Ferizaj

I infektuari me Covid-19 ankohet se institucionet nuk po i dalin në ndihmë

Published

6 years ago

21 July, 2020

Naman Breznica nga fshati Surqinë i komunës së Ferizajt, i infektuar me koronavirus, është ankuar se institucionet lokale nuk po i dalin në ndihmë, edhe pse është detyruar të mbyllet në shtëpi që nga 27 qershori. Ai thotë se për shkak të ndërprerjes së punës, 4 fëmijët e tij kanë mbetur pa ushqim, ku më i vogli 6 muajsh, nuk ka as qumësht për të pirë.

Familja Breznica është e detyruar të qëndrojë në izolim deri në fillimjavën e ardhshme, mirëpo sipas kryefamiljarit, nëse vazhdon kjo gjendje ai do të jetë i obliguar të dalë nga shtëpia për të mbajtur gjallë familjen 6 anëtarëshe.

Në lidhje me rastin e familjes Breznica, Albion Sherifi, zëdhënës në komunën e Ferizajt dhe njëkohësisht anëtar i shtabit emergjent, përmes telefonit deklaroi se institucionet komunale i kanë koordinuar ndihmat për këtë familje përmes kryesisë së fshatit Surqinë dhe së në disa raste kjo familje ka marrë ndihma nga kryesia e këtij fshati.

Në komunën e Ferizajt për momentin janë 192 raste aktive me Covid-19.

Ferizaj

Hapet restoranti “ODA Grill House” në Pleshinë të Ferizajt

Published

23 hours ago

13 February, 2026

webmaster

Në Pleshinë të Ferizajt ka hapur dyert restoranti “ODA Grill House”, një hapësirë e re gastronomike që sjell kombinimin e ushqimit tradicional me një ambient të ngrohtë dhe unik për vizitorët.

“ODA Grill House” ofron menu me specialitete tradicionale, duke synuar të krijojë një përvojë të veçantë për familjet, miqtë dhe të gjithë ata që preferojnë kuzhinën vendore.

Ambienti i brendshëm i restorantit është dizajnuar në mënyrë funksionale dhe komode, duke e bërë të përshtatshëm si për manifestime familjare ashtu edhe për takime shoqërore.

Lokacioni i restorantit “ODA Grill House” është në fshatin Pleshinë, 5 km larg Ferizajt.

*Artikull i sponsorizuar

Ferizaj

Arrestohet i dyshuari që sulmoi dhe lëndoi rëndë një person tjetër

Published

4 days ago

10 February, 2026

Redaksia

Policia e Ferizajt ka arrestuar një person, të dyshuar për përfshirje në veprën penale “Lëndim i rëndë trupor”.

Në raportin e policisë bëhet e ditur se rasti ndodhi të hënën mbrëma, 09.02.2026, rreth orës 22:30

“Është arrestuar i dyshuari mashkull kosovar pasi që i njëjti pas një mosmarrëveshje dyshohet se kishte sulmuar viktimën mashkull kosovar. Viktima është dërguar për tretman mjekësor në QKUK, ndërsa i dyshuari pas intervistimit me vendim të prokurorit është dërguar në mbajtje.”

Ferizaj

Arrestohet një person në Ferizaj, i sekuestrohen drogë, para dhe armë

Published

4 days ago

10 February, 2026

Redaksia

Një person është arrestuar në Ferizaj nën dyshimin për veprat penale “Posedim i narkotikëve” dhe “Posedim i paautorizuar i armës”.

Në raportin 24 orësh, policia tha se gjatë kontrollit të të dyshuarit, janë gjetur dhe sekuestruar dy qese me peshë 1.75 gram kokainë, një epruvetë me kokainë me peshë rreth 10.68 gram si dhe 6155 euro para të gatshme.

“Në konsultim me prokurorin është bërë kontrolli ne zyrën si dhe në shtëpinë e tij ku gjatë kontrollit janë gjetur dhe sekuestruar: një qese me substancë të dyshuar narkotike të llojit kokainë me peshë rreth 19.10 gram, një revole me një karikator dhe katër fishekë, një veturë, gjashtë telefona celular, para në prerje letre rreth 7535 euro dhe 20 durham, një sprej si dhe dy fletore me shënime”, thuhet mes tjerash në raport..

Me vendim të prokurorit pas intervistimit i dyshuari është dërguar në mbajtje.