Connect with us

Ferizaj

Vullnetarët largojnë 12 kamionë me mbeturina nga lumi në Kaçanik

Published

on

Më shumë se 12 kamionë me mbeturina u larguan nga lumi që përshkon qytetin e Kaçanikut.
Janë disa qytetarë të kësaj komune që vendosën të ndërmarrin këtë inciativë për ta pastruar lumin. Arben Vishi i cili është njëri ndër iniciatorët për pastrimin e lumit, tregon se si vendosën të bëjnë një gjë të tillë.

“Në kohën e Ramazanit në Kaçanik bëhet më kallaballëk dhe kemi dalë një natë me shokë aty tek shëtitorja dhe bëmë plan që ta pastrojmë, ka qenë në gjendje të mjerueshme dhe më 5 maj i kemi marrë edhe familjet tona dhe kemi nisur pastrimin, ku ishte një mesazh që edhe po kalojmë kohë me familje, por edhe po i kontribuojmë ambientit”,tha Vishi.

Vishi thotë se në fillim menduan se kishte pak punë, e që në fakt nuk u doli ashtu, madje u përballën edhe me rreziqe gjatë pastrimit, por që dëshira për ta përfunduar punën e nisur ishte shumë e madhe.


“Në fillim e kemi larguar një sasi të madhe të mbeturinave që ka qenë e padurueshme, ditën e dytë kemi bërë kositjen e barit dhe kemi vazhduar me rregullimin e ulëseve, i kemi riparuar, i kem lyer. Ne kishim në plan vetëm me kositë, por e pamë që po bëhet mirë dhe vendosëm të futemi në lumë ta pastrojmë dhe ishte vështirë pasi ka pasur gjarpërinj, minj, e insekte të ndryshme, por edhe aromë të rëndë, por u organizuam dhe e bëmë”,u shpreh Vishi.


Ky vullnetar thotë se gjithë pastrimin e lumit e bënë me kontribut të vetin dhe falë ndihmës së disa bizneseve, ndërsa tani këta iniciatorë kanë një kërkesë nga komuna.


“Ne patëm qejf edhe dritat me i rregullu, por është sistem i vjetër dhe nuk mundëm të gjenim ato abazhuret edhe pse ne i vendosëm poçat, por ato u dëmtojshin menjëherë nga shiu, kështu që ne iu kishim lutur komunës që të rregullojë ndriçimin dhe të vendosë edhe kosha të mbeturinave, pasi aty nuk ka fare dhe mund të riktheht gjendja e vjetër prap”, tha Vishi.


Vishi tha se 600 metra të lumit i kanë pastruar për më shumë se dy javë.

Continue Reading
Click to comment

Leave a Reply

Your email address will not be published. Required fields are marked *

Ferizaj

Arrestohet një zyrtar policor në Ferizaj nën dyshimin për organizim të bixhozit të paligjshëm dhe armëmbajtje pa leje

Published

on

Inspektorati Policor i Kosovës ka arrestuar të hënën një zyrtar policor nga Stacioni Policor në Ferizaj, nën dyshimin për organizim të bixhozit të paligjshëm, skema piramidale dhe armëmbajtje pa leje si dhe përdorim të armës apo mjetit të rrezikshëm.

Me aktvendim të prokurorit të dyshuarit i është caktuar masa e ndalimit për 48 orë.

Gjatë ditës së djeshme hetuesit e IPK-së kanë bastisur 7 (shtatë) lokacione ku janë sekuestruar dy armë të shkurtra, një armë e gjatë e gjuetisë, dy armë të ftohta (thika), si dhe municion i llojeve të ndryshme.

Sipas dyshimeve fillestare, polici dyshohet se gjatë vitit 2026 ishte përfshirë në organizimin e bixhozit të paligjshëm online, si dhe kishte poseduar një armë të gjatë të tipit Kallashnikov, të cilën dyshohet se ia kishte shitur një personi tjetër.

Lidhur me këtë hetim  janë intervistuar edhe gjashtë persona të tjerë, të dyshuar për veprën penale “Shitblerja e armëve”. Hetimet ndaj tyre do të vazhdojnë në procedurë të rregullt.

IPK-ja i ka rekomanduar Policisë së Kosovës suspendimin e zyrtarit, ndërsa hetimet për rastin po vazhdojnë në koordinim me Prokurorinë e Shtetit.

#

Continue Reading

Ferizaj

Gjendet personi i raportuar i zhdukur në Ferizaj

Published

on

Policia e Kosovës ka njoftuar se pas katër ditësh kërkimi është gjetur ferizajasi i raportuar i zhdukur  më 10 nëntor 2026.

Sipas njoftimit, personi i zhdukur është gjetur në Prishtinë,  në gjendje të mirë shëndetësore.

“Me datën 11.11.2026, në stacionin policor në Ferizaj është raportuar zhdukja e personit M. O.(31 vjeç), i cili, sipas familjarëve, ishte larguar nga shtëpia me datën 10.11.2026 dhe nuk ishte kthyer.

Pas katër ditësh kërkimi, më 15.11.2026, rreth orës 01:30, personi i raportuar i zhdukur është gjetur në Prishtinë, në gjendje të mirë shëndetësore dhe më pas është kthyer në shtëpi.

Për rastin është njoftuar Sektori Rajonal i Hetimeve dhe prokurori i rastit, të cilët po e trajtojnë rastin,”  thuhet mes tjerash në njoftimin e policisë.

Continue Reading

Ferizaj

Ndahet nga jeta veterani i UÇK-së, Avdi H. Ahmeti

Published

on

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

#

Continue Reading

Trending