Ferizaj

Arben Halili paraqet punën e drejtorisë që udhëheq

Published

6 years ago

09 December, 2019

Drejtori i Shërbimeve Publike dhe Emërgjencave në Ferizaj Arben Halili, në një konferencë për media ka raportuar për punën gati një vjeçare të kësaj drejtorie.

Halili, tha se gjatë këtij viti kanë pastruar kanalet e lumenjve në Ferizaj, kanë larguar deponi ilegale, kanë mbyllur gropa nëpër rrugë të qytetit, si dhe kanë vendosur shenja sinjalizuese.

Halili, u pyet edhe për gjendjen e kompanive publike në Ferizaj.

“Unë mendoj se gjendja e tyre për mometin është e mirë me disa problematika. Kompania ”Pastërtia” është në gjendje më të rëndë për shkak të obligimeve të mëhershme dhe për shkak të makinerisë së vjetëruar. Diku 100 mijë euro i kemi ndarë për të dhe po mendojmë që me ”GIZ”-in dhe vet kompania të blej pajisje për mbeturina dhe pastrimin e rrugëve“, tha Hlaili.

Kurse, sa u përket zjarrfikësve, Halili tha se ata tani më nuk mund të ankohen për mungesë të mjeteve të punës.

“Ata nuk vuajnë nga pajisjet elementare, i kemi pajisur me shpinore, pastaj me lopata të hekurta, pastaj me veshëmbathje dhe në të njëjtën kohë janë pajisur me rroba profesionale nga AME-ja dhe nuk mund të thonë që nuk kanë pajisje elementare, vlera e projektit ka qenë diku 21 mijë euro, poashtu i kemi pajisur edhe me pompë”, tha Halili.

Ai tregoi edhe për projektet që planifikojnë t’i realizojnë vitin e ardhshëm.

Halili u pyet edhe për kompensimin e dëmeve të shkaktuara nga reshjet e shiut në vitin 2018, ku ishin mbi 50 kërkesa të qytetarëve për kompensim, për çka tha se janë në pritje të mjeteve nga qeveria, meqë komuna nuk ka mundësi financiare për kompensim të tyre. Kurse sa i përket mirëmbajtes së rrugëve gjatë sezonit dimëror, Halili tha se mirëmbajtja e tyre do të bëhet nga ato kompani që ishin angazhuar edhe vitin e kaluar.

Ferizaj

Ndërroi jetë artisti dhe koreografi i shquar ferizajas, Bajram Tahiri

Published

23 hours ago

03 February, 2026

Redaksia

Ka ndërruar jetë Bajram Tahiri, artist, valltar dhe koreografi i shquar i ansamblit “Kastriotët” në Ferizaj.

I ndjeri gjithë jetën e tij artistike ia kushtoi ruajtjes dhe begatimit të traditës dhe trashëgimisë kulturore, fillimisht si valltar pastaj edhe si koreograf i A.K.V ,,Kastriotët” Ferizaj.

Për një periudhë kohore, nga viti 1999-2009, Tahiri ishte Drejtor Operativ në KRM “Pastërtia”, pastaj nga viti 2017 deri në vitin 2020 shërbeu si këshilltar politik në Ministrinë e Tregtisë dhe Industrisë, derisa nga viti 2010 udhëhoqi me kompaninë “Mbrojtja e Ambientit”.

Mbledhja komemorative për artistin e ndjerë, Bajram Tahiri, mbahet më 3 Shkurt 2026, ora 14:00 në Teatrin “Adriana” kurse ceremonia e varrimit nga ora 15:30 në varrezat e reja të qytetit.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.