Ferizaj

Ferizaj përkujton dëshmorët në 22 vjetorin e Epopesë së UÇK-së

Published

6 years ago

06 March, 2020

Përfaqësues të politikës lokale të Ferizajt, organizata të dala nga lufta e Ushtrisë Çlirimtare të Kosovës dhe qytetarë ferizajas, edhe pse nuk ishin të shumtë në numër sikurse herave të tjera, bënë homazhe në Kompleksin e Varrezave të Dëshmorëve të Kombit të UÇK-së në përkujtim të jetës dhe veprës së dëshmorëve në 22 vjetorin e sakrificës sublime të komandantit legjendar, Adem Jashari dhe familjes Jashari, që nisi Epopenë e lavdishme të Ushtrisë Çlirimtare të Kosovës.

Kryetari i Ferizajt Agim Aliu, tha se madhështia e këtij vendi janë heronjtë, dëshmorët, e të rënët në krye me komandantin legjendar, Adem Jashari.

“Madhështia e këtij vendi, e këtij dheu janë Jasharajt me kryekomandantin legjendar Adem Jashari dhe gjithë familjen Jashari. Pra, është dita kur njëkohshëm ne jemi krenarë që i takojmë një kombi që kishte në gjirin e tij komandant legjendar e hero si Adem Jashari dhe pasuesit e tij, pra jemi kombi që ka bërë historinë përmes kryekomandantit legjendar Adem Jashari, familjes Jashari dhe përmes emblemës me tri shkronja të arta, UÇK. Pra, lavdia iu takon e gjitha atyre”, tha Aliu.

Aliu tha se epokën e re të popullit shqiptar e bëri sakrifica e familjes Jashari.

“Sot është dita kur përfundimisht ishte hapur një epokë e re, epoka e asaj që kombi ynë ka qenë gjithmonë në majat e kombeve të tjera, sepse gjithmonë ishte me luftëtarë dhe me përpjekje për të fituar atë që i takonte, lirinë, dhe ajo u fitua falë sakrificës sublime të bërë më 5,6 dhe 7 mars dhe për të hapur pastaj zjarrin luftës së UÇK-së në gjithë territorin e Kosovës e që kulmoi me mbështetjen edhe të aleatëve tanë perëndimor për të rezultuar me 12 qershorin Ditën e Lirisë dhe për të hapur epokën për shtetndërtim”, tha Aliu.

Me kurora lulesh dhe përkulje pranë varreve të dëshmorëve, Ferizaj shënoi 22 vjetorin e Epopesë së Ushtrisë Çlirimtare të Kosovës.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim