Ferizaj

”Feniks” dhe ”Eli-Ab” u dalin në ndihmë viktimave të tërmetit në Durrës

Published

6 years ago

26 November, 2019

Mëngjesin e sotëm Shqipëria është goditur nga një tërmet i fortë me magnitudë 6.4. Nga ky tërmet i fuqishëm humbën jetën dhjetëra persona, e shumë të tjerë u lënduan. Për t’iu dalë në ndihmë viktimave të tërmetit, Ushtria dhe Policia e Kosovës u nisën për në Shqipëri mëngjesin e sotëm.

Një aksion për të ndihmuar shqiptarët ka ndërmarrë edhe shoqata bamirëse nga Ferizaj “Feniks” dhe marketi “Eli-Ab”.

Kryetari i shoqatës “Feniks”, Milaim Jashari, thotë se bashkë me marketin “Eli-Ab”, kanë grumbulluar fonde për ndërtimin e dy shtëpive për viktimat e tërmetit në zonën e Durrësit.

“Ne morëm vendim që një familje ta rehatojmë me shtëpi, por biseduam me Basrien e ”Eli-Abi”-it dhe ai e ka marrë një shtëpi dhe kështu përfundimisht dy familje do të bëhen me shtëpi nga “Feniks”-i dhe ”Eli-Abi”, pika kontaktit për t’u dalë në ndihmë është shoqata “Feniks” me numrin 044-172/843. Ne do të fillojmë dhe kryesia e shoqatës vendosi nesër me shku në Shqipëri për me pas kontakte me ta dhe me shiku që me fillu menjëherë. Ky popull ka qenë gjithmonë solidarë dhe do të dalë solidarë për t’u dalë në ndihmë vëllezërve tanë që janë atje“, tha Jashari.

Jashari u bëri thirrje qytetarëve të kontribuojnë në mënyra të ndryshme për të ndihmuar Shqipërinë nga kjo fatkeqësi.

“Kërkoj nga ky popull që t’iu dalim në ndihmë vëllezërve tanë atje që kanë nevojë për ne. Kush ka dëshirë që t’iu ndihmoj atyre familjeve pika e kontaktit është shoqata ”Feniks”, u shpreh Jashari.

Tërmeti i parë i fuqishëm i magnitudës 6.3 goditi Shqipërinë rreth orës 03:50 të ditës së martë dhe kishte epiqendrën në Detin Adriatik, 40 km larg kryeqytetit, Tiranës dhe 10 km në veri të Durrësit. Lëkundje të tjera më të lehta janë ndjerë pas tij. Një tjetër tërmet i fuqishëm është regjistruar në orën 7:10 me magnitudë 5.4. Një tjetër tërmet i fuqishëm me magnitudë prej 5.0 u shënua në Shqipëri në orën 14:10. Shqipëria edhe dy muaj më parë është goditur nga një tërmet me një magnitudë 5.8 gradë të shkallës Rihter dhe intensitet 7.5 ballë. Ai u konsiderua si më i madhi i regjistruar në 20-30 vitet e fundit. Ai tërmet u pasua nga të paktën 350 lëkundje me një intensitet më të ulët. Tërmeti i cili goditi Shqipërinë në mëngjesin e së martës, është më i fuqishmi që ka goditur Shqipërinë që nga viti 1926.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim