Ferizaj

Kritikohet puna e ekzekutivit gjatë vitit 2019

Published

5 years ago

29 May, 2020

Në seancën e Kuvendit Komunal të Ferizajt u paraqit raporti i punës së pushtetit lokal për vitin 2019. Kryetari i Komunës së Ferizajt Agim Aliu, duke paraqitur këtë raport tha se në vitin e kaluar bënë shumë punë në të gjithë sektorët.

“Ky raport që sot keni para vetës në të gjitha faqet që përshkon gjen vulën e suksesit, por edhe sfidën e pashmangshme të qytetit që morëm përsipër ta drejtojmë me mandatin e qytetarëve, t’ia sjellim më të mirën, më të përdorshmen, më të lehtën përditshmëri, më funksionalen e më të jetueshmen zonë ku banon”, tha Aliu.

E, në anën tjetër opozita i numëroi dështimet, keqmenaxhimet e parregullsitë të cilat ata pretenduan se janë bërë në vitin 2019 nga ekzekutivi i Ferizajt, derisa kuvendarët pozitarë thanë se performancë më të mirë nuk ka pasur asnjë administratë komunale.

“Të dhënat flasin që nga fillimet ku pasqyrohet zyra e prokurimit për të cilën ata që e njohin këtë çështje shihet që në këtë pasqyrim mungojnë disa nga projektet për të cilat u është dhënë një pompozitet e të cilat nuk gjenden as si të realizuara e as të sqaruara se pse nuk janë realizuar dhe pse kanë dështuar ato. Këtu kemi të bëjmë me projektin për vlerësimin e ofertave për digjitalizimin e arkivit dhe e cila ka pas një vlerë 200 mijë euro dhe nuk dihet ku janë ato mjete. Ka një numër të madhë të kontratave nën 1 mijë euro për të njëjtën veprimtari dhe nuk janë të paraqitura dhe nuk janë në oferta. Nuk tregohet se çka është rregulluar në objekte shkollore kur dihet se tani e kemi kompaninë ”Shtëpiaku” që merret me rregullime dhe për të njëjtat punë janë kontraktu kompani të tjera. 800 mijë euro janë për ”Caritasin” dhe janë shfrytëzu, ndërsa ne kemi informacione se punëtorët nuk janë paguar ndërsa mjetet këtu figurojnë. Nuk po flas për kontratat në vepër të cilat janë aq të mëdha, vetëm në muajin mars komuna ka angazhu punëtorë me kontrata mbi vepër”,tha Muharrem Svarqa.

“Grante, e subvencione, e përkrahje të ndryshme ka në shumë drejtori. Pra, në përgjithësi raporti i vitit 2019 paraqet një performancë të mirë të këtij ekzekutivi, performancë e cila reflektoi edhe në situatën që u gjendem në këtë vit, një administratë funksionale e përgjegjshme dhe në gatishmëri për çdo nevojë që iu paraqitet situata, pra nuk është sic po thoni ju dhe nuk po mund të besoj që si keni lexuar të njëjtat që i lexova edhe unë në këtë raport “, tha Arian Imeri nga PDK-ja

Ndërsa, kryetari i komunës Agim Aliu, tha se janë munduar të bëjnë një raport gjithpërfshirës.

“Përgjigjet për çështjen e raportit të punës që moti i ka dhënë Nasradini me punën e shtëpisë, ne jemi munduar me kopju Aristotelin me hy kah mesi dhe me bë këtë që e kemi bërë, nuk janë përfshirë të gjitha punët më të mira, nuk është përfshirë edhe ndonjë dështim, por jemi munduar me bë më të mirën, ne kemi bërë shumë punë të mira dhe nuk i kemi futur”, tha Aliu.

Përveç raportit të punës për vitin 2019, në seancën e sotme u raportua edhe për punën e ekzekutivit për muajin janar-mars 2020, si dhe me shumicë votash u miratua porpozim vendimi për shpalljen e interesit të përgjithshëm të një pjese të një ngastre kadastrale në Talinoc të Muhaxherëve që do të shërbej për ndërtimin e shkollës fillore për këtë fshat.

Ferizaj

Javën e kaluar u raportuan 56 aksidente trafiku në rajonin e Ferizajt

Published

1 day ago

16 June, 2025

Redaksia

Policia në rajonin e Ferizajt ka njoftuar se javën e kaluar ka shqiptuar 1 mijë e 347 gjoba kundërvajtëse dhe janë pezulluar 13 patentë shoferë.

Gjatë periudhës nga 09.06.2025 deri më 15.06.2025, janë shqiptuar 1,347 gjoba kundërvajtëse, si dhe janë pezulluar 13 patentë-shoferë për drejtuesit e mjeteve që kanë kryer shkelje të rënda në trafik, thuhet në njoftim.

Gjithashtu janë raportuar 56 aksidente trafiku, në një prej tyre në person ka vdekur.

– 1 aksident me fatalitet në Kaçanik, ku ka mbetur një person i vdekur

– 24 aksidente me lëndime , ku kanë mbetur të lënduar 30 persona

– 31 aksidente me dëme materiale

Ferizaj

Teatri “Adriana”reagon ndaj pengesave institucionale: “Një premierë përtej censurës”

Published

3 weeks ago

26 May, 2025

webmaster

Teatri “Adriana” ka njoftuar se premiera e shfaqjes “Fluturimi mbi teatrin e Kosovës” është shtyrë për datën 14 qershor 2025, shkaku i pengesave institucionale që trupa ka hasur gjatë përgatitjes së kësaj premiere.

Sipas deklaratës për media, gjatë përgatitjeve për premierën e kësaj shfaqjeje, të caktuar fillimisht për 7 qershor, trupa është përballur me kërkesa për ndërhyrje në tekstin e shfaqjes, mungesë të papritur të buxhetit për materiale skenike dhe pengesa të tjera që, sipas tyre, përbëjnë “një sabotim të heshtur” ndaj artit dhe lirisë krijuese.

Megjithatë, nga teatri konfirmojnë se premiera e shfaqjes “Fluturimi mbi teatrin e Kosovës”, me tekst të Jeton Nezirajt dhe regji të Agon Myftarit, do të mbahet në datën e re, edhe nëse u duhet të riciklojnë kostume dhe skenografi nga prodhime të mëparshme.

Teatri thekson se këto pengesa janë një formë e censurës indirekte ndaj lirisë krijuese, duke theksuar rëndësinë e mbrojtjes së lirive artistike dhe të shprehjes në Kosovë.

“Është paradoksale dhe shqetësuese se si disa individë marrin bajrakun e patriotizmit duke akuzuar tërthorazi artistët si antikombëtarë, dhe në emër të një lloj nacionalizmi primitiv, përpiqen të kufizojnë të drejtën krijuese — për të cilën të njëjtët kanë luftuar në vitet 1998–1999”, thuhet më tej në deklaratë, përmes së cilës, aktorët dhe regjisori i bëjnë thirrje publikut dhe komunitetit artistik të mbështesin shfaqjen dhe të qëndrojnë kundër çdo censure.

“Më 14 qershor, në skenën e Teatrit ‘Adriana’, nuk do të shfaqet vetëm një vepër. Do të shfaqet vetë qëndrimi ynë ndaj lirisë”, thuhet mes tjerash në deklaratë.

Ferizaj

Policia në Ferizaj brenda javës shqiptoi 1310 gjoba trafiku

Published

4 weeks ago

19 May, 2025

Redaksia

Policia e Ferizajt, gjatë javës së kaluar, ka shqiptuar 1 mijë e 310 gjoba trafiku, si dhe ka pezulluar 14 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe, policia ka bërë të ditur se kanë ndodhur gjithsej 36 aksidente, nga të cilat, 13 ishin me të lënduar kurse 23 aksidente të tjera ishin vetëm me dëme materiale.