Ferizaj

Të rinjtë mbjellin lule e drunj dekorativ në Kompleksin e Varrezave të Dëshmorëve

Published

5 years ago

24 June, 2020

62 lule, 7 drunj dekorativ dhe 1 dru ulliri u mbollën sot në Kompleksin e Varrezave të Dëshmorëve në Ferizaj.
Kjo iniciativë erdhi nga Sektori i të Rinjve të Ferizajt, të cilët treguan se çka simbolizojnë ato që i mbollën sot.

“62 lulet e ndryshme simbolizojnë 62 dëshmorët e kombit tonë, kurse 7 drunjtë simblizojnë 7 zonat operative të UÇK-së , kurse ulliri është amaneti i Skënderbeut i cili ka thënë që çdo shtëpi ta ketë një ulli sepse ulliri është një bimë shumë e fortë me jetëgjatësi 5 mijë vjet, prandaj kemi vendos me mbjellë këtu që ne t’i përkujtojmë gjithmonë dëshmorët e kombit tonë”, tha Alda Haxhisalihu.

Ky veprim i të rinjve ferizajas u mirëprit nga përfaqësues të familjeve të dëshmorëve në këtë qytet.

“Është një thënie e vjetër, ” Sa është i kulturuar një popull varet se çfarë qasje ka për varrezat”, kështu Ferizaj është shembull për trajtim, kujdes, mirëmbajtje të varrezave të dëshmorëve. Unë si babë i dëshmorit dhe kryetar i shoqatës me 62 dëshmorë këtu të varrosur, ky kujdes më emocionon shumë”, tha Gafurr Bytyq, kryetar i Shoqatës së Familjeve të Dëshmorëve në Ferizaj.

Ngjashëm shprehet edhe veterani Nexhat Shahini, i cili është sekretar i Organizatës së Veteranëve të luftës së UÇK-së në Ferizaj.

“Sa herë kur vijë këtu dhe shoh aktivitete të ngjashme si ky i sotmi më ngjallen emocione të veçanta pasi që edhe tek trashëgimtarët tonë po mbjellet një dashuri për ata që bënë dhe dhanë jetën për liri. Sado që ky aktivitet është i vogël e ka vlerën e vet për shkak se vihet në konsideratë moslënia anash e këtyre varrezave, pasi që vërtet duhet të konsiderohet një vend i shenjtë, unë i përgëzoj të rinjtë që kanë marrë këtë iniciativë duke i mbjellur drunjtë e lulet, por edhe ullirin që urojmë ta ketë fatin të qëndrojë, pasi simbolizon jetën”, tha Shahini.

Përveç kësaj, këta të rinj u përkujdesën edhe për pastrimin e hapësirës së Kompleksit të Varrezave të Dëshmorëve.

Ferizaj

Policia e Ferizajt pezullon 20 patentë shoferë brenda një jave

Published

8 hours ago

14 July, 2025

Redaksia

Policia Rajonale e Ferizajt ka njoftuar se gjatë javës së kaluar, nga data 07-13.07.2025, janë shqiptuar 1,681 gjoba kundërvajtëse, si dhe janë pezulluar 20 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe janë regjistruar gjithsej 40 aksidente, nga të cilat 22 aksidente me lëndime, ku kanë mbetur të lënduar 29 persona kurse 18 aksidente ishin vetëm me dëme materiale

Policia Rajonale e Ferizajt bëri të ditur do të vazhdojë me aktivitete të shtuara për të parandaluar aksidentet derisa ka apeluar tek të gjithë drejtuesit e automjeteve që të respektojnë rregullat e trafikut.

Ferizaj

Zbulohen pesë emigrantë në një kamion në Terminalin Doganor në Ferizaj

Published

2 days ago

12 July, 2025

Redaksia

Policia e Kosovës ka gjetur 5 emigrantë të paligjshëm në një rimorkio kamioni në Terminalin Doganor në Ferizaj.

Sipas policisë, tre nga emigrantët e zbuluar janë të moshës 17 vjeç, një 18 vjeç dhe një 28 vjeç.

“Sot, më datë 11.07.2025, rreth orës 16:00, policia ka pranuar një informatë se në Terminalin Doganor, në rrugën “Driton Islami” në Ferizaj, në një rimorkio të një kamioni me targa vendore, sipas zyrtarëve doganorë, dyshohej se ndodheshin disa emigrantë të paligjshëm.

Menjëherë pas pranimit të informacionit, në vendngjarje kanë dalë njësitë reaguese dhe Njësia e Hetimeve nga stacioni policor në Ferizaj. Pas hapjes së bllokadave të rimorkios, janë hasur pesë emigrantë: tre prej tyre 17 vjeç, një 18 vjeç dhe një 28 vjeç, të cilët nuk posedonin dokumentacion identifikues.

Lidhur me rastin janë njoftuar prokurori kujdestar dhe njësia për migrim, të cilët kanë dalë në vendin e ngjarjes dhe kanë marrë në trajtim të mëtejshëm të dyshuarit, si dhe drejtuesin e kamionit, shtetasin kosovar B.B., 38 vjeç.” thuhet në njoftimin e policisë.

Ferizaj

Ndëshkohet me 300€ gjobë dhe 6 muaj ndalesë për tejkalim të shpejtësisë në Ferizaj

Published

3 days ago

11 July, 2025

Redaksia

Një shofer 22-vjeçar është kapur nga policia në Ferizaj duke qarkulluar me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, shoferi E.S është gjobitur me 300 euro, 3 pikë negative dhe ndalim i drejtimit të mjetit për 6 muaj

“Sot, më datë 11.07.2025, rreth orës 09:35, njësia policore nga Njësia e Komunikacionit Rrugor në Ferizaj, gjatë kontrollit me radar në rrugën “Brahim Ademi” në Ferizaj, ka ndaluar një automjet të tipit VW Touran me targa vendore. Gjatë matjes së shpejtësisë, është konstatuar se shoferi E.S., 22 vjeç, po qarkullonte me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, ndaj tij janë shqiptuar këto masa:

Gjobë në vlerë prej 300€,

3 pikë negative dhe masë mbrojtëse – ndalim i drejtimit të mjetit për 6 muaj.”