Ferizaj

Qytetarët vazhdojnë të mos i respektojnë masat përkundër shtimit të numrit të të infektuarve

Published

6 years ago

15 May, 2020

Në mesin e 18 rasteve që rezultuan pozitiv me koronavirus gjatë ditës së djeshme, 9 prej tyre janë nga komuna e Ferizajt.

6 persona janë nga Talinoci i Jerlive, ndërsa 3 nga fshati Rahovicë. Të gjithë të infektuarit kanë pasur kontakt me personin që ditë më parë rezultoi pozitiv me këtë virus nga fshati Talinoc i Jerlive.

Ndonëse këtë javë në Ferizaj janë paraqitur raste të reja me koronavirus, qytetarët e këtij qyteti po vazhojnë të mos u binden urdhërave të Ministrisë së Shëndetësisë që të mbajnë maska, dorëza dhe të mbajnë distancën fzike mbi 1 metër nga njëri tjetri.

Për këtë, zëdhënësi i komunës së Ferizajt Albion Sherifi, thotë se është në ndërgjegjjen e qytetarëve që t’i respektojnë masat.

“Është papërgjegjësi nga ana e qytetarëve që nuk zbatojnë masat e tyre mbrojtëse, ko është së pari për shëndetin e tyre më pas edhe lehtësim për institucionet që po merren me menaxhim të situatës. Ne jemi në koordinim të ngushtë me policinë, por edhe insitutucionet e tjera në mënyrë që të bëhet një kontroll i shtuar tek qytetarët”,tha Sherifi.

Kurse, në Policinë e këtij qyteti thonë se kanë shtuar kontrollet.

“Gjatë 24 orëve të fundit janë hasur 3 persona që nuk kanë respektuar vendimin e institucioneve për lëvizje në bazë të numrit të parafundit të letërnjoftimit dhe ndaj tyre do të merren masa. Kemi edhe rekomandim që të shtojmë njësitet patrulluese nëpër rrugët më të frekuentuara, qëllimi është që të parandalohen personat që nuk e respektojnë vendimin për lëvizje në orë të caktuara sipas letërnjoftimit”,tha Agim Gashi, zëdhënës i Policisë për rajonin e Ferizajt.

Ferizaj tani regjistron 109 të prekur me Covid-19, duke prirë kështu në nivel vendi.

Ferizaj

Në Ferizaj raportohen katër bankënota të dyshuara nga 500 €

Published

2 days ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

2 days ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.