Ferizaj

”Metal Laçi” i del në ndihmë të riut që u braktis nga familja

Published

6 years ago

17 September, 2020

Rrallëherë ndodhë që punëdhënësi ta befasojë punëmarrësin në ditën e tij të lindjes.

Por, një gjë të tillë e bëri pronari i kompanisë “Metal Laçi”, Isa Laçi, i cili u përkujdes t’ia festoj ditëlindjen një punëtori të tij që e punësoi pak ditë më parë.

Ky djalë që i mbushi të 18-tat, vite më parë ishte braktisur nga babi tij biologjik nga Ferizaj, ndërsa pak vite më vonë atij i vdiq e ëma me të cilën jetonin në komunën e Gjilanit. Mospërkujdesja për të as nga të afërmit e tjerë bëri që ai të mbetej rrugëve duke kaluar natën kudo që e zinte terri.

Me të kuptuar këtë histori, pronari i ”Metal Laçi”-it,e punësoi menjëherë atë.

“Para disa dite prej zyrës sociale më thirrën në telefon dhe më kërkuan se a ka mundësi me marrë një person në punë, në fillim refuzova, por më pas shkova në zyre të socialit dhe aty më pritën Dashurije Ahmeti dhe baci Musë, aty e pashë edhe një djalë që rrinte i vendosur në një kënd, aty më treguan se bëhet fjalë për këtë djalë që ishte nën moshën 18 vjeçare dhe pasi e dëgjova historinë e tij pranova ta punësoj, aty më tregun se ky fëmijë ishte pa ngrënë 3 ditë, madje ishte duke fjetur edhe nëpër bodrume, kështu që unë pranova ta punësoj në punishten time”, tha Laçi.

Laçi thotë se janë duke bërë përpjekje që këtij të riu t’ia sigurojnë edhe banimin.

“Restorant “Bolero” i ka ofruar strehim për disa netë derisa t’ia bëjmë një zgjidhje, ky fëmijë që nga sot llogaritet i ri tani e ka një vend pune, por duhet t’i sigurohet edhe banimi, unë kam bisedu me disa biznese ua kam treguar rastin dhe ata kanë pranu që me përkrah. Po ashtu, duhet të tregoj se kur e kemi diskutu me shokë, i kemi tubuar disa të holla dhe me ato kemi shkuar në qendrën “Outlet” ku i kemi blerë veshmbathje djalit, por vlen të thuhet se këtu ka bërë mjaft zbritje edhe “Outlet”-i që e falënderojmë edhe atë”, tha Laçi.

Dashurije Ahmeti, zyrtare e Qendrës për Punë Sociale, tregon se ky i ri ishte referuar tek ta nga policia, ku vet ai kishe kërkuar ndihmë.

“Ky fëmijë nuk e ka njërin prind dhe për shkak se prindi tjetër gjendet në burg ky vet është lajmërua në polici, sepse nuk ka pas vendbanim, nuk ka pasur ushqim dhe ka kërkuar zgjidhje nga institucionet për çka jemi fatlum që kemi arritur t’i dalim në ndihmë këtij djali të ri që sapo e festoi ditëlindjen. Falënderojmë “Metal Laçin”, hotel “Boleron” i cili që 7 ditë është duke e strehuar këtë të ri, tani dëshira jonë është t’i sigurojmë strehim të përhershëm dhe për këtë na duhet ndihmë nga donatorët“, tha Dashurije Ahmeti.

Para se t’i mbushte 18 vjeç, në kompaninë “Metal Laçi” ky i ri punonte vetëm 3 orë në ditë, ndërsa tani ai ka nënshkruar kontratë me orar rë plotë.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim