alija, e cila thotë se këtë inciativë e ka marrë për t’ua dëshmuar qytetarëve se edhe kjo kategori e shoqërisë është e aftë të punoj.

“Video është për sensibilizimin e personave me nevoja të veçanta, në shikim të parë përceptohet se çfarë domethënie ka. Është Ela e cila punon si asistente, ndërsa është edhe Besniku në një kafeteri duke shërby kafe dhe Learti në barnatore duke palu barna dhe kjo dëshmon se munden me ia arritë edhe këta që të punojnë“, tha Alija.

E, Besniku, Ela dhe Learti, të motivuar për punën që bëjnë, thonë se nuk po kanë asnjë pengesë për të punuar.

“Jam shumë e kënaqur, të gjithë mund ta bëjnë këtë punë”, tha Ela Aliu.

“Shumë mirë është aty, të gjithë munden me punu”,tha Leart Gashi.

“Unë punoj, kafe përgatiti, jam shumë i kënaqur, tabakun e mbaj, ka me u bë më i miri“,tha Besnik Haliti.

Kurse, realizatori i kësaj videoje, Arban Gashi, thotë se kjo video është më e mira që ka realizuar ndonjëherë.

“Këta persona meritojnë shumë, shihet puna e tyre që janë aktiv, ata munden me qenë të barabartë me neve në secilin profesion, ata janë shumë të aftë, është shumë kënaqësi të punosh me ta“, tha Gashi.

Inicuesit e kësaj video thanë se shpresojnë që do t’ia arrijë të ndërgjegjësojnë shoqërinë, me theks të veçantë bizneset, që të punësojnë persona me nevoja të veçanta.

Kjo video motivuese në këtë ekran do të qëndroj 24 orë.

Ferizaj

Siguria juaj fillon me zgjedhjen e duhur të sigurimit

Published

19 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

19 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.