Ferizaj

Qytetarët ankohen për gjendjen e trotuareve

Published

7 years ago

16 January, 2020

Menjëherë pas përfundimit të bulevardit “Dëshmorët e Kombit”, të jepet përshtypja se ndodhesh në ndonjë qytet tjetër. Trotuarët e dëmtuar duke filluar nga rrethrrotullimi tek xhamia dhe kisha deri tek teatri “Adriana”, po i shqetësojnë qytetarët e Ferizajt.

“Vështirësi po ka sa të duash, nuk është në rregull kjo, janë njerëzit kompetent me i kry këto punë, por s’po i kryen askush, kush heq ne banorët, ata që po ua japim votat”, tha Abdyrrahim Çerkini.

“Kurrë s’ka qenë më keq, problem shumë me kalu këndej pari”, tha një qytetar tjetër.

Kjo situatë po u paraqet problem edhe bizneseve që operojnë këndej pari. Ata thonë se situata më e rënduar paraqitet gjatë natës, ku nga mungesa e ndriçimit të bollshëm nuk i shohin mjaftueshëm gropat.

“Problemi kryesor është pas orës 16:00, është shumë problem qarkullimi i qytetarëve që lëvizin në këtë pjesë të fundit të qytetit, për arsye se nuk është e ndriçuar dhe trotuari është i shkatërruar dhe njerëzit nuk vinë me ecë deri këtu. Nëse lëvizin ata e përfundojnë rrugëtimin e tyre deri tek përfundimi i sheshit dhe kjo neve po na shkakton edhe probleme si biznese“, tha Leona Jahiri, përfaqësuese biznesi.

Këshilltari për media i kryetarit të komunës së Ferizajt, Albion Sherifi , thotë se ndërhyrjet në rregullimin e trotuareve në këtë zonë të qytetit do të ndodhin këtë vit.

“Vitin që shkoi qeverisja aktuale ka bërë një bum të investimeve sa i përket infrastrukurës rrugore. Ju e dini që tashmë ka një program që parasheh një procedurë tenderimi që tashmë ka përfunduar që ka të bëj me asfaltimin e të gjitha rrugëve dhe rrugicave në zonën qendër të qytetit, ky është një zotim i kryetarit që të përmbyllet cikli i investimeve në gjithë infrastrukturën rrugore, në këtë kuadër këtë vit do të kemi edhe rregullimin e këtyre trotuareve pjesën nga përfundimi i bulevardit deri tek teatri “Adriana”, si dhe në zona të tjera të qytetit në mënyrë që të rivitalizohet kjo zonë me interes të të gjithëve, kështu që ky investim do të ndodhë këtë vit, ka të ndarë buxhet për këtë projekt dhe gjatë kësaj vere do të jetë e përfunduar“, tha Albion Sherifi.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

6 days ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.

Ferizaj

Një burrë theret me kaçavidë nga dy persona në Ferizaj

Published

2 weeks ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 weeks ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.