Ferizaj

Ferizajasi me COVID-19 është përcjellur nga Aeroporti drejt në klinikë

Published

6 years ago

21 March, 2020

Janë konfirmuar edhe 4 raste të reja të prekur me koronavirus, duke e çuar kështu numrin e përgjithshëm të të infektuarve në Kosovë në 28.

Rastet e fundit janë një nga Ferizaj, dy nga Prishtina dhe një nga Gjakova.
Instituti Kombëtar i Shëndetësisë Publike ka bërë të ditur se nga katër rastet e konfirmuara, njëri është mashkull, 32 vjeç me vendbanim në fshatin Bibaj të Ferizajt i cili së fundmi ka ardhur nga Gjermania dhe nga aeroporti është vendosur në karantinë në Prishtinë.
Ndërsa tre rastet tjera janë femra dhe janë raste kontakti, ku 2 prej tyre janë të moshës 50 dhe 29 vjeçare me vendbanim në Prishtinë kurse e treta është një 40 vjeçare me vendbanim në Gjakovë.
Të gjitha kontaktet e tyre janë të identifikuar, thuhet në njoftimin e Institutit të Shëndetësisë Publike.

Pasi në media janë përhapur informacione të pasakta për izolimin e fshatit Bibaj, nga familjarët e 32 vjeçarit është bërë e ditur se me të zbritur nga aeroplani, zyrtarët e Aeroportit e kanë izoluar personin në fjalë për shkak të temperaturës së lartë dhe ai është dërguar në QKUK, dhe se i njejti nuk ka pasur vizite apo kontakte në Bibaj pas arritjes ne Kosovë.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 days ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim

Ferizaj

Siguria juaj fillon me zgjedhjen e duhur të sigurimit

Published

2 days ago

13 March, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Adresa: Rr. “Tahir Sinani” 89, Ferizaj

* Artikull i sponsorizuar

Ferizaj

330 shoferë në Ferizaj gjobiten për përdorim të telefonit

Published

2 weeks ago

02 March, 2026

Redaksia

Policia Rajonale e Ferizajt gjatë muajit shkurt ka shqiptuar 330 gjoba ndaj shoferëve që kanë përdorur telefonin gjatë vozitjes, duke rrezikuar kështu sigurinë e pjesëmarrësve në komunikacion.

Policia bën thirrje tek të gjithë pjesëmarrësit në trafik për përqendrim të plotë gjatë drejtimit të e automjetit dhe të shmangin çdo lloj shpërqendrimi sidomos përdorimin e telefonit gjatë vozitjes, pasi edhe një çast pakujdesie mund të ketë shkaktojë pasoja serioze për jetën e njerëzve.