Ferizaj

Asnjë i dyshuar me COVID-19 nuk është paraqitur në institucionet shëndetësore të Ferizajt

Published

7 years ago

25 March, 2020

Në komunën e Ferizajt nuk është paraqitur ndonjë rast i ri i infektuar me koronavirus, përveç një të riu nga fshati Bibaj, i cili me të ardhur nga Gjermania është transferuar në Klinikën Infektive në Prishtinë.

Drejtori i Spitalit të Ferizajt Jeton Zeqiri, tha se në institucionet shëndetësore të këtij qyteti nuk është paraqitur asnjë qytetar i dyshuar me virusin Covid-19.

“Në 24 orët e fundit në Spitalin e Ferizajt, por edhe në Qendrën Kryesore të Mjekësisë Familjare nuk ka pasur asnjë rast të dyshuar apo me shenja dhe simptoma që korrespondojnë me virusin, kështu që për momentin mund të themi lirisht që gjendja është stabile, por të shohim tani periudha e inkubacionit sa do të na bëj telashe në këtë drejtim, mirëpo Ferizaj qëndron mirë për momentin sa i përket kësaj pandemie”, tha Zeqiri.

Megjithëkëtë, në numrin 194 që është vënë në dispozion për qytetarët, Zeqiri tha se është lajmëruar një qytetare nga Ferizaj e cila ka dyshuar se është prekur nga koronavirusi pas simptomave që i janë shfaqur, por pasi është dërguar në Klinikën Infektive në Prishtinë ka rezultuar negative.

“Është duke pasur thirrje në numrin 194, ku çdo thirrje adresohet tek ne dhe jepen rekomandime, qytetarët janë duke marrë informacione direkt nga kjo thirrje, po ashtu edhe rekomandime nëse ka ndonjë anamnezë pozitive për qytetarët të cilët kanë qenë jashtë shtetit, atyre janë duke iu dhënë rekomandime për vetizolim, nëse ka simptoma klinike ekipa jonë mobile i viziton, po ashtu jemi në lidhje direkte edhe me Institutin Kombëtar të Shëndetit Publik, çdo rast të dyshuar ne e dërgojmë në Qendrën Klinike Infektive ku aty fillon marrja e mostrave për verifikim nëse është pozitv apo jo. Nga këto thirrje kemi pasur raste për vetizolim, ndërsa sa i përket dërgimit pas thirrjes në qendrën e thirrjeve e kemi pasur një rast para dy dite të gjinisë femër është dërguar në klinikë aty është hospitalizuar, mirëpo në bazë të informacioneve që i kemi ka dalur negative”,tha Zeqiri.

Drejtori i Spitalit të Ferizajt, edhe një herë kërkoi nga qytetarët që të marrin parasysh rekomandimet e dhëna nga Instituti Kombëtar i Shëndetit Publik të Kosovës, pasi tha se këto ditë janë vendimtare në përballjen me virusin Covid-19 .

“Apeli i jonë i vetëm është që e vetmja mundësi për të dalë nga kjo situatë është parandalimi, ndërsa prandalimi është mbajtja e distancës, pastrimi i duarve dhe qëndrimi në shtëpi, tjetër parandalim nuk ekziston jo vetëm tek ne por në gjithë botën, sa më shumë t’i respektojmë këto rekomandime më lehtë e kemi me kalu këtë gjendje. E kanë thënë edhe Instituti Kombëtar i Shëndetit Publik, por edhe ekspertët epidemiologjik që këto dy javë që po hymë janë vendimtare dhe apeli i jonë është të respektojmë rekomandimet. Unë jam duke i përcjell dhe shtetet e regjionit, aty është duke u rritur numri i të prekurve, unë nuk po dua të shkaktoj panik, por po dua me kriju një vigjilencë që të respektohen këto rregulla, pasi duke i respektuar rregullat do të dalim faqebardhë”,tha Zeqiri.

Numri i të infektuarve me koronavirus në Kosovë ka shkuar në 71.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

7 mins ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

17 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar