Ferizaj

Vullnetmirët ndihmojnë 2 mijë familje ferizajase

Published

6 years ago

03 April, 2020

Në këto ditë pandemie që po kalon vendi vullnetmirët janë vënë në aksion për t’iu dalë në ndihmë familjeve në nevojë.
Në mënyrë që numri i familjeve përfituese të jetë më i madh, Shtabi Emergjent i formuar në Ferizaj, thotë se janë duke bashkëpunuar me donatorë.

“Koordinimi në lidhje me shpërndarjen e këtyre ndihmave është bërë me Qendrën për Punë Sociale, përfitues janë afër 2 mijë familje ferizajase dhe natyrshëm për të gjitha këto posedojmë dokumentacionin që pasqyron shpërndarjen e këtyre ndihmave. Prioritet kanë pasur familjet që janë pjesë e skemës sociale, por duke i shtuar kësaj edhe familje të tjera që janë ndihmuar, nga 960 familje që janë pjesë e skemës sociale kemi edhe afër 1200 familje të tjera që nuk janë pjesë e skemës sociale që janë ndihmuar”, tha Albion Sherifi nga shtabi emergjent.

Sherifi tha se çdo ditë është duke u ripërtirë lista e familjeve përfituse, në mënyrë që një familje mos të përfitoj disa herë.

“Sektori Mirëqenies Sociale vazhdimisht po përpunon listat e familjeve në nevojë në mënyrë që lista të jetë gjithpërfshirëse. Kontingjentet e ardhshme që do të sigurohen do të bëhen për personat e rinj apo për familjet e reja, përpunimi i kësaj liste po ndodhë çdo ditë”,tha Sherifi.

Sherifi tha se numri i familjeve nevojtare që po kërkojnë ndihmë po shtohet dita ditës.

Ferizaj

Arrestohet i dyshuari që sulmoi dhe lëndoi rëndë një person tjetër

Published

22 hours ago

10 February, 2026

Redaksia

Policia e Ferizajt ka arrestuar një person, të dyshuar për përfshirje në veprën penale “Lëndim i rëndë trupor”.

Në raportin e policisë bëhet e ditur se rasti ndodhi të hënën mbrëma, 09.02.2026, rreth orës 22:30

“Është arrestuar i dyshuari mashkull kosovar pasi që i njëjti pas një mosmarrëveshje dyshohet se kishte sulmuar viktimën mashkull kosovar. Viktima është dërguar për tretman mjekësor në QKUK, ndërsa i dyshuari pas intervistimit me vendim të prokurorit është dërguar në mbajtje.”

Ferizaj

Arrestohet një person në Ferizaj, i sekuestrohen drogë, para dhe armë

Published

23 hours ago

10 February, 2026

Redaksia

Një person është arrestuar në Ferizaj nën dyshimin për veprat penale “Posedim i narkotikëve” dhe “Posedim i paautorizuar i armës”.

Në raportin 24 orësh, policia tha se gjatë kontrollit të të dyshuarit, janë gjetur dhe sekuestruar dy qese me peshë 1.75 gram kokainë, një epruvetë me kokainë me peshë rreth 10.68 gram si dhe 6155 euro para të gatshme.

“Në konsultim me prokurorin është bërë kontrolli ne zyrën si dhe në shtëpinë e tij ku gjatë kontrollit janë gjetur dhe sekuestruar: një qese me substancë të dyshuar narkotike të llojit kokainë me peshë rreth 19.10 gram, një revole me një karikator dhe katër fishekë, një veturë, gjashtë telefona celular, para në prerje letre rreth 7535 euro dhe 20 durham, një sprej si dhe dy fletore me shënime”, thuhet mes tjerash në raport..

Me vendim të prokurorit pas intervistimit i dyshuari është dërguar në mbajtje.

Ferizaj

Brenda javës së kaluar policia në Ferizaj shqiptoi 1567 gjoba dhe pezulloi 21 patentë shoferë

Published

2 days ago

09 February, 2026

Redaksia

Gjatë javës së kaluar, Policia e Kosovës ka shqiptuar 1.567 gjoba për kundërvajtje në trafik si dhe ka pezulluar 21 patenta për shoferët që kanë kryer shkelje të rënda në trafik.

Po ashtu, në këtë periudhë kohore janë regjistruar gjithsej 35 aksidente. Në 12 prej tyre kanë mbetur të lënduar 15 persona, ndërsa 23 aksidente të tjera ishin vetëm me dëme materiale

Sipas statistikave të publikuara, vetëm gjatë muajit janar 2026, Policia Rajonale e Ferizajt ka gjobitur 6,914 shoferë për kundërvajtje të ndryshme në komunikacion, që krahasuar me periudhën e njëjtë të vitit të kaluar paraqet rritje prej 45.3%.