Ferizaj

Vullnetarët largojnë 12 kamionë me mbeturina nga lumi në Kaçanik

Published

6 years ago

23 May, 2020

Më shumë se 12 kamionë me mbeturina u larguan nga lumi që përshkon qytetin e Kaçanikut.
Janë disa qytetarë të kësaj komune që vendosën të ndërmarrin këtë inciativë për ta pastruar lumin. Arben Vishi i cili është njëri ndër iniciatorët për pastrimin e lumit, tregon se si vendosën të bëjnë një gjë të tillë.

“Në kohën e Ramazanit në Kaçanik bëhet më kallaballëk dhe kemi dalë një natë me shokë aty tek shëtitorja dhe bëmë plan që ta pastrojmë, ka qenë në gjendje të mjerueshme dhe më 5 maj i kemi marrë edhe familjet tona dhe kemi nisur pastrimin, ku ishte një mesazh që edhe po kalojmë kohë me familje, por edhe po i kontribuojmë ambientit”,tha Vishi.

Vishi thotë se në fillim menduan se kishte pak punë, e që në fakt nuk u doli ashtu, madje u përballën edhe me rreziqe gjatë pastrimit, por që dëshira për ta përfunduar punën e nisur ishte shumë e madhe.

“Në fillim e kemi larguar një sasi të madhe të mbeturinave që ka qenë e padurueshme, ditën e dytë kemi bërë kositjen e barit dhe kemi vazhduar me rregullimin e ulëseve, i kemi riparuar, i kem lyer. Ne kishim në plan vetëm me kositë, por e pamë që po bëhet mirë dhe vendosëm të futemi në lumë ta pastrojmë dhe ishte vështirë pasi ka pasur gjarpërinj, minj, e insekte të ndryshme, por edhe aromë të rëndë, por u organizuam dhe e bëmë”,u shpreh Vishi.

Ky vullnetar thotë se gjithë pastrimin e lumit e bënë me kontribut të vetin dhe falë ndihmës së disa bizneseve, ndërsa tani këta iniciatorë kanë një kërkesë nga komuna.

“Ne patëm qejf edhe dritat me i rregullu, por është sistem i vjetër dhe nuk mundëm të gjenim ato abazhuret edhe pse ne i vendosëm poçat, por ato u dëmtojshin menjëherë nga shiu, kështu që ne iu kishim lutur komunës që të rregullojë ndriçimin dhe të vendosë edhe kosha të mbeturinave, pasi aty nuk ka fare dhe mund të riktheht gjendja e vjetër prap”, tha Vishi.

Vishi tha se 600 metra të lumit i kanë pastruar për më shumë se dy javë.

Ferizaj

Siguria juaj fillon me zgjedhjen e duhur të sigurimit

Published

1 day ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 day ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.