Arsim

Nesër grevë dyorëshe në shkollat e Ferizajt

Published

4 years ago

12 December, 2019

Në të gjitha institucionet arsimore në Kosovë nesër do të mbahet grevë dyorëshe. Ky është vendim i Sindikatës së Bashkuar të Arsimit, Shkencës dhe Kulturës, pas vendimit të Gjykatës Kushtetuese për pezullimin e Ligjit të Pagave.

Kryetari i SBASHK-ut në Ferizaj Rexhep Sadiku, tha se greva do të mbahet dy orët e para të mësimit në të dyja ndërrimet.

“Ajo çfarë nuk do të duhej të ndodhte nesër do të ndodhë, ajo çfarë nuk është e arsyeshme nesër është domosdoshmëri, nesër edhe Ferizaj si gjithë Kosova do të jetë në grevë dyorëshe. Dje Këshilli Grevist në formë unanime ka marrë vendim që nesër në dy orët e para të shkohet në grevë. Është për keqardhje, por më shumë ajo e Avokatit të Popullit i cili pas një pune të madhe, pas gjetjes së parave dhe pas marrje së dritës së gjelbër nga Parlamenti të kontestohet një ligj i pagave. Ne kemi bërë grevë për këtë ligj, ne duhet të veprojmë për këtë. Nxënësit mund të mos vijnë, por edhe nëse vijnë mësimdhënësit nuk do të shkojnë nëpër orë”, tha Sadiku.

Sadiku, tha se greva e nesërme është vetëm paralajmërim për Avokatin e Populit dhe Kushtetuesën.

”Do të ishte e arsyeshme sikur Avokati i Popullit dhe Kushtetuesja të bënte korrigjimet në grupe të ndryshme të interesit ku nuk është bërë ajo që është dashur dhe jo në tërësi që të bëhet përpjekje për ta tërhequr këtë ligj. Ne do të kërkojmë nga Kushtetuesja që të evitoj parregullsitë, por jo tre sektorë bazë të shtetit të anashkalohen dhe të merret vendimi në bazë të kërkesave të një numri të punëtorëve“, tha Sadiku.

E, rikthimi i grevave në arsim nuk po i pëlqen aspak Këshillit të Prindërve në Ferizaj. Nënkryetari i këtij këshilli, Visar Islami, tha se nga gjithë këto veprime më së shumti po humbasin nxënësit.

“Po i gjejnë momentet më kritike dhe po i fillojnë grevat, fillimisht i kanë filluar grevat kur nuk ka pasur qeveri, tash kanë filluar me greva kur ka ra qeveria, dhe kjo po i bie që ata po llogarisin për interesa të veta dhe jo të nxënësve. Tani janë notimet dhe në momentet më kritike ata hynë në grevë. Ne nuk pajtohemi me ta, por megjithatë është e drejtë e tyre”, tha Islami.

Përveç institucioneve shkollore, grevë do të mbahet edhe nëpër çerdhe.

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.