Ferizaj

Epidemiologu Sylejman Topalli kërkon vigjilencë nga qytetarët

Published

5 years ago

11 April, 2020

Sylejman Topalli, epidemiolog ferizajas i cili tashmë është i pensionuar, thotë se qytetarët duhet të rrisin vigjilencën. Sipas tij, 18 personat e konfirmuar me virusin korona duhet të vetizolohen edhe brenda familjes.

“Ajo çka është me rëndësi për momentin se të gjitha rastet janë testuar që kanë qenë në kontakt dhe është konfirmuar se 18 prej tyre janë pozitiv, e dimë tashmë që këto raste duhet të vetizolohen, në këtë moment ata duhet ruajtur vetën dhe anëtarët e familjes dhe për 14 ditë me radhë duhet të qëndrojnë brenda në një dhomë të caktuar dhe gjitha shërbimet t’i kryejnë në mënyrë të kujdesshme siç është pastrimi, ushqimi, e të tjera”, tha Topalli.

Epidemiologu Topalli apeloi tek personat të cilët punojnë të respektojnë udhëzimet dhe masat e rekomanduara .

“Personat të cilët punojnë duhet të marrin masa, të mbahet distanca së paku 2 metra, të mbahen maskat, ndërsa rreth mbajtjes së dorëzave nuk është edhe e rëndësishme, pasi virusi qëndron edhe në dorëza, edhe në duar, por me rëndësishme është që të pastrohen duart sa më shumë dhe më e rëndësishmja mos me shëtitë , mos me i vizitu familjet, nuk ka nevojë me shku edhe tek vëllai nëse është i ndarë”, tha Topalli.

Epidemiologu Topalli tha se nuk ka njohuri nëse ngritja e temperaturave do ta asgjësoj virusin korona.

Ferizaj

Ndëshkohet me 300€ gjobë dhe 6 muaj ndalesë për tejkalim të shpejtësisë në Ferizaj

Published

19 hours ago

11 July, 2025

Redaksia

Një shofer 22-vjeçar është kapur nga policia në Ferizaj duke qarkulluar me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, shoferi E.S është gjobitur me 300 euro, 3 pikë negative dhe ndalim i drejtimit të mjetit për 6 muaj

“Sot, më datë 11.07.2025, rreth orës 09:35, njësia policore nga Njësia e Komunikacionit Rrugor në Ferizaj, gjatë kontrollit me radar në rrugën “Brahim Ademi” në Ferizaj, ka ndaluar një automjet të tipit VW Touran me targa vendore. Gjatë matjes së shpejtësisë, është konstatuar se shoferi E.S., 22 vjeç, po qarkullonte me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, ndaj tij janë shqiptuar këto masa:

Gjobë në vlerë prej 300€,

3 pikë negative dhe masë mbrojtëse – ndalim i drejtimit të mjetit për 6 muaj.”

Ferizaj

Shoferi gjobitet me 500 € dhe i konfiskohet vetura pasi shkeli masën e ndalimit të vozitjes

Published

19 hours ago

11 July, 2025

Redaksia

Policia në Ferizaj ka konfiskuar një automjet të tipit Golf, pasi gjatë kontrollit policor është konstatuar se shoferi ishte aktualisht nën masën mbrojtëse “Ndalim i drejtimit të mjetit.”

Sipas njoftimit të policisë, gjatë kontrollit të trafikut më 10.07.2025 në rrugën “12 Qershori” në Ferizaj, u konstatua se shoferi B.K., 25 vjeç, kishte të shqiptuar një masë të mëhershme të heqjes së patentë shoferit nga data 17.04.2025 deri më 16.07.2025, dhe i njëjti po drejtonte automjetin në kundërshtim me vendimin.

Si pasojë, ndaj tij është shqiptuar gjobë për kundërvajtje trafiku në vlerë prej 500€, janë aplikuar 5 pikë negative dhe masa mbrojtëse – ndalim i drejtimit të mjetit për 6 muaj.

Për shkak të pikëve të akumuluara dhe kundërvajtjeve të përsëritura, është vendosur edhe masë mbrojtëse shtesë prej 12 muajsh, si dhe është konfiskuar automjeti.

Ferizaj

Visar Azemi kandidat i LDK-së për kryetar të Ferizajt

Published

2 days ago

10 July, 2025

Redaksia

Visar Azemi është zyrtarisht kandidat i LDK-së për kryetar të Ferizajt.

Kandidatura e Azemit, i cili njëkohësisht është edhe kryetar i degës së kësaj partie në Ferizaj, u konfirmua në takimin e sotëm të kryesisë së LDK-së.

Në konferencën për media pas takimit të kryesisë, kryetari i LDK-së, Lumir Abdixhiku, bëri të ditur emrat që i kanë zyrtarizuar të jenë kandidatë për kryetarë të shumicës së komunave në zgjedhjet e 12 tetorit.

Abdixhiku tha se të gjithë emrat janë votuar pa asnjë kundërshtim e abstenim. Kështu, për kryetar të Prishtinës do të garojë Përparim Rama, për Lipjan Imri Ahmeti, për Obiliq Xhafer Gashi, për Fushë Kosovë Besnik Osmani, për Podujevë Ekrem Hyseni, për Drenas Gazmend Heta, për Vushtrri Xhafer Tahiri, për Mitrovicë Gëzim Plakolli, për Pejë Gazmend Muhaxhiri, për Istog Ilir Ferati, për Junik Ruzhdi Shehu, për Deçan Jeton Mushkolaj, për Dragash Behgjet Xheladini, për Prizren Driton Selmanaj, për Suharekë Ardian Shala, për Ferizaj Visar Azemi, për Shtime Kastriot Shabani, për Shtërpcë Valmir Ahmeti, për Viti Sokol Haliti, për Gjilan Arbër Ismaili, për Artanë Bajrush Ymeri, për Gjakovë Shefqet Shehu dhe për Rahovec Burim Krasniqi.

Sipas Abdixhikut, kandidatët për kryetar në Klinë, Malishevë, Kaçanik dhe Kamenicë do të zyrtarizohen ditëve në vijim.