Ferizaj

Përmes rregullores synohet dhënia e parcelave komunale për ndërtim

Published

6 years ago

25 June, 2020

Para anëtarëve të Komitetit për Politikë dhe Financa, ekzekutivi ferizajas prezantoi propozim-vendimin për vënien në diskutim publik të rregullores për dhënien e tokës së komunës për ndërtim dhe përdorimin e bonusit. Drejtori i Urbanizmit në Ferizaj Lulzim Aliu, tregoi se çka parasheh ky dokument.

“Shumica e qyteteve të Kosovës kanë problem me pronën e komunës e cila është e paraparë për ndërtim sipas dokumentit të planifikimit për të cilat nuk ekziston procedurë qysh me procesu komuna për atë pronë. Ka parcela në zonën urbane që për shkak të zhvillimit të parcelave të tjera parcela e komunës zhvlerësohet, ka raste kur rreth parcelës së komunës ka ndërtime të larta dhe nëse ne nuk ia japim për ndërtim investitorëve privat ajo zhvlerësohet dhe në vend se me u ndërtu një objekt dhe me përfitu komuna, madje edhe disa banesa, mundet me u zhvlerësu prona komunale. Unë gjatë këtyre 2 viteve jam mundu me gjetë zgjidhje, por s’kemi pas përgjigje nga niveli qendror qysh me bë këtë punë. Ka ndërtesa në Ferizaj që janë të vjetëruara shumë dhe ne nuk kemi mundur me dhënë kushte qysh me procesu, banorët kanë propozu me rrënu ndërtesën, por ne nuk kemi mundur me bë asgjë, kështu që me këtë rregullore që unë e kam propozu do të zgjidhet kjo çështje, plus komuna ka të drejtë fitimi”, tha Lulzim Aliu.

Xhavit Zariqi nga AAK-ja, u interesua nëse kjo rregullore është në harmoni me ligjin, ndërsa anëtarët e tjerë të këtij komiteti kërkuan që në seancën e Kuvendit të jepen më shumë sqarime rreth kësaj rregulloreje.

“Drejtori ishte i qartë për këtë rregullore, për të sqaruar mundësitë e funksionimit sa më të mirë të shfrytëzimit të pronës komunale, por ajo që do të doja të dija unë është se a je konsultu me ligjin, a të lejohet me ligj me bë këso pazare sikur me qenë person fizik komuna e jo person juridik? Me sa e di unë nëse nuk kanë ndryshu ligjet komuna nuk ka të drejtë me bë këso kombinimi, pos me dhënë në shfrytëzim ose kur bëhet ndonjë ndërrim prone për interes të përgjithshëm, përndryshe nuk e besoj që komuna e ka këtë të drejtë me bë këso kombinime “, tha Zariqi.

“Fatkeqësisht, nëpër ministri janë njerëz nëpër pozita që nuk dinë të japin përgjigje për shumë telashe që kanë komunat. Unë e kam zgjedhur këtë rrugë Xhavit me shpresën se ata kanë me kuptu bazën ligjore që unë jam bazu, baza kryesore e kësaj rregulloreje është ligji për dhënien në shfrytëzim dhe këmbim të pronës, komuna ka të drejtë me këmby dhe këmben vetëm atëherë kur bëhet vlerësimi i pronës nga niveli i qeverisë, bazë e kësaj është kjo, e vlerëson tokën, pasurinë, që ka me e ndërru, në këtë rast atë që e jep investitori dhe përfitimi i komunës është mbi këtë vlerë, këtë model nuk e ka në Kosovë askush dhe unë tash ka me bë luftë me qeveri që me pranu, sepse nuk ka asgjë jashtë ligjores”, tha Aliu.

Anëtarët e KPF-së ia proceduan Kuvendit edhe disa pika të tjera, si propozim-vendimin në parim të Draft Kornizës Afatmesme Buxhetore për vitin 2021-2023, propozimin për aprovimin e statutit të Galerisë së Arteve “Ismet Rama” në Ferizaj, propozim-vendim për ndarjen e një pjese të parcelës komunale në Prelez të Muhaxherëve për ndërtimin e objektit të qendrës mjëkësore në këtë fshat, si dhe propozim-vendim për shpallje të interesit të përgjithshëm të objektit “Pompë e derivateve Jugo Petrol” e cila gjendet përballë ”Plus Marketit”, si dhe disa propozime të tjera.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar