Ferizaj

KBI në Ferizaj bën thirrje të paguhet anëtarësia

Published

6 years ago

22 May, 2020

Myslimanët në të gjithë botën të dielën festojnë Fitër Bajramin, që shënon fundin e muajit të shenjtë të Ramazanit.
Këtë vit ky muaj i shenjtë u shënua më ndryshe ku përveç që nuk u lejua organizimi i iftareve kolektive, u ndalua edhe falja e namazeve ditore nëpër xhami për të frenuar përhapjen e virusit Covid-19. Edhe Fitër Bajrami i sivjetmë do të jetë më ndryshe për shkak se faljen e namazit të Bajramit besimtarët nuk do të mund ta bëjnë në xhami.

Fehmi Mehmeti, kryetar i Këshillit të Bashkësisë Islame në Ferizaj, tha se kanë shpresuar që të paktën namazin e ditëve të fundit të muajit të Ramazanit të mund t’i falin në xhami, por kjo nuk u bë e mundur.

“Ne si Bashkësi Islame kemi pasur shumë shpresë se bile ditët e fundit të Ramazanit dhe të Fitër Bajramit xhamitë do të jenë të hapura, por më datën 14 të këtij muaji kryesia e Bashkësisë Islame ka pasur mbledhje ku kam qenë dhe unë dhe aty ka qenë i pranishëm edhe ministri i Shëndetësisë Arben Vitia nga i cili kemi kërkuar që të na mundësohet hapja e xhamive bile xhumanë e fundit të Ramazanit dhe për faljen e namazit të Bajramit, por ministri atë ditë na e ka komuniku që për shkak të pandemisë e cila akoma është prezente, nuk munden me dhënë leje për me u hap xhamitë”, tha Mehmeti.

Pandemia Covid-19, përveç ndalimit të aktiviteteve fetare, Bashkësisë Islame ia ka frenuar edhe të hyrat. Kryetari i KBI-së në Ferizaj thotë se imamët ende nuk i kanë marrë pagat e tyre pasi nuk janë duke u paguar antarësimet, për çka edhe kërkon nga qytetarët që t’i paguajnë ato.

”Në muajin e Ramazanit kemi shumë aktivitete, kemi pasur takime, tribuna, ligjërata, vizita kemi bërë organizime me xhemat e ndeja të ndryshme, sivjet kemi mbetur pa to, sivjet faktikisht edhe vitrat do të jenë më pak, anëtarësia është paguar shumë më pak dhe unë shfrytëzoj rastin që t’i bëj ftesë xhematit që këto ditë që kanë mbetur ta paguajnë anëtarësinë. Në Pakon Emergjente që është caktuar nga Qeveria ka qenë edhe Bashkësia Islame dhe deri sot nuk është bërë asnjë pagesë dhe imamët nuk kanë pasur mundësi më marrë rroga kur dihet se e vetmja e hyrë është anëtarësia”, tha Mehmeti.

Meqenëse namazi i Fitër Bajramit nuk do të falet në xhami dhe i cili nuk mund të falet as në shtëpi, myftiu i Kosovës Naim Tërnava ka marrë vendim që të dielën nga minaret e xhamive në të gjithë territorin e vendit të dëgjohet lutja e veçantë e festës dhe tekbire, gjatë kohës së namazit të Fitër Bajramit në ora 5:42.

Sa i përket zërave se për festën e Fitër Bajramit do të jetë orë policore, zëdhënësi i Policisë së Kosovës për Rajonin e Ferizajt Agim Gashi, tha se ende nuk kanë pranuar ndonjë vendim të tillë nga niveli qendror.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 day ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar