Ferizaj

6 raste aktive me COVID-19 në Ferizaj

Published

6 years ago

22 June, 2020

6 raste me koronavirus vazhdojnë të jenë aktive në komunën e Ferizajt. Sipas Qendrës Rajonale të Shëndetit Publik në Ferizaj, këto raste janë në vetizolim.

Drejtoresha e kësaj qendre Sevdije Mehmeti, thotë se në Ferizaj gjendja është nën kontroll, por kjo mund të ndryshojë bazuar në rritjen numrit të rasteve në javën e fundit në nivel vendi, andaj qytetarët e kësaj komune nuk duhet të ndjehen komod.

“Me lirimin e masave ka filluar shtimi i numrit të rasteve, kjo ka qenë e pritshme, por jo në këtë masë, qytetarët e kanë marrë si diçka që nuk është rrezik, përkundrazi tek tash është rreziku i madh, virusi po përhapet me të madhe tani, prandaj duhet t’iu përmbahemi masave, bartja e maskave patjetër, respektimi i distancës fizke, larja e duarve, mbajta e higjienës në ambiente të punës. Sinqerisht unë jam e pakënaqur shumë me situatën akutale dhe me sjelljen relaksuese të popullatës, kështu ne jemi duke rrezikuar shumë dhe jemi duke parë që kohën e fundit ka numër të kufizuar të testimeve për shkak se nuk ka teste të mjaftueshme e po ashtu edhe staf“, tha Mehmeti.

Mehmeti tha se nëse qytetarët nuk iu përmbahen rekomandimeve të autoriteteve të shëndetësisë, situata do të dalë jashtë kontrollit.

“Në bazë të rekomandimeve më të reja të Ministrisë së Shëndetësisë dhe Institutit të Shëndetit Publik testimet do të bëhen vetëm për personat me simptoma dhe atë vetëm pas vizitës së infektologut, personat e tjerë qofshin persona kontakti të drejtpërdrejtë ose të kontakteve janë të obliguar të qëndrojnë në vetizolim.Tash për tash ka mjaftueshëm kapacitete, por nëse vazhdon të shtohet numri i rasteve nuk kemi me arritë me i mbulu të gjitha, nëse vazhdon kështu është shqetësuese shumë dhe vetëm na mbetet të shpresojmë që nuk do të ketë shtim të numrit të rasteve gjithherë duke shpresuar tek qytetarët që do t’u përmbahen rekomandimeve tona”, tha Mehmeti.

Nga 1 qershori e deri dje në Kosovë janë konfirmuar 1086 raste me koronavirus, duke bërë kështu që numri i të infektuarve përgjatë këtij muaji të jetë më i lartë sesa numri i të infektuarve që nga 13 marsi deri më 31 maj, kur ishin shënuar 1083 raste.

Duke parë këtë situatë, gjatë ditës së sotme Shtabi Emergjent i komunës së Ferizajt ka marrë vendim që të mos ofrohen shërbime për qytetarët që nuk janë të pajisur me masa mbrojtëse në të gjitha institucionet që janë në vartësi të komunës, po ashtu ka marrë vendim që të reduktoj esencialisht stafin punonjës të komunës, si dhe të shtojë inspektimet në lokalet afariste, veprimtaritë biznesore për zbatimin e masave mbrojtëse dhe manualin për mbrojtje nga COVID-19 i dalë nga Qeveria e Republikës së Kosovës.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 day ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar