Ferizaj

”Caritas Kosova” ndihmon qendrën këshilluese ”Këshillimi”

Published

6 years ago

11 February, 2020

Organizata ”Caritas Kosova” do t’i dalë në ndihmë qendrës këshilluese e cila udhëheqet nga psikologia Arjeta Musliu, qendër kjo që është hapur për t’iu dialë në ndihmë përdoruesve të narkotikëve.

Përmes një momerandumi bashkëpunimi, ”’Caritasi” do t’i punësoj dy psikologe në këtë qendër. Drejtori i kësaj organizate Don Viktor Sopi, tha se misioni i ”Caritas”-it është t’u dalë në ndihmë pikërisht këtyre qendrave.

“Caritasi i Kosovës në epiqendër të veprimit ka njeriun dhe ne kemi takuar Arjeta Musliun që ka këshillimoren për personat e kapluar nga mjetet narkotike, jemi munduar që të ndihmojmë me një psikologe dhe zëvendëspsikologe ku ato i trajtojnë rastet e tilla. Dinjiteti i njeriut është i barabartë me çdo njeri, ata në hapin e gabuar që kanë bërë është përgjegjësi e shumëfishtë prandaj “Caritasi” mundohet të jetë mbështetës edhe në këtë punë që bënë Arjeta”, tha Sopi.

Kurse, udhëheqësja e Qendrës Këshilluese ”Këshillimi”, Arjeta Musliu, u shpreh se kjo mbështetje ka qenë shumë e nevojshme, gjë që e pret edhe nga organizata e institucione të tjera.

“Don Viktori një ditë na vizitoi dhe na premtoi se do të na ndihmojë, sinqerisht nuk e prita kaq shpejt se ka me ndodhë, për qendrën tonë çdo lloj mbështetje është e nevojshme duke e parë numrin e të interesuarve që po kërkojnë ndihmë dhe nevojat që i kemi për mbështetje si ekip për me u realizu ne si staf, mbështetjen që na e ka ofruar “Caritasi” e vlerësoj shumë dhe ka qenë shumë e domosdoshme, mua më është lehtësuar shumë pasi dy paga janë mjaftë shumë për mua”, tha Musliu.

Musliu bëri të ditur se që nga hapja e kësaj qendre, nga këshillat që jepen aty, 11 persona janë distancuar nga përdorimi i narkotikëve.

“11 persona ia kanë dalur hapit të parë apo betejen e luftës së parë duke iu falënderuar dëshirës së tyre për të dashur vetën, janë 11 abstenues, madje i kemi aktivizuar edhe me punë ata, njëri nga ta ka filluar me punë, poashtu edhe një studentit ia kemi financuar studimet dhe është duke vazhduar ato, poashtu edhe një vajzë është punësuar në një veprimtari dhe mendoj që kjo është përkrahja”, tha Musliu.

Musliu tha se numri i përdoruesve të narkotikëve që kërkojnë këshilla është çdo ditë në rritje. Ajo tregoi se aktualisht aty janë duke u trajtuar 200 persona, kurse 100 të tjerë janë duke pritur në radhë.

Ferizaj

Siguria juaj fillon me zgjedhjen e duhur të sigurimit

Published

13 hours ago

09 July, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Ferizaj

Arrestohet një i mitur në Ferizaj, i dyshuar për kanosje dhe armëmbajtje pa leje

Published

15 hours ago

09 July, 2026

Redaksia

Policia në Ferizaj ka arrestuar një 16 vjeçar nën dyshimin se ka kanosur dy persona me armë zjarri.

Sipas njoftimit të Policisë, rasti është raportuar më 08.08.2026, rreth orës 23:40. Në vendngjarje janë personat e përfshirë në incident. Në stacionin policor janë shoqëruar dy viktimat dhe një person i dyshuar.

Gjatë kontrollit, tek i dyshuari F.A. (16 vjeç) është gjetur një pistoletë me gaz dhe 6 fishekë.

Lidhur me rastin janë intervistuar dy viktimat, ndërsa personi i dyshuar, për shkak se ndodhej nën ndikimin e alkoolit, nuk ka qenë në gjendje të intervistohej.

Me vendim të prokurorit të shtetit, i dyshuari është ndaluar për 24 orë dhe ndaj tij është iniciuar procedura hwtimorw për veprat penale “Kanosje” dhe “Mbajtje në pronësi, kontroll ose posedim të paautorizuar të armëve.”

Ferizaj

Shkaku i asfaltimit bllokohet qarkullimi në rrugën Brezovicë – Prevallë

Published

15 hours ago

09 July, 2026

Redaksia

Për shkak të punimeve në rrugën R115, segmenti rrugor Brezovicë – Prevallë, mbyllur për qarkullim nga ora 08:00 deri në ora 18:00 të ditës së sotme (9 korrik 2026).

Në njoftimin e Ministrisë së Infrastrukturës bëhet e ditur se gjatë kësaj kohe është planifikuar asfaltimi i një segmenti rrugor në gjatësi prej 1,050 m.

“Mbyllja e përkohshme e këtij segmenti është e domosdoshme për garantimin e sigurisë së pjesëmarrësve në trafik dhe të personelit të angazhuar në punime, si dhe për të siguruar realizimin cilësor të shtresës së asfaltit”, thuhet mes tjerash në njoftim.

Ndërkaq policia, kërkon nga qytetarët mirëkuptim dhe kërkon që të shmangin lëvizjen në këtë rrugë në kohën e lartcekur duke shfrytëzuar rrugët alternative.