Ferizaj

Shkodran Bytyqi gjendet i vrarë dhe i djegur, motivi dyshohet të jetë borxhi

Published

6 years ago

13 December, 2019

Gjatë ditës së djeshme, në mes të fshatit Kishnapol dhe Gadime, është gjetur trupi i pajetë i 33 vjeçarit Shkodran Bytyqi nga Ferizaj, vendndodhja e të cilit nuk dihej që nga data 9 dhjetor.

Zëdhënësi i Policisë për Rajonin e Ferizajt Agim Gashi, tha se pas kërkimeve për gjetjen e Bytyqit, mbrëmë trupi i tij është gjetur i djegur.

“Lidhur me rastin e raportuar më 9 dhjetor për një person të humbur Policia ka zhvilluar hetimet dhe pas një pune intensive dje rreth orës 19:00 në afërsi të fshatit Kishnapol është gjetur trupi i pajetë i personit të raportuar më parë si i zhdukur. Sipas vendshikimit të ngjarjes ku ka marrë pjesë edhe prokurori i shtetit dyshohet për vrasje të rëndë, janë kryer të gjtiha veprimet policore dhe me urdhër të prokurorit trupi i pajetë ëshët dërguar për obduksion në mjekësinë ligjore, konfirmoj se trupi i viktimës ka qenë i karbonizuar. Besoj që me hetimet e mëtutjeshme do të vjen deri tek motivet e këtij rasti, fillimisht jo zyrtarisht konfirmohet se janë motivet për disa borxhe mes tyre”, tha Gashi.

Gashi, tha se për këtë vrasje të rëndë tashmë janë arrestuar dy persona, njëri për vrasje, ndërsa tjetri që e dogji trupin e Bytyqit.

“Lidhur me këtë rast janë arrestuar dy persona meshkuj të moshës 22 dhe 25 vjeçare të cilët dyshohet njëri për kryerje të aktit të vrasjes, kurse tjetri për dhënien e ndihmës pas kryerjes së veprës penale”, tha Gashi.

Jo zyrtarisht bëhet e ditur se dorasi dhe viktima ishin shokë, ndërsa motivi që qoi deri te ky akt kishte të bënte me një borxh për shitblerjen e një parcele. Bytyqi ka lënë pas gruan dhe dy vajza.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim