Ferizaj

Nisin përgatitjet për hapjen e lokaleve në Ferizaj

Published

6 years ago

16 May, 2020

Meqë nga e hëna është paralajmëruar hapja e ambienteve të gastronomisë në të gjithë Kosovën, kafenetë dhe restorantet në qytetin e Ferizajt janë në proces të përgatitjes për të filluar punën me masat e përcaktuar nga Ministria e Shëndetësisë për mbrojtje nga virusi Covid-19.

Amir Ahmeti , menaxher në kafeterinë “Kino Bar & Lounge”, thotë se punën do ta nisin, mirëpo nuk beson se do të kenë klientë për shkak të kufizimit të lëvizjes.

“Po presim me 18 me startu me shërbimin merr me vete edhe pse kjo për neve nuk është aspak e përshtatshme, nuk do të ketë fitim pasi gastronomia apo kafeteritë janë vende publike që e duan tereqillakun, por shpresojmë që qytetarët do t’i respektojnë masat, nuk ka asnjë levërdi me hap lokalin me këto masa, por shpresojmë se shumë shpejtë do të vijnë masat e tjera më lehtësuese”, tha Ahmeti.

Ahmeti thotë se do të shikojnë se si po u shkon puna me këto masa dhe nëse nuk kanë levërdi parashohin reduktimin e numrit të punëtorëve.

“Humbjet janë të mëdha për të gjithë, por edhe për neve dhe nëse zgjat kështu do të jetë problem, pasi këtu punojmë 20 persona dhe nëse puna bjen natyrisht duhet me bë reduktime sipas mundësive tona, nëse nuk ka punë normal që duhet me bë një ulje të punëtorëve apo me bë një zgjidhje”, tha Ahmeti.

Përgatitjet për hapjen e pastiçerisë po i bën edhe Leona Jahiri. Ajo thotë se gjatë kësaj kohe kanë pasur humbje të mëdha, pasi biznesi i saj sapo ishte hapur. Edhe Jahiri thotë se shërbimi merr me vete do të jetë shumë sfidues.

“Biznesi im është shumë i ri sapo patën hyrë në treg dhe ra pandemia, na ka bërë shumë dëme pasi sa e kisha porositur lëdën e parë dhe gjithçka ka shkuar dëm. Prej të hënës ne kemi filluar me u bë gati me hap lokalin, klientët tanë do të mund të marrin ushqimin me vete, por nuk do të jenë të gjitha produktet pasi janë problem mjetet financiare për sigurimin e lëndës së parë meqë dy muaj nuk kemi punuar. Është sfidë për neve pasi nuk ka ndonjë vend në komunën tonë apo park që mund ta marrin klientët ushqimin dhe me shku me konsumu, poashtu është edhe koha e pauzës e shkurtër kështu që do të kemi shumë telashe”,tha Jahiri.

Ministria e Shëndetësisë në Kosovë ka bërë disa rekomandime për funksionimin e ambienteve të gastronomisë gjatë kësaj kohe, e të cilat duhet të respektohen në mënyrë që funksionimi i të gjithë lokaleve të bëhet siç duhet. Para fillimit të punës duhet që çdo ditë të bëhet pastrimi dhe dezinfektimi i lokaleve, aksesorëve dhe pajisjeve, poashtu dhe ventilimi i lokaleve, personeli me klientin duhet të rrijë 1.5 metër larg si dhe dezinfektues duarsh te ketë në hyrje të çdo lokali për klientët. Rekomandohet poashtu të shmangen pagesat me para “cash” apo në dorë.

Faza e dytë e lehtësimit të masave kundër koronavirusit që do të filloj me 18 maj, mes tjerash parasheh nisjen e punës edhe të salloneve të ondulimit në vend. Poashtu, me këtë datë do të hapet edhe tregu me pakicë, tregu i gjelbër, dentistët dhe fizioterapeutët, qendrat e thirrjeve, muzetë dhe galeritë.

Sipas planit të Qeverisë, me fillimin e implementimit të fazës së dytë më 18 maj, do të filloj qarkullimi i trafikut urban dhe ndërurban, por me leje të veçantë.

Ndërsa, më 1 qershor, në fazën e tretë, Qeveria ka planifikuar lejimin e qarkullimit të trafikut urban dhe ndërurban në përgjithësi sikurse kanë qarkulluar më herët.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

20 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar