Ferizaj

Ferizaj pa matës të cilësisë së ajrit

Published

6 years ago

16 December, 2019

Ndotja e ajrit në Kosovë në vitet e fundit është ndër problemet kryesore në vend, sidomos gjatë stinës së dimrit. Derisa në kryeqytet çdo ditë jepen rezultate të sakta rreth ndotjes së ajrit nga matësit e cilësisë së ajrit që janë të vendosur nëpër qytet, në komunën e Ferizajt saktësisht nuk dihet se si është kualiteti i ajrit, meqë nuk ka monitorues të cilësisë së ajrit.

Zyrtari për Marrëdhënie me Publikun në këtë komunë Albion Sherifi, tha se qeveria lokale ka synime të vendos një matës të tillë, por kjo merr kohë pasi duhet të ndiqen disa procedura të cilat, sipas tij, nuk janë edhe të lehta.

“Në kuadër të masave dhe planeve që ka qeverisja lokale parashihet edhe vendosja e një sistemi të tillë, ky sistem nuk është i lehtë pasi duhet merrren disa leje, disa licensa dhe duhet të ketë verifikime nga insitucionet qendrore, nuk është thjeshtë të mashtrojmë qytetarët që të vendoset një pajisje që nuk paraqet matjet saktë të ajrit, por duhet të jetë një teknikë e sofistikuar adekuate që në baza ditore do të bëjë matjet e ndotjs së ajrit. Synimet janë që në një afat optimal të vendoset, apo sa më parë që të jetë e mundur, ka inciativë, ka vullnet nga ana e qeverisë lokale që të bëhet një gjë e tillë, por janë disa procedura më komplekse që duhet të zbatohen në mënyrë që të vendoset kjo”, tha Sherifi.

Njohësi i mjedisit Basri Beqiri, thotë se janë dy elemente që po e shkaktojnë ndotjen e ajrit në Ferizaj.

“Rëndimin e situatës së ndotjes së ajrit në Ferizaj e ngufatin dy faktorë, faktori i parë është ndërtimi pa kriter ku ngufatet mikro-klima dhe mikro-qarkullimi i ajrit brenda në qytet dhe e dyta përdorimi i djegies së peletit me përbërje jo të garantuar dhe me cilësi të dyshimta, pasi përgatitet me një përqindje të karbonit aktiv nga riciklimi i gomave”, tha Bqeiri.

Sipas Institutit Hidrometeorologjik të Kosovës, Kosova hyn në dhjetë vendet me shkallë të lartë të ndotjes së ajrit, madje e para në botë për ndotje të ajrit ishte konstatuar në fund të dhjetorit të vitit 2017.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.