Ferizaj

Ferizajasit ndihma dhe gjak për të prekurit nga tërmeti në Shqipëri

Published

7 years ago

27 November, 2019

Për t’iu dalë në ndihmë qytetarëve të Shqipërisë të prekur nga tërmeti që ndodhi në mëngjesin e djeshëm, Këshilli i Studentëve të UBT-së në Ferizaj ka grumbulluar batanije, rroba e gjëra të tjera të dobishme për të mbijetuarit e tërmetit. Njëri nga studentët e UBT-së, Vigan Haziri, thotë se një gjë e tillë po bëhet vullnetarisht nga studentët.

“Ka rroba, ka edhe të holla materiale që kanë dorëzuar, por varet secili sipas mundësive të tyre, por gjithçka po bëhet me qëllime të mira dhe me gjithë zemër. E gjithë kjo do të zgjatë deri të premtën, pasi që të përfundoj kjo të gjitha do të shkojnë në Shqipëri, në vendet e caktuara”, tha Vigan Haziri.

Ndërkaq, me iniciativën e asamblistës së Kuvendit Komunal të Ferizajt, Bahrije Hyseni, 10 persona nga Forumi i Gruas dhe ai Rinor i LDK-së së Ferizajt, u nisën drejt Durrësit për të dhuruar gjak për personat e mbijetuar nga tërmeti.

“Ne kemi vendosur të japim nga vetja edhe gjak për vëllezërit dhe motrat andej kufirit që janë duke u ballafaquar me katastrofën natyrore kështu që unë i falënderohem shumë gjithë këtyre të rinjve që i janë bashkëngjitur aksionit për dhurimin e gjakut, sepse nuk na dhimbset asgjë. Fundi i fundit misioni im si asambliste për këtë iniciativë është t’iu tregojmë të gjithë qytetarëve, të gjithë kombit shqiptarë se asgjë nuk na dhimbset për vëllezërit dhe motrat deri në pikën e fundit të gjakut”, u shpreh Bahrije Hyseni.

Nga fshati Bibaj i Ferizajt për në Shqipëri sot është nisur edhe një kamion i mbushur me veshmbathje.

Ferizaj

Ndahet nga jeta veterani i UÇK-së, Avdi H. Ahmeti

Published

14 hours ago

03 November, 2026

Redaksia

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.