Ferizaj

Anulimi i dasmave dëmton bizneset

Published

6 years ago

10 July, 2020

Përveç pushimeve vera për kosovarët paraqet edhe kohë dasmash. Por, pandemia globale i ka ndryshuar gjërat. Grumbullimi i shumë njerëzve në një vend, është rreziku kryesor i pandemisë dhe duke parë që dasmat paraqesin rrezik të madh shumë kosovarë i kanë anuluar ato e disa të tjerë i kanë shtyer për vitin e ardhshëm.

Anulimi i dasmave po dëmton një rrjet të gjerë të bizneseve që lidhen me to.

Leunora Krasniqi, pronare e dyqanit të veshjeve të nusërisë, thotë se anulimi i dasmave i ka shkaktuar shumë humbje financiare.

“Sa i përket vitit 2020 është katastrofë, tani edhe ora policore, kemi humbje, me të vërtet është tmerr, nga shteti, komuna nuk kemi absolutisht fare ndihmë. Kemi bërë investime të shumta, ne zakonisht e presim korrikun dhe gushtin dhe tani anulimi i dasmave shumë shumë na ka bërë dëme”, tha Krasniqi.

Për shkak të mosorganizimit të dasmave, në prag të falimentimit është edhe Arben Ramdani, pronar i dyqanit të këpucëve.

“Sivjet është tepër dobët, viteve të tjera ka qenë qyteti më i frekuentuar, ka pasur dasma, ndërsa sivjet dasma nuk ka, mërgimtarë jo dhe ne tani jemi thuajse në buzë të falimentimit. Nuk kemi pasur as maturantë, tani as dasma, pasi në një dasmë janë 300 veta, mund të blejnë 100 prej tyre, tani nuk ka fare, me të vërtet jemi duke shkuar vetëm teposhtë” ,tha Ramadani.

Qytetarët kanë anuluar edhe pushimet. Në kompaninë turistike “Sharr Turist” në Ferizaj, thonë se pas shfaqjes së pandemisë mbi 60% e rezervimeve janë anuluar.

“Me krahasu me vitin e kaluar kemi shumë humbje të mëdha, ne për rezervime zakonisht për Antalya kemi filluar prej muajit janar dhe shkurt ku kemi pasur shumë kërkesa për rezervime, por pas pandemisë ka pasur shumë kërkesa për anulim e shtyerje, kryesisht arsyet e anulimit të rezervimeve nga ana e qytetarëve ishin që nuk po guxojnë me udhëtu për shkak të pandemisë”, tha Besart Shabani.

Në fillim të këtij muaji, Qeveria e Kosovës ka marr vendim që të ndalohen tubimet me më shumë se 50 persona.

Ferizaj

Gjykata në Ferizaj cakton 1 muaj paraburgim dy zyrtarëve të dyshuar për ryshfet

Published

3 days ago

27 February, 2026

Redaksia

Gjykata Themelore në Ferizaj caktuar masën e paraburgimit në kohëzgjatje prej 1 muaji për dy zyrtarët e KEDS-it të cilët dyshohen për ryshfet.

Kjo pasi, gjyqtari i procedurës paraprake ka pranuar kërkesën e Prokurorisë themelore të Ferizajt për caktimin e masës së paraburgimit ndaj të pandehurve B.B dhe E.K. të cilët janë kapur dhe arrestuar në flagrancë nga ana e Policisë së Kosovës, për pranim të ryshfetit.

Në njoftimin e Gjykatës Themelore të Ferizajt mes tjerash bëhet e ditur se të arrestuarit dyshohen për veprën penale pranimi i ryshfetit në sektorin privat nga neni 309 paragrafi 1 lidhur me nenin 31 të Kodit Penal të Republikës së Kosovës.

“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake në Departamentin e Përgjithshëm – Divizioni Penal, Dardan Maloku, ka vlerësuar se ekziston dyshimi i bazuar, se më datë 25.02.2026 në Ferizaj, përkatësisht në KEDS, i pandehuri B.B., në cilësinë e koordinatorit të njësisë së kontrollit në Departamentin për humbje të energjisë elektrike, dhe i pandehuri E.K. në cilësinë e ushtruesit të detyrës së koordinatorit për lidhje të reja, gjatë ushtrimit të detyrave të tyre lidhur me ofrimin e shërbimeve ndaj konsumatorëve, në mënyrë të drejtpërdrejte i kanë kërkuar shumën prej katërqind (400.00) € të dëmtuarit A.H., me arsyetimin se njësori elektrik do t`i vendoset brenda një jave në lokalin e tij, në të kundërtën do të duhet të pres pesë deri në gjashtë muaj për vendosjen e njësorit elektrik, si dhe këtë shumë të hollash do të ndanin ndërmjet katër personave, me ç`rast pas zbatimit të masave të veçanta hetimore, të njëjtit janë kapur dhe arrestuar në flagrancë nga ana e Policisë së Kosovës”, thuhet mes tjerash në njoftimin e Gjykatës.

Ferizaj

Arrestohet një person për kanosje me thikë

Published

7 days ago

23 February, 2026

Redaksia

Policia në Ferizaj ka arrestuar një person të dyshuar për tentim të sulmit me thikë.

Në raportin 24 orësh të policisë bëhet e ditur se ngjarja ndodhi të dielën rreth orës 10:10.

“ Është arrestuar i dyshuari mashkull kosovar, pasi që i njëjti pas një mosmarrëveshje kishte tentuar ti sulmoj dy viktimat një mashkull dhe një femër kosovare.

Nga i dyshuari është sekuestruar mjeti i mprehtë thikë. Me vendim të prokurorit kujdestar i dyshuari ndalohet në qendrën e mbajtjes” ka njoftuar policia.

Ferizaj

Hapet restoranti “ODA Grill House” në Pleshinë të Ferizajt

Published

2 weeks ago

13 February, 2026

webmaster

Në Pleshinë të Ferizajt ka hapur dyert restoranti “ODA Grill House”, një hapësirë e re gastronomike që sjell kombinimin e ushqimit tradicional me një ambient të ngrohtë dhe unik për vizitorët.

“ODA Grill House” ofron menu me specialitete tradicionale, duke synuar të krijojë një përvojë të veçantë për familjet, miqtë dhe të gjithë ata që preferojnë kuzhinën vendore.

Ambienti i brendshëm i restorantit është dizajnuar në mënyrë funksionale dhe komode, duke e bërë të përshtatshëm si për manifestime familjare ashtu edhe për takime shoqërore.

Lokacioni i restorantit “ODA Grill House” është në fshatin Pleshinë, 5 km larg Ferizajt.

*Artikull i sponsorizuar