Ferizaj

Qytetarët vërshojnë parkun ”Liria”

Published

5 years ago

18 March, 2020

Qytetarët e Ferizajt kanë reduktuar daljet nëpër qendër të qytetit, por jo edhe në parkun “Liria”.

Ditëve të fundit aty është parë fluks i madh i qytetarëve të cilët po thyejnë monotoninë e qëndrimit në shtëpi edhe përkundër thirrjeve të organeve të shtetit për të qëndruar në shtëpi në mënyrë që të parandalohet përhapja e virusit COVID-19.

Duke parë këtë veprim të qytetarëve, Policia e Ferizajt së bashku me shtabin emërgjent që është formuar në këtë qytet, kanë marrë vendim që të mos lejojnë grumbullimet e qytetarëve nëpër vendet publike.

“Dje kemi marrë informatë se ka pasur disa qytetarë nëpër parkun e Lirisë dhe në fshatin Jezerc dhe sot është mbajtur një takim në këshillin komunal në lidhje me këtë problem dhe është marrë vendim që këto tubime të shpërndahen nga policia. Prandaj, ne apelojmë tek qytetarët që mos të tubohen në grupe si organizime të piknikut e të ndryshme sepse policia do të ndërmarrë masa dhe nuk do të lejoj grupet e qytetarëve, po ashtu edhe nëpër qytet ku hasen grupe do të bëhet shpërndarje”, tha zëdhënësi i PK në Ferizaj Agim Gashi.

Gashi tha janë duke u angazhuar maksimalisht për të siguruar jetën e qytetarëve në këto rrethana të krijuara.

“Përpos punëve primare apo punëve të përditshme, në këtë situatë edhe policia e ka rolin e vet dhe është duke kryer punën me sukes. Të gjithë pjesëtarët e policisë janë të angazhuar. Sa i përket gjendjes së sigurisë është e kënaqshme, nuk kemi probleme të theksuara, përveç që jemi duke u angazhuar më shumë në këtë situatë”,tha Gashi.

Policia e Ferizajt dhe drejtues të komunës së Ferizajt ripërsëritën thirrjen që qytetarët të qëndrojnë në shtëpi, apo të reduktojnë daljet si masë paradaluese për përhapjen e pandemisë COVID-19, i cili ka prekur thuajse tërë globin.

Ferizaj

Javën e kaluar u raportuan 56 aksidente trafiku në rajonin e Ferizajt

Published

22 hours ago

16 June, 2025

Redaksia

Policia në rajonin e Ferizajt ka njoftuar se javën e kaluar ka shqiptuar 1 mijë e 347 gjoba kundërvajtëse dhe janë pezulluar 13 patentë shoferë.

Gjatë periudhës nga 09.06.2025 deri më 15.06.2025, janë shqiptuar 1,347 gjoba kundërvajtëse, si dhe janë pezulluar 13 patentë-shoferë për drejtuesit e mjeteve që kanë kryer shkelje të rënda në trafik, thuhet në njoftim.

Gjithashtu janë raportuar 56 aksidente trafiku, në një prej tyre në person ka vdekur.

– 1 aksident me fatalitet në Kaçanik, ku ka mbetur një person i vdekur

– 24 aksidente me lëndime , ku kanë mbetur të lënduar 30 persona

– 31 aksidente me dëme materiale

Ferizaj

Teatri “Adriana”reagon ndaj pengesave institucionale: “Një premierë përtej censurës”

Published

3 weeks ago

26 May, 2025

webmaster

Teatri “Adriana” ka njoftuar se premiera e shfaqjes “Fluturimi mbi teatrin e Kosovës” është shtyrë për datën 14 qershor 2025, shkaku i pengesave institucionale që trupa ka hasur gjatë përgatitjes së kësaj premiere.

Sipas deklaratës për media, gjatë përgatitjeve për premierën e kësaj shfaqjeje, të caktuar fillimisht për 7 qershor, trupa është përballur me kërkesa për ndërhyrje në tekstin e shfaqjes, mungesë të papritur të buxhetit për materiale skenike dhe pengesa të tjera që, sipas tyre, përbëjnë “një sabotim të heshtur” ndaj artit dhe lirisë krijuese.

Megjithatë, nga teatri konfirmojnë se premiera e shfaqjes “Fluturimi mbi teatrin e Kosovës”, me tekst të Jeton Nezirajt dhe regji të Agon Myftarit, do të mbahet në datën e re, edhe nëse u duhet të riciklojnë kostume dhe skenografi nga prodhime të mëparshme.

Teatri thekson se këto pengesa janë një formë e censurës indirekte ndaj lirisë krijuese, duke theksuar rëndësinë e mbrojtjes së lirive artistike dhe të shprehjes në Kosovë.

“Është paradoksale dhe shqetësuese se si disa individë marrin bajrakun e patriotizmit duke akuzuar tërthorazi artistët si antikombëtarë, dhe në emër të një lloj nacionalizmi primitiv, përpiqen të kufizojnë të drejtën krijuese — për të cilën të njëjtët kanë luftuar në vitet 1998–1999”, thuhet më tej në deklaratë, përmes së cilës, aktorët dhe regjisori i bëjnë thirrje publikut dhe komunitetit artistik të mbështesin shfaqjen dhe të qëndrojnë kundër çdo censure.

“Më 14 qershor, në skenën e Teatrit ‘Adriana’, nuk do të shfaqet vetëm një vepër. Do të shfaqet vetë qëndrimi ynë ndaj lirisë”, thuhet mes tjerash në deklaratë.

Ferizaj

Policia në Ferizaj brenda javës shqiptoi 1310 gjoba trafiku

Published

4 weeks ago

19 May, 2025

Redaksia

Policia e Ferizajt, gjatë javës së kaluar, ka shqiptuar 1 mijë e 310 gjoba trafiku, si dhe ka pezulluar 14 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe, policia ka bërë të ditur se kanë ndodhur gjithsej 36 aksidente, nga të cilat, 13 ishin me të lënduar kurse 23 aksidente të tjera ishin vetëm me dëme materiale.