Ferizaj

Fëmijët e qendrës ”Pema” marrin dhurata për fundvit

Published

7 years ago

27 December, 2019

Fëmijët me nevoja të veçanta në Qendrën e kujdesit ditor “Pema” në Ferizaj, sot u argëtuan me muzikë nga këngëtarët Olta dhe Olsa Miftari. Përpos argëtimit me muzikë, këngëtaret kanë shpërndarë edhe dhurata për fëmijët e kësaj qendre me rastin e festave të fundvitit.

“Ishte kënaqësi që ishim këtu sepse për nder të festave të fundvitit ne shpërndamë disa dhurata dhe i argëtuam me këngët e tona. Iniciativa ishte e prindërve, por edhe bashkë me ne sepse ne deshëm t’iu dhurojmë dhurata fëmijëve të qendrës “Pema”. Me këtë rast ne kemi dëshirë t’iu urojmë të gjithëve vitin e ri 2020 që ky vit të jetë një vit i mbarë dhe me shumë suksese për të gjithë”, u shprehën Olta dhe Olsa Miftari.

Për gëzimin që patën këta fëmijë sot, u shpreh mirënjohëse koordinatorja e qendrës “Pema”, Marigona Rexhepi.

“Në emër të qendrës “Pema” ne jemi shumë falënderues ndaj Olsës dhe Oltës që kanë ardhur sot dhe i kanë argëtuar fëmijët. Iniciativa të tilla janë shumë mikëpritëse në qendrën tonë për faktin se fëmijët gëzohen shumë dhe kënaqen në aktivitete të tilla. Fëmijët të cilët kanë qenë sot prezent i njohin Olsën dhe Oltën, ata i dëgjojnë çdo ditë këngët e tyre dhe muzika e tyre sot këtu ka qenë argëtuese”, tha Marigona Rexhepi.

Fëmijët e qendrës “Pema” u zbavitën duke kënduar këngët e tyre të preferuara së bashku me artistet Olsa dhe Olta Miftari.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

6 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

7 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.