Ferizaj

Infektologu Hetemi: Moti i ftohtë favorizon koronavirusin

Published

6 years ago

25 March, 2020

Reshjet e borës që kanë filluar këto ditë e shtojnë edhe më shumë rrezikun nga pandemia Covid-19. Kështu thotë infektolgu në Spitalin e Ferizajt, Kadrush Hetemi.

Hetemi tha se ulja e temperaturave e favorizon edhe më shumë koronavirusin, prandaj qytetarët duhet të rrisin vigjilencën gjatë këtyre javëve.

“Koha më e mirë është më nxehtë me qenë, kur janë temperaturat mbi 20 gradë, po ashtu temperaturat kur të jenë më të larta edhe gjatë natës. Ne në vend i kemi 63 raste të konfirmuara dhe gjerësa të kemi vetëm edhe një burim të vetëm ne jemi të rrezikuar, nuk shërohet sëmundja derisa kemi burime, prandaj me qëndru në shtëpi është më e mira. Virusi nuk ka këmbë për me ardhë, ne lëvizim dhe e rrezikojmë vetvetën, prandaj masa më e mirë këto 4 javë të rrimë sa më shumë në shtëpi dhe të ketë dalje sa më pak, të paktën vetëm një familjar të dalë për blerje, pasi këto 4 javë është piku i rrezikut, moti i ftohtë e favorizon më shumë këtë virus”, tha Hetemi.

Hetemi thotë se edhe gripi sezonal mund të jetë shkaktar i vdekjes, porse dallimi në mes tij dhe koronavirusit qëndron tek përhapja më e madhe dhe më e shpejtë.

“Edhe virusi i zakonshëm apo gripi sezonal A, edhe ai shkakton vdekje, por ky virus është karakterizuar me një infeksiozitet apo ngjitshmëri shumë të madhe dhe është një grip i ri që nuk ka terapi, por është një vdekshmëri 3% vende vende, siç është në Itali pasi nuk janë marrë masa varësisht prej nivelit të mjekësisë apo kur janë marrë masa më të rrepta disiplinore aty sukseset janë më të mëdha”,tha Hetemi.

Edhe infektologu Hetemi, përsëriti rekomandimet që duhet të ndjekin qytetarët siç është pastrimi i shpeshtë i duarve me sapun apo me alkool, mbajtja e distancës mbi 1 metër, bartja e maskave dhe më e rëndësishmja qëndrimi në shtëpi.

Ferizaj

Gjobitet me 500 € për ndezje zjarri në Sojevë të Ferizajt

Published

1 day ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

1 week ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

2 weeks ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.