Ferizaj

Aliu kërkon izolimin e vendeve prej nga vijnë të infektuarit me Covid-19

Published

7 years ago

11 April, 2020

18 rastet e konfirmuara mbrëmë me koronavirus në komunën e Ferizajt, janë raste kontakti me të ndjerin I.Sh nga fshati Sazli, i cili ka ndërruar jetë më 6 prill.

Nga mostrat e marra të 38 personave që kanë pasur kontakt me 65 vjeçarin tashmë të ndjerë, 18 prej tyre që rezultuan pozitiv me Covid-19 janë familjarë dhe kolegë të punës në kampin ”Bondsteel” në Sojevë.

Kryetari i komunës së Ferizajt Agim Aliu, tha se shtabi që kanë formuar ka nisur gjurmimin e kontakteve të këtyre 18 personave.

“Ne si shtab emergjent i komunës së Ferizajt tashmë kemi filluar të gjejmë komunikime të tjera të këtyre 18 personave, për fatin e keq ne mund të konstatojmë se këta 18 persona kanë bërë një komunikim masiv, kanë komunikime të shumta me qytetarë të shumtë dhe jo vetëm me të Ferizajt, por edhe me qytetet të tjera pasi në kampin ”Bondsteel” punojnë edhe punëtorë të qyteteve të tjera dhe duke qenë kështu sigurisht se edhe mundësia e përhapjes do të jetë më e madhe. Ajo që duhet të them është se që të 18 rastet që kanë dalë pozitiv kanë qenë të izoluar nga 6 prilli kur ka ndodhur rasti në Sazli “,tha Aliu.

Aliu tha se vatrat e prekura duhet të izolohen, mirëpo është niveli qendor ai që vendos për një gjë të tillë.

“Nuk janë kompetenca komunale çështja e vendosjes së masës së karantinës, por ajo që ne mund të bëjmë kërkesë edhe si shtab që të shpallen zonat prej nga vinë të prekurit me Covid-19 dhe arsyeja pse unë si kryetar i komunës dhe shtabi emergjent mund të kërkonte dhe kërkon që të jenë këto zona, pasi Ferizaj është qytet i zhvilimit ekonomik dhe sigurisht se karantina e plotë e Ferizajt paraqet një masë shtrënguese, por tash nuk është më në dorën tonë se çfarë do të bëhet me Ferizajn, sepse kjo është në kompetencë të Ministrisë së Shëndetësisë, sipas rekomandimeve të IKSHPK-së është që i gjithë Ferizaj të jetë në karantinë”,tha Aliu.

Sipas kryetarit Aliu 18 personat e prekur nga koronavirusi janë në gjendje të mirë shëndetësore.

Ferizaj

Ndahet nga jeta veterani i UÇK-së, Avdi H. Ahmeti

Published

1 week ago

03 November, 2026

Redaksia

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 month ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 month ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.