Ferizaj

Muzicientët e ri mbajnë koncert në Ferizaj

Published

6 years ago

16 December, 2019

Të teatrin “Adriana” në Ferizaj është mbajtur koncert festiv organizuar nga kursi i muzikës “Kromatika” në Ferizaj. Ky koncert që zakonisht mbahet në fundvit, për dallim nga vitet e kaluara këtë vit ka pasur edhe pika vokale ku fëmijët kanë kënduar këngë të ndryshme të dëgjuara. Profesor i pianos, Shaban Ratkoceri, tha se ky koncert është më i veçantë për shkak të pjesëmarrjes së solistit Aunor Zeneli, i cili përfaqësoi Kosovën në festivalin “Lions World Song” në Poloni gjatë muajit nëntor.

“Ky nxënës tash së fundi ka realizuar një këngë, ka kompozuar një këngë me të cilën ka marrë pjesë në festivalin ndërkombëtar në Poloni dhe duhet të ceket se kjo është për herë të parë që Kosova merrë pjesë në një festival të tillë ku marrin pjesë mbi 100 shtete. Ky koncert realizohet për fëmijët që kanë talent në muzikë dhe kanë probleme në të pamurit dhe ky djalë ka arritur që të shkojë deri në gjysëmfinale dhe kjo është një sukses shumë i mirë si për nxënësin po ashtu edhe për mua si kompozitor që e kam përpunuar këngën dhe e kam realizuar dhe jemi shumë të kënaqur që ky nxënës ka arritur të dalë në atë koncert. Jemi munduar që ne si kurs ta bëjmë një organizim ashtu siç duhet që fëmijët të ndahen të gjithë të kënaqur, të ndahen të barabartë, që ata të kënaqen në këtë fundvit, të marrin mirënjohje për angazhimin e tyre, t’u marrin dhuratat për festat e fundvitit”, tha Shaban Ratkoceri.

Ai tha se këto lloj koncerte janë stimulim për muzicientët e ri që të vazhdojnë në të ardhmen në këtë fushë.

“Zakonisht muzicientët ajo që i stimulon më së shumti janë koncertet, programet e ndryshme muzikore që ata organizojnë. Gjithmonë përgatitjet janë me një qëllim që ata të dalin dhe të tregojnë aftësitë e tyre, të tregojnë ushtrimet, meloditë, instrumentalet e tyre që ata i kanë përgatitur për prindërit e tyre ose për këdo qoftë, për audiencën që e kemi aty brenda në sallë. Është e rëndësishme të cekim se këtu kemi nxënës të ndryshëm, nxënës të cilët ndoshta janë me vite në kursin e muzikës “Kromatika”, mirëpo kemi edhe nxënës të cilët kanë ardhur që një muaj ose dy muaj, mirëpo të gjithë pa përjashtime i kemi përgatitur për të dalur në koncert që të gjithë të dalin të kënaqur dhe të gjithë që kanë përgatitur sado pak, një vepër nëse e kanë përgatitur edhe ai të dalë në koncert”, tha Shaban Ratkoceri.

Sa i përket talentëve të rinj në fushën e artit, Ratkoceri tha se në Kosovë ka mjaft të tillë, por duhet të punohet me ta që të mos anashkalohen talentet e tyre.

“Fatmirësisht në Ferizaj dhe në Kosovë në përgjithësi kemi talentë të shumtë në fushën e muzikës dhe këta talentë duhet që të ndjekin mësimet nëpër shkollat e muzikës, nëpër kurse të ndryshme kulturore që ata të zhvillohen edhe më tej me talentin që e kanë. Çdo talent duhet të punohet dhe të zhvillohet që ai të avancohet në instrument, në vokal apo kudo që të jetë tjetër mirëpo duhet që të merremi me këta talentë dhe të punojmë me këta talentë që mos të dalin rrugëve por të punojnë, të ushtrojnë gjithmonë të kenë aktivitete të ndryshme dhe muzika është drejtimi më i mirë edhe fusha më e mirë që atyre i bënë mirë direkt në emocionet e tyre, në sjelljen e tyre. Çdo fëmijë që merret me muzikë ai ka një kulturë ndryshe nga të tjerët dhe kjo i ndihmon shumë në zhvillimin e tij më gjatë”, tha Shaban Ratkoceri.

Në këtë koncert kanë marrë pjesë 16 solistë dhe interpret të pianos të moshave të ndryshme me 13 këngë të performuara të cilat janë orkestruar nga Shaban Ratkoceri.

Ferizaj

Vdes punëtori që ra nga kati i 6-të i një ndërtese në Ferizaj

Published

17 hours ago

13 April, 2026

Redaksia

Një 59-vjeçar ka humbur jetën në Ferizaj pasi ka rënë nga kati i gjashtë i një objekti që po ndërtohej në të cilin viktima ishte si punëtor.

Rastin e ka konfirmuar zëdhënësi i policisë së Kosovës për rajonin e Ferizajt, Kanun Veseli, derisa bëri të ditur se vdekja e viktimës u konstatua në vendngjarje nga ekipi emergjent.

“Me datë 13.04.2026, rreth orës 11:45, është pranuar informatë se në rrugën “Remzi Hoxha” një person ka rënë nga një objekt në ndërtim.

Patrulla policore ka dalë menjëherë në vendngjarje, ku edhe ekipet emergjente kanë konstatuar vdekjen e viktimës.

Dyshohet se viktima është një mashkull 59 vjeç , i cili ka rënë nga kati i 6-të i objektit në ndërtim gjatë punimeve.

Policia ka siguruar vendin e ngjarjes, ndërsa janë njoftuar hetimet, forenzika rajonale dhe inspektorët komunal të punës,” ka njoftuar policia.

Brenda dy javëve të fundit ky është rasti i dytë i aksidentit me fatalitet që ndodh për shkak të rënies nga lartësia në objekte ndërtimi, pasi më 3 prill, në një rast të ngjashëm, humbi jetën një 44 vjeçar.

Ferizaj

Siguria juaj fillon me zgjedhjen e duhur të sigurimit

Published

6 days ago

08 April, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Adresa: Rr. “Tahir Sinani” 89, Ferizaj

* Artikull i sponsorizuar

Ferizaj

Valon Aliu dënohet me 24 vjet burgim për vrasjen e ish-bashkëshortes Erona Cokli

Published

2 weeks ago

03 April, 2026

Redaksia

Gjykata Themelore në Ferizaj ka dënuar me 24 vjet burgim, Valon Aliun, i cili u shpall fajtor për vrasjen e ish-bashkëshortes së tij, Erona Coklit.

Ajo u vra nga i pandehuri Aliu me tre plumba, më 12 prill të vitit 2024, brenda Qendrës për Punë Sociale në Ferizaj.

Në njoftimin e gjykatës thuhet se i pandehuri Valon Aliu është gjetur fajtor dhe është dënuar me 22 vite burgim për veprën penale “Vrasje e Rëndë”, një (1) vit për veprën penale “Mbajtja në pronësi, kontroll ose posedim të paautorizuar të armëve” si dhe dy (2) vite për veprën penale kanosja.

Të pandehurit për tri vepra penale, gjykata i shqiptoi dënim unik burgimi në kohëzgjatje prej njëzet e katër (24) vite, në të cilin dënim do t’i llogaritet koha e kaluar në paraburgim nga data 12 prill 2024.