Ferizaj

Shoqëria civile dhe opozita: Ndërrimi i shefit të Prokurimit në mënyrë jotransparente

Published

7 years ago

10 February, 2020

Ka më shumë se dy javë që udhëheqësi i Zyrës së Prokurimit në Ferizaj, Fehmi Reka, nuk është duke menaxhuar me këtë zyrë, pas ndryshimeve që ka bërë në këtë pozitë pushteti i udhëhequr nga Agim Aliu. Ndërrimi i udhëheqësit të Zyrës së Prokurimit në Ferizaj pa ndonjë paralajmërim, po vlerësohet shqetësues nga shoqëria civile, meqë ka të bëj me jotransparencë.

Kenan Gashi nga rrjeti i organizatave joqeveritare AVONET, thotë se për këtë ndryshim është dashur të njoftohet Kuvendi Komunal dhe qytetarët.

“Nuk kemi asgjë të veçantë se çka ka ndodhur dhe pse është tërhequr ky person apo është shkarkuar nga kryetari i komunës. Për fat të keq kemi një izolim total të institucionit dhe kjo mostransparencë ka treguar dhe tregon se as nuk janë të informuar institucionet siç janë Kuvendi, shoqëria civile dhe qytetarët, kështu që një izolim i tillë ka krijuar edhe mosinformimin e duhur. Ne presim ndryshimin pozitiv nëse ka ndodhur ndryshimi për shkaqe të angazhimeve apo ndryshimeve pozitive, por siç kemi informacione është se ka pasur pakënaqësi mes këtyre dy personave për çështje personale. Shoqëria civile ka dilema të vazhdueshme për qeverisjen e dobët, keqpërdorimin e parasë publike, por edhe mosrealizimin e objektivave”, tha Gashi.

Kurse, opozita në Ferizaj konsideron se ndërrimet e zyrtarëve komunal në pozita të caktuara po bëhen pa bazë ligjore. Gëzim Kokollari nga LDK-ja, thotë se sa herë që kryetari nuk po bie në ujdi me zyrtarët e vet për interesa personale, po i shkarkon ata.

“LDK konsideron se ndërrimet që janë bërë që nga fillimi janë në kundërshtim të plotë me ligjin për shkak se personi që ka qenë dhe që e ka degraduar zotëri Aliu ka qenë një person profesionist i licensuar për këtë punë, por për interesa të tyre e ka bërë dikë tjetër dhe pikërisht edhe tani për interesa për ndarje të kulaçit të tortës siç duket janë prishur dhe kjo ka ndikuar që tani të emërohet një njeri tjetër në këtë pozitë. Megjithatë, ndërrimi i pozitave nuk i arsyeton veprimet e deritanishme të Zyrës së Prokurimit pasi ajo i përgjigjet direkt kryetarit, prandaj përgjegjës për të gjitha të bëmat e kësaj zyre mbeten përgjegjësi e kryetarit të komunës”, tha Kokollari.

Lidhur me këtë çështje, Televizioni Tema tentoi të marrë një përgjigje nga komuna e Ferizajt, mirëpo ata nuk pranuan të flasin me arsyetimin se është herët të flitet për këtë. Edhe Fehmi Reka, nuk pranoi të flasë para kamerës, mirëpo tha se është larguar nga kjo pozitë pas një marrëveshje që kanë bërë me kryetarin Agim Aliu, por nuk tregoi se për çfarë marrëveshje bëhet fjalë.

Merret vesh se kryetari Aliu në vend të Rekës ka emëruar zyrtarin e Drejtorisë së Financave, Arsim Osmanin.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 day ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar