Ferizaj

Renovohen tualetet në shkollat e Ferizajt

Published

6 years ago

18 June, 2020

Nyjet sanitare në shkollën fillore “Tefik Çanga” në Ferizaj kanë ndryshuar totalisht. Derisa procesi mësimor në këtë shkollë zhvillohej me shumë vështirësi për shkak të kundërmimit të tualeteve dhe rrjedhjes së ujit, këto telashe nuk do të ekzistojnë më pas ndërhyrjeve që janë bërë në këtë godinë shkollore.

Drejtori i kësaj shkolle Basri Hasani, shprehet falënderues ndaj operatorit që i ka kryer punimet në mënyrë cilësore dhe nga Drejtoria e Arsimit që ka ndërmarrë iniciativë për renovimin e shkollave në këtë komunë.

“Nyjet sanitare kanë qenë 80% jashtë funksionit, kanë rrejdhur ujërat edhe nga kanalizimi edhe nga ujësjellësi dhe tani kemi ardhë në një situatë ku është krijuar një gjendje normale për zhvillimin e procesit mësimor, nyjet sanitare tani janë në rregull dhe besoj që nuk do të kemi më vështirësi. Përkundër që është bërë përpjekje të mbahet higjiena, por herë-herë puna jonë nuk ka mundur të reflektohet pasi kur në nyjet sanitare rrjedh ujë nëpër mure e shkallë është problem, por tani jeta e nxënësve në shkollë do të jetë më e mirë”, tha Hasani.

Në Drejtorinë e Arsimit në Ferizaj, thonë se do të intervenojnë në të gjitha shkollat ku ka telashe me nyjet sanitare.

“Operatori “Shtëpiaku” është duke kryer disa punë në disa shkolla ku kryesisht është duke intervenuar në nyjet sanitare, punimet janë duke vazhduar në disa shkolla dhe do të vazhdojmë edhe në ato ku ka nevojë. Jemi të kënaqur me punën se është duke u bërë një punë profesionale dhe operatori është duke bërë një punë shumë të mirë, ka kërkesa të vazhdueshme të shkollave, por mundësitë buxhetore nganjëherë po na paraqesin telashe por shpresojmë që në të gjitha shkollat do të sanohen problemet”, tha Bashkim Bytyqi, zyrtar në Drejtorinë e Arsimit.

Njëra ndër shkollat që më së shumti ka probleme me nyjet sanitare është “Gjon Serreçi”, mirëpo pavarësisht kësaj, përfaqësues të Drejtorisë së Arsimit thanë se nuk do të intervenohet aty, meqë vitin e ardhshëm ai objekt planifikohet të rrënohet.

Ferizaj

Arrestohen katër të dyshuar për kanosjen e një personi në Ferizaj

Published

2 days ago

14 July, 2026

Redaksia

Policia Rajonale në Ferizaj ka arrestuar 4 persona në dyshimet për kanosje dhe armëmbajtje pa leje.

Në njoftim bëhet e ditur se më datën 13.07.2026, në stacionin policor në Ferizaj është paraqitur një ankues, M.B, i cili ka deklaruar se ishte kanosur nga disa persona.

Pas ndërmarrjes së veprimeve operative-hetimore nga njësitet reaguese dhe njësia e hetimeve, janë identifikuar dhe lokalizuar personat e dyshuar në një lokal në Ferizaj, ku gjatë kontrollit janë sekuestruar katër armë zjarri dhe sasi municioni.

Të dyshuarit: H.TH. ( 50 vjeç), SH.TH. (27 vjeç). E.B. ( 37 vjeç) dhe E.H. (27 vjeç), me vendim të prokurorit të shtetit janë ndaluar në mbajtje për 48 orë, ndërsa ndaj tyre janë iniciuar raste për veprat penale “Kanosja”, “Mbajtja në pronësi, kontroll ose posedim të paautorizuar të armëve dhe “Asgjësimi apo dëmtimi i pasurisë”.

Ferizaj

Brenda një jave konfiskohen 15 motoçikleta në Ferizaj

Published

3 days ago

13 July, 2026

Redaksia

Policia Rajonale e Ferizajt ka njoftuar se brenda periudhës nga 6 – 12 korrik ka shqiptuar 26 gjoba për shkelje të rregullave të trafikut dhe ka konfiskuar 15 motoçikleta.

Kjo pasi policia ka shtuar kontrollet në qarkullimin dhe drejtuesit e motoçikletave dhe skuterëve.

Shumica e gjobave janë shqiptuar për shkelje të rregullave të komunikacionit, përfshirë drejtimin e motoçikletës pa regjistrim, pa patentë shoferi ose pa helmetë mbrojtëse, si dhe kundërvajtje të tjera.

Gjatë kësaj periudhe janë konfiskuar edhe 15 motoçikleta/skuterë, kryesisht për mungesë të dokumentacionit të rregullt.

Ferizaj

Lëndohen tre policë gjatë arrestimit të sulmuesit 16 vjeç në Ferizaj

Published

6 days ago

10 July, 2026

Redaksia

Policia e Kosovës ka njoftuar se gjatë arrestimit të të miturit me inicialet P.GJ (16 vjeç), i dyshuar për therje të dy personave mëngjesin e sotëm në Ferizaj, janë lënduar tre zyrtarë policor ku njëri prej tyre është goditur me thikë në pjesën e qafës.

Sipas policisë, pas kontrollit ë banesën e të dyshuarit dhe më pas në një adresë në fshatin Greme, policia ka arritur ta lokalizojë atë.

“Me të arritur në vendngjarje, i dyshuari ka refuzuar t’u bindet urdhrave policorë, duke mbajtur një thikë në dorë, ka sulmuar zyrtarët policorë me gurë dhe mjete të forta, si dhe është vërsulur ndaj tyre me thikë.

Gjatë ndërhyrjes, nëna e tij ka penguar zyrtarët policorë në kryerjen e detyrës zyrtare.

Në një moment, i dyshuari ka marrë një shishe me benzinë dhe ia ka hedhur vetes mbi trup, duke vazhduar t’i kërcënojë policët me thikë dhe duke mos lejuar afrimin e tyre.

Gjatë përpjekjeve për vënien e tij nën kontroll, tre zyrtarë policorë kanë pësuar lëndime, ndërsa njëri prej tyre është goditur me thikë në pjesën e qafës.

Pas ndërhyrjes policore, i dyshuari me inicialet P.GJ (16 vjeç) është vënë nën kontroll dhe është arrestuar së bashku me nënën e tij D.GJ (47 vjeçe).

Gjithashtu është sekuestruar edhe thika, e cila dyshohet se është përdorur në sulmin ndaj qytetarëve”, ka njoftuar policia.

Në përditësimin e fundit, thuhet se në sulmin që ndodhi rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, mbetën të plagosur dy qytetarë, të cilët u dërguan për trajtim mjekësor në Spitalin e Ferizajt.

Njëri nga të plagosurit, I.M. 81 vjeç, ishte therur në fytyrë dhe në gjymtyrë, ndërsa i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor është liruar për në shtëpi.

Në njoftimin e Prokurorisë në Ferizaj, i dyshuari me vendim të Prokurorit të Shtetit është ndaluar në kohëzgjatje prej 24-orësh, për shkak të dyshimit se i njëjti ka kryer veprat penale “Sulmi ndaj personit zyrtar” dhe “Vrasja në tentativë”.