Ferizaj

Lia Stublla dhuron 50 çanta me pajisje shkollore për fëmijët në nevojë

Published

6 years ago

27 August, 2020

Të martën pritet të filloj viti i ri shkollor, e me këtë rast disenjatorja e njohur Lia Stublla përmes fondacionit të saj “LS Foundation”, i solli sot në Ferizaj 50 çanta me pajisje elementare shkollore, të cilat do t’iu dhurohen fëmijëve në nevojë.

Stublla tha se këto ndihma janë shumë të vogla krahasuar me nevojën e madhe që kanë familjet kosovare, mirëpo në këtë mënyrë synojnë që sado pak t’i ndihmojnë nevojtarët.

“LS fondacion ka tri vite që grumbullon fonde për me i ndihmu fëmijët. Prioritet i kemi fëmijët të cilët nuk kanë mundësi me u shkollu, me ndjekë kurse, shkolla, me u regjistru në fakultet dhe kështu e kemi bërë një fondacion që mendojmë për ta. Sigurisht numri është shumë i madh, ne nuk mundemi me i përfshi të gjitha rastet, por ne po mundohemi që sado pak me zbut këtë situatë”, tha Stublla.

Në këto ditë pandemie kur maska është e domosdoshme të mbahet, Stublla është kujdesur që në secilën çantë të fus edhe nga një maskë.

“Jemi munduar që brenda çantës me qenë të gjitha mjetet që u duhen fëmijëve për me fillu mësimin, shtesë aty ka edhe maska që stafi ynë është munduar që brenda çantës të ketë edhe maskë ”LS” marrë parasysh situatën që është me virus, majde e kam bërë edhe një shkrim për fëmijët që mos të dorëzohen kurrë pa marrë parasysh se çka ndodhë”, tha Stublla.

Këtë donacion e pranoi drejtori i Arsimit Afrim Llabjani, i cili u shpreh falënderues ndaj donatores.

“Shprehim mirënjohje ndaj “LS fondacion” që sot na ka dhuruar këto 50 çanta për t’i pajisur nxënësit në nevojë në këtë kohë të vështirë kur e dimë që ekonomitë familjare janë rënduar shumë si pasojë e kësaj pandemie dhe ky donacion është një ndihmesë shumë e madhe për ta. Ne fatkeqësisht jemi në një situatë që akoma nuk e kemi të qartë se si do të ndodhë procesi mësimor gjatë kësaj periudhe, por sido që të jetë këto çanta janë jashtëzakonisht ndihmesë e madhe“, tha Llabjani.

Përveç donacionit të sotëm në Ferizaj, Stublla ka dhuruar edhe 50 çanta për fëmijët në nevojë në Prishtinë dhe 50 në shoqatën ”Nëna dhe fëmijë të lumtur”.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

4 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

5 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim