Ferizaj

”Kritika dhe ese” nga Zyrafete Shala së shpejti në duart e lexuesve

Published

6 years ago

09 September, 2020

Dashamirët e librit së shpejti do të kenë në duar librin më të ri të autores dhe analistes letrare Zyrafete Shala.

“Kritika dhe ese” është libri që pritet të dalë këto ditë nga botimi, i cili përmban 25 shkrime rreth veprave dhe autorëve të ndryshëm.

“Për dallim prej librit të parë ky libër është me shkrime më të shkurta, janë recensione, analiza, shkrime, kritika për vepra dhe autorë të ndryshëm, janë diku 25 shkrime, një pjesë përmban shkrime mbi veprat me poezi, një pjesë për prozë, dramë, për kritikën letrare dhe në fund janë disa ese që gërshetohen me letërsi. Ne kemi krijimtari letrare, por pa e pasur kritikën që e vlerëson atë vepër, që ia cakton vendin që e ka në letrat shqipe, është pak e mangët, unë e gjej veten në këtë drejtim dhe mundohem sado pak me i ofru lexuesit një urë kaluese deri te vepra letrare, pasi jo të gjithë janë të përgatitur me analizu një vepër e këto që unë i shkruaj, analizat për veprat e ndryshme e lehtësojnë të kuptuarin e veprës”, tha Shala.

Shala thotë se ka më shumë se një dekadë që ka filluar t’i përgatisë këto shkrime, për t’i përmbledhur në një libër.

“Është një periudhë e gjatë 10 vjeçare, ka shkrime që i kam bërë para një dekade dhe kur iu kthehesh atyre shkrimeve që unë i kam shkruar edhe ato i sheh që edhe qenia jote ka evoluar, i sheh disa qëndrime që kanë ndryshuar dhe aty ka qenë ajo dilema më e madhe a me i lënë ashtu siç kam menduar para një dekade apo me i përpunu dhe me i përshtat me ato që i mendoj edhe sot dhe kam vendosur me i përpunu, e kam përmendur edhe në hyrje që tek e fundit kjo që ne i ndryshojmë veprat tona tregon që ne po ecim përpara, ka qenë një shkrimtar që e kanë pyetur se pse po i ndryshon kaq shpesh versionet e poezive, është përgjigjur se po e ndryshoj veten time, kështu edhe unë vendosa që shkrimet me qenë koherente me ato që sot i mendoj”, tha Shala.

“Kritika dhe ese” nga autorja Zyrafete Shala, me redaktor shkrimtarin nga Shqipëria Kliton Nesturin dhe recensent Gazmend Bytyçin e Arsim Hamitin, do të promovohet këto ditë në panairin e librit në Ferizaj.

Ferizaj

Në Ferizaj raportohen katër bankënota të dyshuara nga 500 €

Published

13 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

13 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.