Connect with us

Ferizaj

Ferizaj me 8 deputetë në Kuvendin e Kosovës

Published

6 years ago

on

Komisioni Qendror i Zgjedhjeve ka bërë shpalljen e rezultateve përfundimtare të zgjedhjeve të parakohshme parlamentare të mbajtura më 6 tetor. E, në përbërjen e legjislaturës së re do të ketë më shumë deputetë nga Ferizaj të cilët për herë të parë do të marrin pozitën e deputetit.

Ndër ta është asamblisti i Kuvendit të Ferizajt nga Lëvizja Vetëvendosje, Enver Haliti, i cili për herë të parë i hyri kësaj gare dhe arriti të marrë votat e mjaftueshme për t’u bërë deputet.

Haliti, ish-pjesëtar i UÇK-së, ndërsa pas luftës aktiv në jetën politike, thotë se i ka hyrë kësaj rruge me misione të qarta, ku në fokus do të ketë zërin e qytetarit.

”Në Kosovë ka shumë gjëra që duhet ndryshuar, jemi dëshmitarë që deri më tani shteti nuk ka funksionuar në asnjë hallkë të tij, kemi pasur dështime të mëdha në të gjitha sferat duke filluar nga arsimi, shëndetësia, mirëqenia sociale, drejtësia,  po ashtu në aspektin urbanistik e mjedisor ka pasur shumë fusha ku shteti i Kosovës ka dështuar në një formë që ta luaj rolin e vet me çka që ne do të angazhohemi edhe si deputetë  që këto kauza të marrin drejtim dhe t’i hapim rrugë zhvillimit  të vendit. Unë po mendoj që do të jem zëri i tyre dhe të gjitha ato padrejtësi ose projekte që kanë çaluar edhe për Ferizajn e gjithë Kosovën besoj që do të jemi zëri i tyre dhe do t’i shtyejmë këto agjenda”, tha Haliti.

Përveç Halitit, për herë të parë deputet u zgjodh edhe një pjesëtar tjetër i UÇK-së nga ky qytet. Është ky Gazmend Bytyçi nga Partia Demokratike e Kosovës, i cili ishte pjesë e Asamblesë komunale në legjislaturën e kaluar, ndërsa aktualisht është udhëheqës i ndërmarrjes publike ”Stacioni i Autobusëve” në këtë qytet. Edhe Bytyçi thotë se do të jap kontributin e tij në fusha ku ka përvojë.

“Kauza më e madhe e këtij vendi është që të punohet mbarë dhe mirë, Kuvendi i Kosovës ka nevojë që të ndryshoj, të jetë një Kuvend më punëtor më i përgjegjshëm, nuk mendoj që legjislaturat e kaluara kanë qenë në nivelin që ka kërkuar qytetari ynë, por në nivelin që janë zhvillimet e përgjithshme të shoqërisë sonë. Çdo deputet duhet të dijë cili është misioni, kauza dhe për çfarë e kanë deleguar qytetarët.  Besimi është elementi më i rëndësishëm dhe kjo është ajo çka duhet të bëj ky Kuvend që ta kthej besimin tek qytetari, sepse besimi ka humbur që një kohë të gjatë, prandaj duhet të kemi një legjislaturë të  përgjegjshme dhe punëtore. Ka shumë fusha që unë do të jap kontributin tim si në fushën e sigurisë, një kontribut që dëshiroj ta jap është edhe në fushën e kulturës dhe vlerave të luftës“, tha Bytyçi.

Halitit do t’i mungoj Asambleja komunale, ndërsa Bytyçit udhëheqja. Që të dy urojnë që pasardhësit e tyre të ndjekin rrugën që këta po e lënë në gjysmë në këtë qytet.

“Ka qenë një përvojë e jashtëzakonshme për mua si individ në Asamblenë komunale, po ashtu edhe në ekzekutivin e Ferizajt, mendoj që kam përfituar jashtëzakonisht shumë dhe sot e njoh Ferizajn shumë më mirë, kjo përvojë do të më shërbej edhe në të ardhmen sepse e di se çka ka nevojë Ferizaj dhe ku ka nevojë. Do të më mungoj Asambleja komunale dhe angazhimi im aty, por po besoj që edhe nga niveli qëndror mundësitë do të jenë më të mëdha të kontribuoj për Ferizajn. Parimet nuk do t’i ndërroj, do të vazhdoj t’i mbaj ato parime“, tha Haliti.

“Në momentin e dorëheqjes së drejtorit duhet të fillojnë procedurat për rekrutimin e një drejtori të ri dhe kushdo që vie unë i uroj suksese. Mision i saj apo i tij do të jetë zhvendosja e stacionit  të autobusëve nga ai vend, sepse ëhstë pengesë për qytetin, edhe kjo është pjesë e asaj që unë do të angazhohem si deputet që ta fus në kode buxhetore, në kuadër të kësaj pavarësisht se kush jemi duhet të punojmë dhe të angazhohemi për Ferizajn e  të përkrahim projektet për Ferizajn“, tha Bytyçi.

Në listën përfundimtare të publikuar nga KQZ-ja  janë 8 kandidatë nga Ferizaj që kanë arritur të marrin vota të mjaftueshme për të marrë postin e deputetit. Nga  Lëvizja Vetëvendosje është Hekuran Murati, Haki Abazi, Valon Ramadani, Dimal Basha dhe Enver Haliti, kurse nga PDK-ja, Elmi Reçica, Bajrush Xhemaili dhe Gazmend Bytyçi.  E, në këtë listë nuk figuron asnjë emër i kandidatëve nga LDK-ja e Ferizajt përkundër që ky subjekt në nivel vendi në këto zgjedhje doli i dyti.

Related Topics:
Continue Reading
Click to comment

Leave a Reply

Your email address will not be published. Required fields are marked *

Ferizaj

Arrestohen edhe dy persona pas sekuestrimit të 17.9 kg heroinë në Ferizaj

Published

2 days ago

on

14 April, 2026

By

Një operacion i koordinuar ndërmjet Prokurorisë Speciale dhe Policisë së Kosovës – Task Forca “White Star”, i zhvilluar më 13 prill 2026 në Komunën e Ferizajt, ka rezultuar me arrestimin e dy personave të tjerë të dyshuar për trafikim të narkotikëve, duke e çuar në katër numrin total të të arrestuarve.

Në njoftimin e prokurorisë bëhet e ditur se të ndaluarit A.D., S.Sh., M.Sh. dhe M.B., dyshohen për kryerjen e veprave penale për pjesëmarrje ose organizim të grupit kriminal të organizuar, blerje, posedim, shpërndarje dhe shitje të paautorizuar të narkotikëve, si dhe shpëlarje parash.

“Sasia e substancës narkotike të llojit heroinë e sekuestruar gjatë operacionit, pas vlerësimit arrin në rreth 17 kilogramë e 900 gramë.

Me urdhër të gjykatës janë kryer kontrolle në katër lokacione të ndryshme, ku përveç substancës narkotike janë sekuestruar edhe prova të tjera relevante që do të përdoren në procedurën penale.

Me vendim të prokurorit, të dyshuarit janë ndaluar për 48 orë. Brenda këtij afati, Prokuroria Speciale do të paraqesë kërkesë për caktimin e masës së paraburgimit në Gjykatën Themelore në Prishtinë.

Nga hetimet e deritanishme është arritur të identifikohen personat dhe lokacionet ku ka operuar ky grup kriminal i organizuar me qëllim trafikimin e narkotikëve. Po ashtu, është lokalizuar edhe vendi ku mbahej substanca narkotike, e cila ishte përgatitur për transport”, thuhet në njoftim.

Lidhur me këtë rast, edhe dy persona të tjerë janë në kërkim policor, për çka Policia e Kosovës po vazhdon punën intensive për lokalizimin dhe arrestimin e tyre.

Continue Reading

Ferizaj

Vdes punëtori që ra nga kati i 6-të i një ndërtese në Ferizaj

Published

3 days ago

on

13 April, 2026

By

Një 59-vjeçar ka humbur jetën në Ferizaj pasi ka rënë nga kati i gjashtë i një objekti që po ndërtohej në të cilin viktima ishte si punëtor.

Rastin e ka konfirmuar zëdhënësi i policisë së Kosovës për rajonin e Ferizajt, Kanun Veseli, derisa bëri të ditur se vdekja e viktimës u konstatua në vendngjarje nga ekipi emergjent.

“Me datë 13.04.2026, rreth orës 11:45, është pranuar informatë se në rrugën “Remzi Hoxha” një person ka rënë nga një objekt në ndërtim.

Patrulla policore ka dalë menjëherë në vendngjarje, ku edhe ekipet emergjente kanë konstatuar vdekjen e viktimës.

Dyshohet se viktima është një mashkull 59 vjeç , i cili ka rënë nga kati i 6-të i objektit në ndërtim gjatë punimeve.

Policia ka siguruar vendin e ngjarjes, ndërsa janë njoftuar hetimet, forenzika rajonale dhe inspektorët komunal të punës,” ka njoftuar policia.

Brenda dy javëve të fundit ky është rasti i dytë i aksidentit me fatalitet që ndodh për shkak të rënies nga lartësia në objekte ndërtimi, pasi më 3 prill, në një rast të ngjashëm, humbi jetën një 44 vjeçar.  

Continue Reading

Ferizaj

Siguria juaj fillon me zgjedhjen e duhur të sigurimit

Published

1 week ago

on

08 April, 2026

By

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

•  Sigurim i shëndetit në udhëtim – për udhëtime të sigurta jashtë vendit

•   Sigurim shëndetësor – kujdes dhe mbrojtje për shëndetin tuaj

•   Sigurim i personave nga aksidentet – mbështetje financiare në rast të aksidenteve të papritura

•   Sigurim TPL & TPL+  – sigurim i detyrueshëm dhe i zgjeruar për automjete

•  Sigurim Kasko i automjeteve – mbrojtje e plotë për veturën tuaj

•  Sigurim i pronës, banesës dhe shtëpisë – siguri për pronën dhe familjen tuaj

•  Sigurim i ofertës (tenderit) – për kompani që marrin pjesë në tenderë

•   Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Adresa: Rr. “Tahir Sinani” 89, Ferizaj

  • * Artikull i sponsorizuar

Continue Reading

Trending