Connect with us

Ferizaj

SONDAZH I TV TEMA: LVV prin në Ferizaj me 33.63%, PDK i vihet prapa me 30.73%

Published

on

Radio Televizioni Tema, ka publikuar hulumtimin për zgjedhjet e parakohshme parlamentare që do të mbahen më 6 tetor.  Në anketimin e 449 qytetarëve në qytet dhe në fshatra të kësaj komune, të realizuar nga fillimi i shtatorit deri më 17 shtator, ferizajasit janë deklaruar se do ta votojnëLëvizjen Vetëvendosje me një përqindje prej 33.63, pasuar nga PDK-ja me 30.73%, LDK-ja me 27.84%, ndërsa partitë tjera me 7.80%.         Drejtori i Televionit Tema, Visar Hoti, tha se mediumi që ai drejton nga viti 2001 realizon sondazhe të tilla, në të cilat margjina e gabimit ka qenë shumë e vogël.  Ai tha se margjina e gabimit të sondazhit të realizuar për zgjedhjet e 6 tetorit është vetëm 4.17%, ndërsa besueshmëria e mostrës 95%.

“Ne sondazhet tona i bëjmë me një metodologji interesante ku e kemi demografinë e përcaktuar në mënyrë shkencore dhe nëse iu kujtohet në vitin 2017 kemi dalë me një hulumtim i cili ishte kontradiktor në aspektin e pranimit, sepse nuk pranohej rezultati i sondazhit, mirëpo nga zgjedhjet doli se sondazhi jonë pati gabime shumë të vogla në përqindje. Po shpresojmë që edhe sivjet ta kemi bërë një analizë kualitative të vullnetit të qytetarëve të komunës së Ferizajt. 47.22% e mostrave janë realizuar në qytet, ndërsa 52.78% në fshatra. Nga 449 respodentët e anketuar 38% kanë qenë femra dhe 61.47% kanë qenë meshkuj, ku grupmosha 18-30 vjeç ka qenë 38%, nga 30-55 vjeç 42.76% dhe mbi 55 vjeç 18.05% , një demografi e ngjashme me atë të vitit 2017. Sipas nivelit të edukimit respodentët me shkollim të lartë janë 20.26%, me shkollim të mesëm janë 56.81% dhe me shkollim fillorë janë 22.93%. Nga mostrat që kemi gjetur apo nga analizat që kemi bërë kemi parë se në Komunën e Ferizajt sipas disponimit të qytetarëve për atë periudhë prin Vetëvendosje me 33.63%, pastaj vie PDK me 30.73% ndërkaq LDK është me 27.84%, pra kjo është tërësia e gjithë votuesve në qytet dhe fshat”, u shpreh Hoti.

Drejtori i Televizionit TEMA, tha se për dallim nga sondazhet paraprake, tani LDK-ja dhe PDK-ja prijnë në fshatra, ndërsa Vetëvendosje prin bindshëm në qytet.

 “Çka vërehet krahasuar me vitin 2017, vërehet një ndryshim në fshatra, ku kemi rritje të konsiderueshme të LDK-së dhe PDK-së  dhe realisht ata prijnë, që të dyja kanë forca të barabarta me 30.8%, dhe prapa është VV me 29.96% dhe të tjerë janë 8.44%, ndërsa në qytet shihet një avantazh shumë i lartë i Vetëvendosjes krahasuar me PDK-në, ku kemi 37.74%  të mostrave që janë deklaruar pro Vetëvendosjes, për PDK-në 30.66%, ndërsa në qytet LDK është më e dobëta me 24.53%,  ndërsa për partitë e tjera mostra që janë deklaruar në qytet është 7.07%. Pra, vlen të theksohet se në tërësi është një garë shumë e ngushtë dhe shihet se Vetëvendosje menjëherë prapa e ka PDK-në në komunë si tërësi”  tha Hoti.

Rezultatet e përgjitshme të hulumtimit për Ferizaj – Zgjedhjet 6 Tetor
Disponimi i banorëve të Ferizajt në pjesën urbane – Zgjedhjet 6 Tetor
Disponimi i banorëve të Ferizajt në fshatra – Zgjedhjet 6 Tetor

Sa u përket rezultateve të kandidatëve për deputetë, Hoti tha se janë ende në procesim të shënimeve, duke theksuar se ajo çka vërehet deri më tani nga ky hulumtim është se elektorati i PDK-së është ruajtës i votës së Ferizajt, tek Vendvendosja vërehet një shkallë e vogël shkuarjes së votave në Prishtinë, ndërsa tek LDK-ja vërehet orientim i dukshëm i votave për kandidatët e këtij subjekti edhe jashtë Ferizajt.

Continue Reading
Click to comment

Leave a Reply

Your email address will not be published. Required fields are marked *

Ferizaj

Aktakuzë ndaj dy personave për vrasjen e kryer vjet në Bibaj të Ferizajt

Published

on

Prokuroria Themelore në Ferizaj ka ngritur aktakuzë kundër F.R., dhe J.M., nga Ferizaj, për vrasjen e një personi  në oborrin e një salle dasmash në Bibajt të Ferizajt,  më 16 gusht 2024.

Sipas prokurorisë, i akuzuari F.R ,me dashje dhe me qëllim të hakmarrjes, e ka qëlluar me breshëri plumbash viktimën S.S., duke e lënë të vdekur në vend, kurse J.M. akuzohet për ndihmë në këtë vrasje.

“Ekziston dyshimi i bazuar “se i pandehuri F.R., më 16 gusht 2024, rreth orës 19:21, në parkingun e restorantit “Fron Palace”, në fshatin Bibaj, komuna Ferizaj, gjatë një ceremonie martesore, me dashje dhe paramendim, me qëllim hakmarrjeje për motive të pretenduara familjare të pabazuara dhe të pakonfirmuara juridikisht, në prani të dhjetëra personave përfshirë të mitur, me armë zyrtare automatike të policisë, me dashje dhe qëllim të privimit nga jeta, me breshëri plumba shtien në drejtim të viktimës S.S., duke e privuar nga jeta, ku, si pasojë e të shtënave është rrezikuar seriozisht edhe siguria e personave tjerë të pranishëm në atë moment, me këtë veprim kreu veprën penale të ”Vrasjes së rëndë” nga neni 173 paragrafi 1, nën paragrafi 1.8 dhe 1.11 të Kodit Penal të Republikës së Kosovës.” – thotë Prokuroria.

Kurse, J.M., akuzohet se me dashje e ka ndihmuar policin në privimin nga jeta të viktimës S.S., ashtu që i pajisur me mjet të forta, ka mbrojtur perimetrin e sulmit dhe ka parandaluar çdo ndërhyrje, në mënyrë që i akuzuari F.R., të realizonte pa pengesë veprën penale të vrasjes së rëndë.

Continue Reading

Ferizaj

Policia e Ferizajt pezullon 20 patentë shoferë brenda një jave

Published

on

Policia Rajonale e Ferizajt ka njoftuar se gjatë javës së kaluar, nga data 07-13.07.2025, janë shqiptuar 1,681 gjoba kundërvajtëse, si dhe janë pezulluar 20 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe janë regjistruar gjithsej 40 aksidente, nga të cilat 22 aksidente me lëndime, ku kanë mbetur të lënduar 29 persona kurse 18 aksidente ishin vetëm me dëme materiale

Policia Rajonale e Ferizajt bëri të ditur do të vazhdojë me aktivitete të shtuara për të parandaluar aksidentet  derisa ka apeluar tek të gjithë drejtuesit e automjeteve që të respektojnë rregullat e trafikut.

Continue Reading

Ferizaj

Zbulohen pesë emigrantë në një kamion në Terminalin Doganor në Ferizaj

Published

on

Policia e Kosovës ka gjetur 5 emigrantë të paligjshëm  në një rimorkio kamioni në Terminalin Doganor në Ferizaj. 

Sipas policisë, tre nga emigrantët  e zbuluar janë të moshës 17 vjeç, një 18 vjeç dhe një 28 vjeç.

“Sot, më datë 11.07.2025, rreth orës 16:00, policia ka pranuar një informatë se në Terminalin Doganor, në rrugën “Driton Islami” në Ferizaj, në një rimorkio të një kamioni me targa vendore, sipas zyrtarëve doganorë, dyshohej se ndodheshin disa emigrantë të paligjshëm.

Menjëherë pas pranimit të informacionit, në vendngjarje kanë dalë njësitë reaguese dhe Njësia e Hetimeve nga stacioni policor në Ferizaj. Pas hapjes së bllokadave të rimorkios, janë hasur pesë emigrantë: tre prej tyre 17 vjeç, një 18 vjeç dhe një 28 vjeç, të cilët nuk posedonin dokumentacion identifikues.

Lidhur me rastin janë njoftuar prokurori kujdestar dhe njësia për migrim, të cilët kanë dalë në vendin e ngjarjes dhe kanë marrë në trajtim të mëtejshëm të dyshuarit, si dhe drejtuesin e kamionit, shtetasin kosovar B.B., 38 vjeç.” thuhet në njoftimin e policisë.

Continue Reading

Trending