Ferizaj

Spitali i Ferizajt pajiset me dy respiratorë dhe një autoambulancë

Published

6 years ago

06 August, 2020

Ministri i Shëndetësisë Armend Zemaj, ka vizituar sot spitalin e Ferizajt për të parë nga afër gjendjen në këtë institucion. Gjatë vizitës ai është informuar nga menaxhmenti i këtij institucioni për kapacitetet e spitalit lidhur me trajtimin e koronavirusit dhe menaxhimin që është duke u bërë me pandeminë.

Zemaj tha se kanë sjellë donacion për spitalin, duke njoftuar se do të shtojnë edhe numrin e mjekëve dhe infermierëve në spitalin e Ferizajt, por edhe në Qendrën Kryesore të Mjekësisë Familjare.

“Ne dje në komunën e Ferizajt kemi sjellë një donacion të konsiderueshëm të masave dhe mjeteve mbrojtëse, sot kemi sjellë edhe një autoambulancë e cila na është dhënë donacion nga Komisioni Evropian, njëherit me rastin e ofrimit të decentralizimit të kapaciteteve tona në ofrim për Covid-19 kemi sjellë edhe dy respiratorë, ndërsa do të ofrojmë edhe një program të ngritjes së kapaciteteve humane edhe për punësimin e specialistëve të papunë, ku një pjesë e konsiderueshme e këtyre nevojave duhet ta mbulojnë edhe spitalin rajonal të Ferizajt”,tha Zemaj.

Sa i përket ankesave të qytetarëve për moskryerjen e testeve për koronavirus përkundër paraqitjes së simptomave dhe kontakeve me të infektuarit, ministri i Shëndetësisë tha se kaq janë kapacitetet e Republikës së Kosovës, mirëpo theksoi se situata me teste do të përmirësohet pas licensimit të laboratorëve privat që do të bëhet këto ditë.

“Çdo ditë po japim këtë përgjigjje jo vetëm për qytetarët e Ferizajt, por për të gjithë qytetarët e Republikës së Kosovës, janë kërkesa normale, janë ankesa që adresohen, por këto janë kushtet dhe rrethanat edhe kapacitetet e Republikës së Kosovës të cilat po rriten në vazhdimësi. Jemi në rritjen e kapaciteteve edhe të testimeve kështu që edhe qendra rajonale e shëndetit publik do ta ketë laboratorin e vet për testime molekulare, gjatë këtyre dtëve do të fillojnë edhe laboratoret private të licensohen dhe kjo çështje të marrë kahje tjetër të zgjerimit të ofrimit me testime”, tha Zemaj.

Ndërkaq, drejtori i spitalit të Ferizajt u shpreh falënderues ndaj Ministrisë së Shëndetësisë për përkrahjen që po i jep spitalit të Ferizajt.

Ferizaj

Humb jetën një punëtor në një objekt në ndërtim në Ferizaj

Published

6 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

3 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

3 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.