Ferizaj

Hapet tregu i gjelbër në Ferizaj

Published

6 years ago

23 May, 2020

Dikush me mjete mbrojtëse e dikush pa to, të tjerë duke mos e respektuar distancën sociale u panë sot qytetarë në tregun e gjelbër në Ferizaj, i cili u hap sot pas më shumë se 2 muajve.
Si shumë të nevojshme hapjen e tregut e vlerësuan tregtarët, të cilët sot kishin dalë t’i shisnin produktet e tyre. Ata thanë se mbyllja e tregut u ka shkaktuar shumë dëme financiare.

“Sot po dalim sefte pas dy muajve, mirë është duke shkuar, por disa produkte na janë prishur, arpagjiku na është prishur, tashmë i ka kaluar koha, por çfarë të bëjmë”, tha Shefki Bytyqi.

“Dy muaj ditë kemi qenë të mbyllur, sot kemi dalë, por nuk ka shumë punë pasi është duke u frikësuar populli, por shpresojmë se do të përmirësohet dita ditës”, tha Ismet Raqi.

“Kemi shitur nga pak sa kemi mundur nga shtëpia, por tash u hap tregu besoj që do të shkoj mirë, kemi zogj të qurës, gusës dhe të fshatit, sot ka filluar shumë mirë të ketë shitje”, tha Ilmi Hajdari.

Faza e dytë e lehtësimit të masave do të përfundoj më 1 qershor, në këtë datë është planifikuar të rikthehet normaliteti nëse gjithçka shkon sipas planit të qeverisë.

Ferizaj

Gjobitet me 500 € për ndezje zjarri në Sojevë të Ferizajt

Published

12 hours ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

7 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

2 weeks ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.