Ferizaj

Demiri: Situata politike në vend, fyerje e rëndë për qytetarët

Published

7 years ago

19 March, 2020

Përveç situatës me koronavirusin, nga dje është krijuar edhe një situatë e re politike në vend, pas paralajmërimit të Lidhjes Demokratike e Kosovës për inicimin e mocionit të mosbesimit ndaj qeverisë.
Analisti ferizajas Afrim Demiri, thotë se në tërë botën krijohen armëpushime në raste të jashtëzakonshme, kurse në Kosovë po ndodhë e kundërta.

“Në këtë kohë pandemie çdo politikë që zhvillohet është politikë virusale, dua të them se faktikisht është një politkë joinstitucionaliste dhe është politikë vetëshkatërruese. Automatikisht paramendimi na shkon aty se pikërisht ata që janë thirrur në politikë institucionaliste e bën hapin jo institucional. Këtu është një mllef i gjithë qytetarëve për arsye se në këtë kohë kur pandemia rrezikon me përmasa globale unë mendoj se i vetmi mision i njerëzimit është parandalimi i saj dhe për këtë mendoj se asnjë politikë që zhvillohet tash nuk është parimore. Bota njeh shumë armëpushime në kohë pandemie, por edhe me rastin e festave gjithëbotërore armëpushimi gjen shprehi dhe gjest njerëzor, e në këtë rast kur ne jemi ende në fillim të pandemisë dhe ka paralajmërime që ka mundësi të zhvillohet në mënyrë negative, kjo tregon papjekuri politike”, tha Demiri.

Demiri konsideron se kjo është fyerja më e madhe që klasa politike po ua bën qytetarëve në këtë kohë pandemie.

“Ata më tepër po përngjajnë në gjela, në pleh sesa në krerë politikë, kjo është një revoltë jo vetëm e imja që po e përdori, por kjo është grumbulluar nga momenti i kësaj situate politike që u krijua. Nuk kam ndonjë iluzion që qeveria do të bënte më të mirën, por qeveria është një shtyllë institucionale që beson qytetari, nëse rrënohet kjo shtyllë atëherë çka do të bëhet, t’i dorëzohemi koronavirusit, atëherë ku mbetet ndërgjegjia njerëzore. Unë mendoj që kjo është fyerja më e rëndë që u është bërë qytetarëve dhe po del që klasa jonë politike është e kalbur. Edhe në Siri ka rënë intensiteti i luftës për shkak të virusit, në Itali ka 4 mijë në ditë të infektuar, nëse ne e përjetojmë një situatë të tillë ku do të fshehen politikanët tanë pastaj dhe se di a meritojnë të flasin pastaj në emër tonë”, tha Demiri.

Mocioni i mosbesimit ndaj qeverisë është inicuar pas vendimit të kryeministrit Albin Kurti për shkarkimin e Agim Veliut nga posti i ministrit të Punëve të Brendshme.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

25 mins ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.

Ferizaj

Një burrë theret me kaçavidë nga dy persona në Ferizaj

Published

1 week ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

1 week ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.