Ferizaj

Drejtuesit e bibliotekës ankohen për punime të stërgjatura

Published

6 years ago

21 February, 2020

Renovimi i bibliotekës së qytetit të Ferizajt “Sadik Tafarshiku”, i nisur para dy muajsh, i cili sipas planit të punës është dashur të përfundoj para një muaji, po shqetëson udhëheqësinë e këtij institucioni.

Drejtoresha e kësaj biblioteke, Teuta Demiri, tha se i gjithë kati i parë i këtij objekti është bllokuar nga stërzgjatja e punimeve nga kontraktuesi.

“Kemi shpresuar se do të kryhet, do të përfundoj shumë më herët, por ja që po stërzgjaten punimet dhe kjo është çdoherë në dëm të lexuesve dhe të personelit të bibliotekës. Ne nuk kemi qenë të njoftuar kur do të përfundoj, por kështu gojarisht jemi njoftuar se mundësisht do të përfundoj deri më 10 janar ose nga mesi i janarit, mirëpo tash jemi gati nga fundi i shkurtit dhe i gjithë kati i parë është i bllokuar dhe nuk po mundemi të zhvillojmë aktivitetin tonë. Ne po brengosemi si personel dhe si staf udhëheqës sepse librat që 2 muaj janë në paketime dhe po brengosemi shumë që librat mbase do të dëmtohen dhe nuk do të mund të jenë më në dorën e lexuesit dhe kjo do të jetë një humbje shumë e madhe për qytetin edhe për bibliotekën nëse librat do të dëmtohen dhe na brengos fakti që edhe lexuesit po kthehen, sepse nuk po mund t’i shërbejmë”, tha Teuta Demiri.

Demiri, tha se janë në pritje të një përgjigje nga Drejtoria e Kulturës për këtë çështje.

“Ne jemi në kontakt të vazhdueshëm me Drejtorinë për Kulturë dhe po presim një përgjigje që të rifillojnë punët në katin e parë dhe të përfundojnë sa më shpejt, pasi që kati i dytë ka përfunduar, studentët po mund t’i shfrytëzojnë sallat e leximit, mirëpo tek sektori i fëmijëve apo në gjithë katin e parë puna është bllokuar që 2 muaj”, tha Teuta Demiri.

Televizioni Tema ka kontaktuar me drejtoreshën e Kulturës, Xhemile Murati – Shabani, por ajo nuk ka pranuar të prononcohet.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

5 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

6 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim