Connect with us

Ferizaj

Planifikohet rregullimi i tregut të kafshëve dhe i strehimores për qentë endacakë

Published

6 years ago

on

Në një konferencë për media, Drejtori i Bujqësisë dhe i Pylltarisë në komunën e Ferizajt, Burim Bajrami shpalosi punën e bërë në vitin që lamë pas. Ai tha se projektet e vitit 2019 kanë pasur impakt të jashtëzakonshëm pozitiv për fermerët e Ferizajt.

“Për herë të parë në Kosovë, jo vetëm në Ferizaj, kemi shpërndarë pleh artificial azotik, kemi nënshkruar marrëveshje me TIKA turke dhe shpërndarë 20 motokultivatorë së bashku me pajisjet e tyre, organizuam panairin e prodhimeve bujqësore së bashku me organizatën joqeveritare IKC, po ashtu së bashku me këtë organizatë shpërndamë 7.5 hektarë lajthi dhe sistemin e ujistjes pikë-pikë. Së bashku me “Besiana-G”, “Agrium SHPK” dhe ”DST Product” si kooperues të USAID-it, mbollëm 12 hektarë dredhëza industriale dhe gjithashtu folinë e zezë dhe sistemin e ujiitjes pikë-pikë. Për herët të parë organizuam panairin e gjedhit në komunën e Ferizajt, po ashtu investuam në sistemin kundër breshërit ku efektivisht do të mbrohen 4 hektarë në mollë, shpërndamë po ashtu 93 pajisje të reja bujqësore. Për herë të parë në bashkëpunim me OJQ-në “IADK” bëm hapjen e pikës prodhuese të ëmbëlsirave, një biznes i vogël, por shumë fitimprurës për familjen përfituese”, tha Burim Bajrami.  

Përpos punës së bërë në vitin e kaluar, drejtori Bajrami tha se për vitin 2020 synojnë që duke mbrojtur shëndetin e kafshëve dhe përmes projekteve në blegtori të mbrojnë edhe shëndetin e njerëzve.

“Për vitin 2020 kemi futur dy projekte me rëndësi të veçantë, për të cilat edhe ju kam ftuar sot. Është projekti i rregullimit të tregut të kafshëve dhe aneksin për rehabilitimin e qenve endacak apo siç po njihet tani në opinion si strehimorja e qenve, projekte të cilat do t’iu shërbejnë të gjithë fermerëve të komunës sonë, por edhe të Republikës së Kosovës për kushte sa më të mira në tregtimin e kafshëve të gjalla dhe të ushqimeve për kafshë në tregun tonë. Po ashtu, një projekt i ri në komunën tonë i cili nuk është aplikuar më herët është projekti i shtrimit të rrugëve të arave, projekt që po realizohet për herë të parë në këtë vit në komunën e Ferizajt. Do të ngrisim edhe më tutje bashkëpunimin me Policinë e Kosovës në këtë vit me qëllim mbrojtjen e pyjeve dhe natyrisht që do të jemi insistues në të gjitha zyrat ndërkombëtare për bashkëpunim në investime në këtë sektor”,  tha Burim Bajrami.

Drejtori Burim Bajrami, tha se krahasuar me vitin e kaluar buxheti i Drejtorisë së Bujqësisë në investime kapitale dhe mallra e shërbime do të jetë për 145 mijë e 839 euro më i lartë se vitin e kaluar.

Related Topics:
Continue Reading
Click to comment

Leave a Reply

Your email address will not be published. Required fields are marked *

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

on

18 March, 2026

By

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Continue Reading

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

on

17 March, 2026

By

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.  

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë  ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Continue Reading

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

on

13 March, 2026

By

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim

#

Continue Reading

Trending