Ferizaj

Rritet numri i pacientëve që kërkojnë hospitalizim në Ferizaj

Published

6 years ago

13 July, 2020

16 pacientë të grupmoshave të ndryshme janë duke u trajtuar me oksigjeno-terapi në Spitalin Rajonal të Ferizajt, dy prej të cilëve janë në gjendje kritike.

Drejtori i Spitalit të Përgjithshëm në Ferizaj Jeton Zeqiri, tha se vetëm në 24 orët e fundit mbi 40 qytetarë kanë kërkuar trajtim mjekësor në këtë spital, si të dyshuar me Covid-19.

“Diku mbi 16 pacientë tashmë janë duke u trajtuar me oksigjeno-terapi, dy prej tyre janë në gjendje pak më kritike. Çdo pacient i cili përmirësohet dhe nuk ka nevojë për oksigjen dhe mund të trajtohet në shtëpi ne automatikisht e lirojmë. Ne vetëm në ditën e djeshme i kemi pasur 42 vizita që kanë ndryshime në rentgen dhe në analiza laboratorike dhe të cilët kërkojnë të trajtohen në spital, të gjithë janë të dyshuar, nuk janë të konfirmuar, pasi numri i testeve është shumë i vogël dhe rezultatet janë diku 3-4 ditë duke u vonuar për konfirmim, prandaj ne bëjmë apel tek qytetarët që të na ndihmojnë pasi kapacitetet tona sa po vijnë duke u shterrur, ndërsa vigjilenca dhe përkujdesi duhet të rritet pasi nëse nuk e frenojmë zingjirin infektues do të hymë në hallkën e problematikës serioze në trajtimin e aspektit të mirëfilltë”,tha Zeqiri.

Zeqiri thotë se në Spitalin e Ferizajt janë vetëm 30 shtretër për pacientët me koronavirus.

“Kapacitetet për shtretër janë duke u zvogëluar për arsye se është duke u rritur në vazhdimësi numri i rasteve që po kërkojnë trajtim spitalor, ndërsa ne përafërsisht diku 28-30 vende i kemi për mundësinë e trajtimin, që do të thotë se është një gjendje shumë serioze, vazhdimisht po rritet numri i të hospitalizuarve, ne sapo morëm vendim të radhës për krijimin e hapësirave të reja, nga nesër qytetarët trajtimin e rasteve emërgjente do të marrin në qendrën e emërgjencës primare, ndërsa në vendin ku është emërgjenca jonë do të trajtojmë rastet me Covid-19, tani komplet kati i parë i spitalit është duke u marrë me trajtimin e rasteve me Covid-19”, tha Zeqiri.

Qeveria e Kosovës ka paralajmëruar masa më rigoroze për parandalimin e përhapjes e koronavirusit. Në Policinë Rajonale të Ferizajt, thonë se kanë shtuar numrin e policëve në terren, të cilët do t’ua tërheqin vërejtjen qytetarëve që nuk i respektojnë masat, ndërsa ditëve në vijim do të nisë edhe shqiptimi i gjobave ndëshkuese për qytetarët të cilët nuk mbajnë maska dhe nuk i zbatojnë rekomandimet e IKSHPK-së.

“Jemi duke i zbatuar planet operative që i kemi pranuar nga drejtoria e përgjithshme, kemi lëshuar policë në terren në një numër më të madh dhe në bashkëpunim me inspektorët komunal jemi duke vepruar, prandaj ne u bëjmë apel qytetarëve të Ferizajt që të respektojnë masat në mënyrë që të ruajnë shëndetin e tyre, të familjes dhe të gjithë qytetarëve, ne jemi duke i pritur edhe vendimet shtesë të Qeverisë që janë diskutuar gjatë ditës së djeshme dhe ne do t’i zbatojmë të gjitha rekomandimet që dalin nga Qeveria”, tha major Mehmetali Hajdini.

Komuna e Ferizajt renditet ndër komunat me numrin më të madh të rasteve aktive me koronavirus, me gjithsej 215 raste.

Ferizaj

Nënshkruhet kontrata 24 milionëshe për Spitalin e Ferizajt

Published

21 hours ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

5 days ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim

Ferizaj

Siguria juaj fillon me zgjedhjen e duhur të sigurimit

Published

5 days ago

13 March, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG