Arsim

Në fillim të korrikut mbahet testi i maturës

Published

4 years ago

21 May, 2020

Në javët e para të muajit korrik maturantët do t’i nënshtrohen testit të maturës shtetërore 2020.

Drejtori i Arsimit në komunën e Ferizajt Afrim Llabjani, tha se kanë marrë informacione nga Ministria e Arsimit se testi i maturës do të mbahet në fillim të muajit korrik, ndërsa sa i përket testit të arritshmërisë për klasët e 9-ta, Llabjani tha se ende nuk kanë informacione.

“Në bazë të kalendarit shkollor klasët e 12-ta dje e kanë përfunduar procesin mësimor dhe ashtu ka ndodhur. Informacionet që kemi marrë nga Ministria e Arsimit, edhe pse jo zyrtare por nga burime të ndyshme në këtë institucion, rrjedh se testi i maturës do të mbahet sepse është ligji i maturës që parasheh të mbahet testi i maturës dhe kjo sipas informacioneve që kemi marrë do të mbahet në pjesën e parë të muajit korrik”, tha Llabjani.

Llabjani tha se për shkak të pandemisë Covid-19 që obligoi mbylljen e shkollave, testi i maturës sivjet do të pësoj ndryshime.

“Këtë vit do të ndryshoj testi i maturës, nuk do të jenë 200 pyetje, por do të jenë vetëm 4 lëndë, 3 obligative dhe një mësim zgjedhor, lënda për mësimin zgjedhor akoma nuk na ka ardhur nga ministria, por gjatë këtyre ditëve ne do të jemi në kontakt me Ministrinë e Arsimit dhe do të marrim listën ta shpërndajmë nëpër shkolla. Nga informacionet që kemi testi i maturës do të përbëhet vetëm me pyetje të mbylljes së shkollave, pra deri më 11 mars kur dhe janë mbyllur shkollat për shkak të pandemisë, ndërsa nuk do të ketë pyetje nga procesi i mësimit online pasi do të mund t’u hyhet në hak atyre nxënësve që nuk kanë mundur të qasen në mësimin online”, tha Llabjani.

Sa i përket procesit mësimor që është duke u mbajtur nga distanca, Llabjani tha se janë mjaft të kënaqur me tërë këtë proces që është duke u zhvilluar.

“Javët e para kanë qenë më të vështira, por me kalimin e kohës ka shkuar duke u rritur përqindja e pjesëmarrjes së nxënësve dhe nga raportet që kemi marrë kemi parë se 94.5% kanë qenë të përfshirë në procesin arsimor 1-9, ndërsa në nivelin 10-12 kemi pasur 91% të nxënësve, një pjesë e nxënësve kanë pasur probleme me teknologji për t’u kqyr, por një pjesë tjetër edhe probleme me kyqje të internetit, prandaj ne jemi kujdesur që t’u dërgojmë teknologji dhe kryesisht jemi fokusuar tek nxënësit me nevoja të veçanta, por një pjesë e nxënësve edhe nuk kanë shprehur interesim për t’u kyqur, por megjithatë kemi arritur që t’ia dalim mirë”, tha Llabjani.

Pandemia Covid-19 ka bërë që të shtyhet edhe regjistrimi i nxënësve në klasët e para që duhej të niste nga 17 maji. Drejtori i Arsimit tha se regjistrimi i filloristëve është shtyrë për një afat të pacaktuar.

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.