Ferizaj

Rinisin punimet për ndërtimin e memorialit në Greme

Published

7 years ago

28 November, 2019

Kanë rifilluar punimet për ngritjen e memorialit për dëshmorët e fshatit Greme të Ferizajt, të cilat ishin ndërprerë për shkak të disa mosmarrëveshjeve. Përfaqësues nga Organizata e Veteranëve të Luftës së UÇK-së në Ferizaj, thanë se ky projekt është dashur të përfundoj para disa viteve, mirëpo për arsye subjektive është vonuar deri më sot.

“Gremja e ka merituar një memorial të tillë pasi që në Greme është themeluar nënzona operative e Nerodimës, pra jo rastësisht është themeluar në Greme, pasi që në Greme edhe më herët është bërë një punë e mirë në përgatitjen e terrenit për një gjë të tillë, por kontributin më të madh për themelimin e zonës operative Nerodimës në fshatin Greme pa dyshim e ka pasur heroi i popullit Shaban Viqa. Pra, Gremja e meriton këtë memorial pasi që në Greme janë bërë edhe tri beteja të njohura, beteja e 2 prillit, 3 prillit edhe 22 prillit. Faktikisht, betejat janë bërë në afërsinë më të afërt të Ferizajt, pra pika më e afërt e Ferizajt ku janë zhvilluar edhe betejat. Ky memorial ndoshta është vonuar, por megjithatë shpresoj se do të përfundoj në mënyrën më të mirë të mundshme”, tha Rafiz Sejdiu nga OVL e UÇK-së në Ferizaj.

“Ne e kemi marrë detyrën dhe kemi biseduar me secilën nga familjet e dëshmorëve dhe i kemi zgjidhur të gjitha problemet. Tani jemi në përkrahje të komunës, si fshat jemi të gjithë të mirëpritur për këtë punë, me të vërtet ka shkuar një kohë e gjatë, por nuk do të shikojmë nga e kaluara, do të shikojmë vetëm përpara”, tha Sali Aliu.

Një nga familjarët e dëshmorëve të kësaj ane, Shaban Berisha, tha se kjo ditë sa është e dhimbshme aq është edhe krenare.

“Është marrë një iniciativë mjaftë e qëlluar për arsye se fshatit Greme i ka munguar që moti dhe e meriton këtë memorial. Është dhembja për mungesën e familjarëve, por kur e mendon se për çka është bërë është edhe krenaria që besoj që e mund dhembjen”, tha Shaban Berisha.

Ndërsa, kryesuesja e Kuvendit Komunal të Ferizajt, Kristina Gashi-Bytyqi, tha se komuna në vazhdimësi do të përkrah projektet e tilla.

“I falënderoj instuticionet që gjithmonë po i mbështesin dhe do t’i mbështesin këto iniciativa, gjithashtu u uroj familjeve të dëshmorëve shëndet e të mira, lavdi e nderë për të gjithë dëshmorët të cilët dhanë jetën për kombin tonë”, tha Kristina Gashi.

Dëshmorët që do të nderohen në këtë memorial janë Enver Topalli, Sali Berisha, Ismet Aliu, Agim Matoshi dhe Abdyselam Ahmeti.

Kohëzgjatja e punimeve të këtij memoriali parashihet të jetë deri më 2 prill 2020, ndërsa vlera e projektit është rreth 13.000 euro.

Ferizaj

Arrestohen katër të dyshuar për kanosjen e një personi në Ferizaj

Published

5 days ago

14 July, 2026

Redaksia

Policia Rajonale në Ferizaj ka arrestuar 4 persona në dyshimet për kanosje dhe armëmbajtje pa leje.

Në njoftim bëhet e ditur se më datën 13.07.2026, në stacionin policor në Ferizaj është paraqitur një ankues, M.B, i cili ka deklaruar se ishte kanosur nga disa persona.

Pas ndërmarrjes së veprimeve operative-hetimore nga njësitet reaguese dhe njësia e hetimeve, janë identifikuar dhe lokalizuar personat e dyshuar në një lokal në Ferizaj, ku gjatë kontrollit janë sekuestruar katër armë zjarri dhe sasi municioni.

Të dyshuarit: H.TH. ( 50 vjeç), SH.TH. (27 vjeç). E.B. ( 37 vjeç) dhe E.H. (27 vjeç), me vendim të prokurorit të shtetit janë ndaluar në mbajtje për 48 orë, ndërsa ndaj tyre janë iniciuar raste për veprat penale “Kanosja”, “Mbajtja në pronësi, kontroll ose posedim të paautorizuar të armëve dhe “Asgjësimi apo dëmtimi i pasurisë”.

Ferizaj

Brenda një jave konfiskohen 15 motoçikleta në Ferizaj

Published

6 days ago

13 July, 2026

Redaksia

Policia Rajonale e Ferizajt ka njoftuar se brenda periudhës nga 6 – 12 korrik ka shqiptuar 26 gjoba për shkelje të rregullave të trafikut dhe ka konfiskuar 15 motoçikleta.

Kjo pasi policia ka shtuar kontrollet në qarkullimin dhe drejtuesit e motoçikletave dhe skuterëve.

Shumica e gjobave janë shqiptuar për shkelje të rregullave të komunikacionit, përfshirë drejtimin e motoçikletës pa regjistrim, pa patentë shoferi ose pa helmetë mbrojtëse, si dhe kundërvajtje të tjera.

Gjatë kësaj periudhe janë konfiskuar edhe 15 motoçikleta/skuterë, kryesisht për mungesë të dokumentacionit të rregullt.

Ferizaj

Lëndohen tre policë gjatë arrestimit të sulmuesit 16 vjeç në Ferizaj

Published

1 week ago

10 July, 2026

Redaksia

Policia e Kosovës ka njoftuar se gjatë arrestimit të të miturit me inicialet P.GJ (16 vjeç), i dyshuar për therje të dy personave mëngjesin e sotëm në Ferizaj, janë lënduar tre zyrtarë policor ku njëri prej tyre është goditur me thikë në pjesën e qafës.

Sipas policisë, pas kontrollit ë banesën e të dyshuarit dhe më pas në një adresë në fshatin Greme, policia ka arritur ta lokalizojë atë.

“Me të arritur në vendngjarje, i dyshuari ka refuzuar t’u bindet urdhrave policorë, duke mbajtur një thikë në dorë, ka sulmuar zyrtarët policorë me gurë dhe mjete të forta, si dhe është vërsulur ndaj tyre me thikë.

Gjatë ndërhyrjes, nëna e tij ka penguar zyrtarët policorë në kryerjen e detyrës zyrtare.

Në një moment, i dyshuari ka marrë një shishe me benzinë dhe ia ka hedhur vetes mbi trup, duke vazhduar t’i kërcënojë policët me thikë dhe duke mos lejuar afrimin e tyre.

Gjatë përpjekjeve për vënien e tij nën kontroll, tre zyrtarë policorë kanë pësuar lëndime, ndërsa njëri prej tyre është goditur me thikë në pjesën e qafës.

Pas ndërhyrjes policore, i dyshuari me inicialet P.GJ (16 vjeç) është vënë nën kontroll dhe është arrestuar së bashku me nënën e tij D.GJ (47 vjeçe).

Gjithashtu është sekuestruar edhe thika, e cila dyshohet se është përdorur në sulmin ndaj qytetarëve”, ka njoftuar policia.

Në përditësimin e fundit, thuhet se në sulmin që ndodhi rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, mbetën të plagosur dy qytetarë, të cilët u dërguan për trajtim mjekësor në Spitalin e Ferizajt.

Njëri nga të plagosurit, I.M. 81 vjeç, ishte therur në fytyrë dhe në gjymtyrë, ndërsa i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor është liruar për në shtëpi.

Në njoftimin e Prokurorisë në Ferizaj, i dyshuari me vendim të Prokurorit të Shtetit është ndaluar në kohëzgjatje prej 24-orësh, për shkak të dyshimit se i njëjti ka kryer veprat penale “Sulmi ndaj personit zyrtar” dhe “Vrasja në tentativë”.