Ferizaj

Në Spitalin e Ferizajt nuk ka më vende për pacientë me koronavirus

Published

6 years ago

07 July, 2020

14 persona të prekur me koronavirus janë duke u trajtuar në Spitalin Rajonal të Ferizajt, shumica prej të cilëve kanë nevojë për oksigjeno-terapi.

Drejtori i Spitalit të Ferizajt Jeton Zeqiri, thotë se gjendja shëndetësore e tyre për momentin është stabile, mirëpo thekson se në këtë spital në vazhdimësi është duke u rritur numri i personave që po kërkojnë ndihmë për oksigjeno-terapi.

“14 pacientë janë të hospitalizuar, ndërsa 8 pacientë kanë nevojë për suport të vazhdueshëm të oksigjenit, një rast e kemi pasur në gjendje kritike që e kemi transferu në Mjekësinë Sportive në QKUK, ndërsa pacientët e tjerë kërkojnë suport oksigjeni në mënyrë kontinuele, por kërkesat e mëdha janë nga qytetarët për hospitalizim dhe ne jemi duke bërë seleksionimin e prioriteteve duke krijuar hapësira dhe duke u munduar ta kontrollojmë situatën. Simptomat kryesore që pacientët po kërkojnë me u hospitalizu është frymëzënia dhe pacientët po kanë nevojë për suport me oksigjen dhe kjo është problematika e parë që i shtyen ata me u drejtu në spital dhe në bazë të pacientëve që po frekuentojnë tek ne agresiviteti i virusit është duke dalë në pah”, tha Zeqiri.

Zeqiri thotë se nuk kanë më vende të lira për të pranuar raste të reja në Spitalin e Ferizajt, prandaj duke e parë këtë situatë, ai tha se gjatë kësaj jave do ta funksionalizojnë objektin e ri të Institutit Kombëtar të Shëndetit Publik në Ferizaj.

“Nga dita e djeshme e kemi hapur edhe Repartin e Internos dhe për momentin nuk kemi asnjë vend të lirë, jemi duke e shikuar një riorganizim për krijimin e vendeve të reja për hospitalizim, ndërsa sa i përket planit që kemi filluar me realizu është funksionalizimi i objektit të ri të ISHPK-së me një kapacitet prej 40 shtretër dhe sot ka filluar ekipa për pastrimin e objektit dhe në këtë javë do të fillojmë me urgjencë ta funksionalizojmë këtë hapësirë pasi çdo ditë është duke u rritur numri“, tha Zeqiri.

Zeqiri apelon tek qytetarët që t’i respektojnë masat e ndërmarra, pasi situata është duke u përshkallëzuar dhe se nuk munden që të gjithë pacientëve t’iu ofrojnë oksigjeno-terapi.

“Të jemi vigjilent pasi mundësitë për oksigjen janë të kufizuara, nuk kemi mundësi që të suportojmë me oksigjen numër të madh të pacientëve, prandaj e vetmja mënyrë është të respektojmë masat. Maska, higjiena, distanca janë shumë me rëndësi për të frenuar situatën”, tha Zeqiri.

Nga rezultatet e publikuara mbrëmë nga IKSHPK-ja, në Ferizaj janë konfirmuar edhe 17 raste të reja pozitive me koronavirus, duke e çuar kështu numrin e rasteve aktive në Ferizaj në 116.

Ferizaj

Ndahet nga jeta veterani i UÇK-së, Avdi H. Ahmeti

Published

22 hours ago

03 November, 2026

Redaksia

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.