Ferizaj

QKMF zgjat orarin e shërbimit mjekësor shtëpiak

Published

6 years ago

11 March, 2020

Kujdesi mjekësor shtëpiak është një praktikë mjekësore e cila në botën perëndimore dhe në vendet afër nesh praktikohet që një kohë të gjatë, e një praktikë e tillë është duke funksionuar edhe në komunën e Ferizajt.

Shefi i shërbimit diagnostik në Qendrën Kryesore të Mjekësisë Familjare në Ferizaj, Xhevdet Haxhidema, thotë se numri i pacientëve që kanë nevojë për këtë shërbim është në rritje, prandaj edhe kanë zgjeruar atë.

“Në të gjitha qendrat e mjekësisë familjare janë ekipet e gatshme që ofrojnë shërbimin në shtëpi, për çfarëdo shërbimi që kanë nevojë pacientët, infuzione, injeksione, pastrim dhe lidhje të plagëve dhe shërbime të tjera për të cilat kanë nevojë. Së fundmi kemi ndërmarrë edhe një hap, e kemi zgjeruar këtë veprimtari, deri tani ekipet që e kanë ofruar këtë shërbim kanë qenë vetëm në ndërrimin e paraditës, por tani e kemi filluar shërbimin edhe pasdite, i kemi dy ekipe mobile, njëra në QKMF, kurse tjetra është në QMF 2, jemi dakorduar me i nda me regjione, banorët që janë këtej hekurudhës vijnë këtu, kurse matanë hekurudhës orientohen tek QMF 2”, tha Haxhidema.

Problemi i vetëm në ofrimin e këtij shërbimi, Haxhidema thotë se është materiali shpenzues.

“Problemet lidhen me materialin shpenzues që është i nevojshëm, edhe ne si e gjithë Kosova kemi porbleme me mungesë të materialit shpenzues, por kur ka material të mjaftueshëm ne mundohemi me shfrytëzu në mënyrë racionale, por të paktën këtij shërbimi dhe rasteve urgjente t’iu ofrojmë materialin shpenzues të nevojshëm, por kur nuk ka janë të detyruar me e ble familjarët, por sidoqoftë për këtë shërbim janë shumë falënderues”, tha Haxhidema.

Në këtë kohë kur është rritur frika për shkak të virusit corona, u tha se ekipet ambulantive po e verifikojnë nga afër situatën.

Ferizaj

Arrestohet i dyshuari për shkaktim të zjarrit në një shtëpi në Ferizaj

Published

2 days ago

03 June, 2026

Redaksia

Policia e Kosovës ka njoftuar se ka arrestuar një person të dyshuar si zjarrvënës pasi një shtëpi është përfshirë nga zjarri në Ferizaj.

Sipas raportit 24 orësh të policisë rasti ka ndodhur të martën, në ora 12:00.

Ferizaj / 02.06.2026 – 12:00

” Ankuesi mashkull kosovar ka njoftuar se shtëpia e tij është përfshirë nga zjarri. Sipas dëshmitarëve dyshohet se një person i dyshuar mashkull kosovar e ka shkaktuar zjarrin, i cili është arrestuar dhe me vendim të prokurorit është dërguar në mbajtje.”

Ferizaj

Zjarri në një kompani në Ferizaj dëmtoi edhe tri shtëpi familjare

Published

3 days ago

02 June, 2026

Redaksia

Nga një zjarr që shpërtheu më 31 maj në një kompani private në Ferizaj, përpos dëmeve në objektin afarist janë dëmtuar edhe tri shtëpi familjare të pronarit të kësaj kompanie.

Në raportin e policisë bëhet e ditur se nga zjarri që shpërtheu rreth orës 23:10, vlera e dëmeve në objekt afarist dhe shtëpitë e përfshira është e konsiderueshme, derisa rasti është duke u hetuar.

“ Ferizaj / 31.05.2026 – 23:10.

Më 01.06.2026 viktima mashkull kosovar ka raportuar se zjarri i cili kishte shpërthyer me datën e lartcekur në kompaninë e tij, përveç dëmeve tek lokali, dëme ishin shkaktuar edhe tek tri shtëpi të familjarëve të tij ku vlera e dëmit është e konsiderueshme. Rasti është duke u hetuar nga ekipet relevante policore”, thuhet në raportin 24 orësh të policisë.

Ferizaj

Konfiskohen dy motoçikleta dhe ndëshkohen drejtuesit e tyre në Ferizaj

Published

4 days ago

01 June, 2026

Redaksia

Të dielën, më 31.05.2026 rreth orës 15:15, Policia në Ferizaj ka ndaluar dy drejtues motoçikletash, të cilët po qarkullonin në rrugën “Shaban Viça”, në kundërshtim me rregullat dhe ligjet e komunikacionit rrugor.

Ndaj personit me inicialet R.M. (25 vjeç) është shqiptuar gjobë prej 500 eurosh për mos posedim të kategorisë përkatëse A, 3 pikë negative, si dhe masë mbrojtëse prej tre muajsh heqje e patentë-shoferit. Po ashtu, ai është gjobitur edhe me 200 euro për qarkullim me motoçikletë të paregjistruar dhe pa targa.

Edhe ndaj personit me inicialet A.V. (25 vjeç) janë shqiptuar të njëjtat masa: 500 euro gjobë për mos posedim të kategorisë përkatëse A, 3 pikë negative, tre muaj heqje e patentë-shoferit, si dhe 200 euro gjobë për motoçikletë të paregjistruar dhe pa targa.

Për shkak të mungesës së dokumentacionit të rregullt, policia ka konfiskuar edhe të dy motoçikletat.