Ferizaj

Kërkohet shqyrtimi i provave të reja në rastin Grainca

Published

7 years ago

13 January, 2020

Procesi gjyqësor ndaj ish-drejtorit të Urbanizmit në Ferizaj, Faik Grainca, i nisur më 21 shkurt të vitit 2018, hyri në vitin e tretë. Ndaj Graincës, i cili akuzohet se gjatë hartimit të Planit Zhvillimor Komunal 2017-2025 ka bërë falsifikim të dokumentit zyrtar dhe ka keqpërdorur pozitën zyrtare, u mbaj sot edhe një seancë gjyqësore, në të cilën pala e dëmtuar Imri dhe Bekim Haliti, pronarë të shtëpive në rrugën ”Astrit Bytyqi”, i propozuan trupit gjykues që si provë materiale të marrë edhe një dokument shtesë, si dhe të thirren për dëshmi edhe 13 dëshmitarë të tjerë, emrat e të cilëve, sipas Imri Halitit, figurojnë në peticionin e aprovuar nga komisioni komunal, por që ai thotë, se ata nuk kanë nënshkruar në atë peticion.

“Gjatë kontakteve që kemi pasur rezulton se asnjë prej tyre nuk ka nënshkruar peticionet dhe nuk janë banorë të lagjes”, tha Imri Haliti.

Këtë propozim e kundërshtoi i akuzuari Faik Grainca.

“Nëse gjykata fton ende dëshmitarë të rinj me qëllim që ky gjykim mos të ketë mbarim për vite të tëra atëherë propozoj të gjithë nëshkruesit që janë në listën e Orhan Ibrahimit të thirren edhe ata, por nëse Gjykata e refuzon kërkesën e palës që pretendon që është e dëmtuar atëherë edhe unë tërhiqem nga kërkesa ime”, tha Grainca.

Propozimi i Imri Halitit për të thirrur 13 dëshmitarë të tjerë, u refuzua nga trupi gjykues, me arsyetimin se thirja e këtyre dëshmitarëve është e panevojshme, mirëpo u aprovua propozimi që dokumentet e nxjerra nga organet e administratës komunale, të vitit 2016 dhe 2017, të merren si prova materiale.

“Trupi gjykues marrjen e provave të tilla për të plotësuar provat e tjera e konsideron të panevojshme dhe të tepërt, sepse çështja në fjalë është e njohur në vija të përgjithshme dhe se dëgjimi i këtyre dëshmitarëve vetëm sa do të bënte zvarritjen e procedurës penale. Ndërsa, aprovohet propozimi i përfaqësuesit të palëve të dëmtuara avokatit Kushtrim Palushit, që si prova materiale të lexohen dokumentet e propozura në shqyrtimin gjyqësor janar 2019 të cilat janë nxjerrë nga organet e administratës komunale të Ferizajt”, tha Sahit Krasniqi, kryetar i trupit gjykues.

Pala e dëmtuar, Haliti, kërkoi që si prova të merren edhe incizimet që janë bërë gjatë mbajtjes së debateve publike lidhur me hartimin e PZHK-së, ku ata thonë se kanë ngritur kundërshtimet për ndërtimet e larta në rrugën ”Astrit Bytyqi”.

“Nëse ka mundësi që CD-ja ku kemi qenë prezent në dëgjime publike të shikohet edhe ajo, ku shihet se ne kemi qenë prezent, pasi është e rëndësishme se ne kemi marrë pjesë, kurse në dokumentin që ka shku në ministri na kanë hequr nga lista”, tha Imri Haliti.

“Ne kemi marrë vendim që me shiku vetëm vetëm seancën m ku është aprovuar Plani Zhvillimor jo të tjera“, tha Sahit Krasniqi.

Seanca gjyqësore në rastin Grainca do të vazhdoj nesër.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 day ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar