Ferizaj

Drejtoria e Kulturës angazhohet për përzgjedhjen e Artistit të Vitit 2019

Published

7 years ago

19 December, 2019

Për të shënuar festat e fundvitit, Drejtoria e Kulturës në Ferizaj do organizoj një koncert festiv në fund të muajit dhjetor. Përgjegjësi për Kulturë në Ferizaj, Sabri Pajaziti, tha se e veçanta e këtij koncerti është shpallja e artistit të vitit nga arti figurativ, skenik apo muzikor.

“Jemi në proces të vlerësimit të aplikimeve për artistin e vitit që është formuar një komision paraprakisht nga Drejtoria e Kulturës, nga subjektet kulturore ferizajase. Nesër do të përfundojë afati zyrtar për aplikime dhe pas kësaj komisioni do të jetë më intensiv për vlerësimin e aplikimeve dhe natyrisht do të vijmë deri tek emri i fundit që do të shpallet artisti i vitit. Njëkohësisht Drejtoria e Kulturës i respekton dhe i nderon edhe grupet kulturore, subjektet kulturore që kanë pasur bashkëpunim gjatë gjithë vitit 2019, subjektet kulturore, po ashtu edhe individët”, tha Sabri Pajaziti.

Ai, gjithashtu tha se koncerti do të ketë një program të larmishëm, por jo shumë të gjatë.

“Në kuadër të këtij programi që do të jetë shumë konciz, do të jetë një pjesë artistike 10 minutëshe përafërsisht 15 minuta për shkak se nuk do ta ngarkojmë aq shumë sepse fundviti po është i ngarkuar edhe për njerëz të cilët kanë edhe aktivitetet e tyre familjare, prandaj jemi përpjekur që ky program të jetë shumë konciz, nuk do të mbajmë koncerte masive siç kemi mbajtur në vitet paraprake, ky do të jetë një koncert 10-15 minuta, ndërsa pjesa tjetër do të jetë pjesë prezantuese e raportit të vitit, suksesit të artistëve, pjesa e shpalljes së artistit të vitit, mirënjohje për subjektet e grupet kulturore, e të tjera”, tha Pajaziti.

Koncerti do të mbahet më 28 dhjetor në orën 19:00 në teatrin “Adriana” të Ferizajt.

Ferizaj

Një burrë theret me kaçavidë nga dy persona në Ferizaj

Published

3 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

4 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.