Ferizaj

Shkolla ”Çesk Zadeja” me aktivitet bamirësie për të ndihmuar Shqipërinë

Published

6 years ago

27 November, 2019

Nga tragjedia që ka kapluar Shqipërinë nga tërmeti që ndodhi në mëngjesin e ditës së djeshme, kosovarët janë mobilizuar për t’u dalë në ndihmë shqiptarëve në mënyra të ndryshme duke ofruar para, rroba e ushqime të ndryshme. Në mesin e atyre që po grumbullojnë ndihma është edhe shkolla e arteve “Çesk Zadeja” në Ferizaj, e cila përmes një ekspozite artistike dhe një koncerti instrumental po synon të mbledh fonde për të ndihmuar viktimat e tërmetit. Drejtori i shkollës, Bardhyl Abazi, tha se shpreson të ndihmojnë Shqipërinë sado pak.

“Atëherë edhe ne me ato forcat tona jemi duke u munduar të solidarizohemi me tragjedinë që ndodhi së fundmi në Shqipëri, kjo realisht ka ardhur si ide e nxënësve që edhe ata të kontribuojnë sado pak me ato fuqitë e tyre në këtë tragjedi që ka ndodhur. Aktivitetet e sotme janë një koncert me muzikë klasike nga nxënësit e shkollës së muzikës dhe një ekspozitë me pikturat e nxënësve të degës së artit figurativ, njëkohësisht përgjatë koncertit do të punohen piktura këtu në vendngjarje kështu që ky do të jetë aktiviteti i sotëm, koncerti do të zgjasë pak a shumë sepse ky është shesh dhe do ta bëjmë kështu si spontan vazhdimisht gjatë kalimit të qytetarëve të tërhiqet vëmendja për këtë aspekt” , tha drejtori I shkollës Bardhyl Abazi.

Ndërkaq, nxënësit thanë se po mundohen qe me aq sa kane mundesi te kontribuojnë për te ndihmuar shqiptarët.

“Ne si shkollë kemi dashur pak a shumë të japim një ndihmë sado pak që ndoshta nuk është shumë e madhe, mirëpo kemi dashur të solidarizohemi me gjithë ngjarjet që kanë ndodhur në Shqipëri dhe me mundësitë tona pak apo shumë të ndihmojmë ndoshta jo shumë e madhe por pak, ndoshta pak ne, pak njerëzit e tjerë dhe të mundohemi që sa më shumë të japim ndihmat në Shqipëri” u shpreh Dëbora Etemi.

“E kemi bërë për t’i ndihmuar vëllezërit tonë nga Shqipëria tek të cilët ka ndodhur një gjë shumë e papritur dhe na ka lënduar si të themi në shpirt dhe për atë jemi duke e bërë këtu me ckado që po mundemi, me dëshirën e njerëzve domethënë ata ose mund të japin të holla apo rroba, cfarëdo që mund që t’i ndihmojnë ata”, tha Arlind Lamagjema.

Qytetarë të pranishëm në këtë aktivitet shprehën keqardhje për ndodhinë në Shqipëri, ndërsa thanë se qëllimi I kesaj nisme është I duhur.

“Ky është shumë qëllim I duhur, solidarizohemi me vëllezërit tanë nga Shqipëria, kështu që ndajmë hidhërimin e të gjitha ndajmë me ata së bashku”, tha Sanije Sopaj.

Ky aktivitet bamirësie do të zhvillohet gjatë gjithe dites në sheshin e Ferizajt.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim